NUG ဖက်ဒရယ် ပြည်ထောင်စုဝန်ကြီး ဒေါက်တာ  လျန်မှုန်းဆာခေါင်းအား  မြန်မာ့ဒီမိုကရေစီအရေးကို   အားပေထောက်ခံသည့် ကိုရီးယားပါတီ အသီးသီးမှ လွတ်တော်အမတ်(၃)ဦးနှင့်တွေ့ဆုံ

NUG ဖက်ဒရယ် ပြည်ထောင်စုဝန်ကြီး ဒေါက်တာ လျန်မှုန်းဆာခေါင်းအား မြန်မာ့ဒီမိုကရေစီအရေးကို အားပေထောက်ခံသည့် ကိုရီးယားပါတီ အသီးသီးမှ လွတ်တော်အမတ်(၃)ဦးနှင့်တွေ့ဆုံ

၂၀၂၂ခုနှစ်၊ အောက်တိုဘာလ(၁၉)ရက်၊ ဗုဒ္ဓဟူးနေ့ကိုရီးယားသမ္မတနိုင်ငံသို့ ရောက်ရှိနေသည့် ပြည်ထောင်စုသမ္မတ မြန်မာနိုင်ငံတော် အမျိုးသားညီညွတ်ရေး အစိုးရ (NUG) ဖက်ဒရယ် ပြည်ထောင်စုရေးရာဝန်ကြီးဌာန၏ ပြည်ထောင်စုဝန်ကြီး ဒေါက်တာ လျန်မှုန်းဆာခေါင်းအား ယနေ့ ကိုရီးယားဒေသ စံတော်ချိန် နေ့လယ် (၂)နာရီ မှ  နေ့လည် (၄) နာရီ အချိန်အတွင်းတွင် မြန်မာ့ဒီမိုကရေစီအရေးကို အားပေးထောက်ခံသည့် ကိုရီးယားပါတီ အသီးသီးမှ လွတ်တော်အမတ်များက ဆိုလ်းမြို့ရှိ ကိုရီးယားပြည်သူ့လွတ်တော် အတွင်းရှိ လည်ကောင်းတို့၏ ရုံးခန်းများတွင် သီးခြား တွေ့ဆုံကြရာ လွှတ်တော်အမတ် အသီးသီးကလှိုက်လှဲပျူငှာစွာဖြင့် ကြိုဆို နှုတ်ဆက်ကြပြီး မြန်မာ့ဒီမိုကရေစီအရေးအတွက် ရင်းနှီးပွင့်လင်းစွာ ဆွေးနွေးတိုင်ပင်ခဲ့ပါသည်။ရှေးဦးစွာ တရားမျှတရေးပါတီမှ အမျိုးသမီး လူငယ်လွှတ်တော် အမတ်ဖြစ်သူ MRS-JANG HYE YEONG နှင့်ဂတွေ့ဆုံဆွေးနွေးရာ သူမက မြန်မာနိုင်ငံတွင် အာဏာသိမ်းစစ်တပ်မှ နိုင်ငံရေးလှုပ်ရှားသူများကို သေဒဏ်ပေးခြင်းအပေါ် မိမိတိုပါတီနှင့် ကိုရီးယားပြည်သူလူထုက လုံး၀လက်ခံနိုင်ခြင်းမရှိကြောင်း ဆက်လက်ပြီး စကစမှ သေဒဏ်စီရင်ရန် အမိန့်ချမှတ်ခံထားရသူ ဒီမိုကရေစီရေးလှုပ်ရှားသူ များစွာ ရှိနေသေးကြောင်း ကြားသိထားရပါသဖြင့် ကိုရီးယားလွှတ်​တော်မှ တရားဝင် ကန့်ကွက်တောင်းဆိုမှုဖြစ်ပေါ်လာနိုင်ရန် မိမိတို့ ပါတီအနေဖြင့် အပြင်းအထန် လှုပ်ရှားသွားမည်ဖြစ်ကြောင်း ကတိပြုပြောကြားခဲ့ပါသည်။ဒီမိုကရက်တစ်ပါတီမှ  လွှတ်တော်အမတ်ဖြစ်သူ MR-KO YOUNG IN  နှင့် တွေ့ဆုံရာတွင် မစ်စတာ ကို မှ မိမိတို့ ဒီမိုကရကျတစျပါတျီအနဖွေငျ့ မြန်မာ့ဒီမိုကရေစီအရေးကို အစဥ်တစိုက် အားပေးထောက်ခံခဲ့ကြောင်း၊ ယခုနှစ်အတွင်းတွင် အဏာရနှင့် အတိုက်အခံ လွှတ်တော် အမတ်(၈၀) ကျော်ဖြင့် ကော်မတီတရပ်ဖွဲ့ထားပြီး (NUG) အစိုးရကို ကိုရီးယား အစိုးရမှအသိ အမှတ်ပြုနိုင်ရန်အတွက် လွှတ်တော်တွင်းကြိုးပမ်း ဆောင်ရွက်သွားမည်ဖြစ်ကြောင်း ကတိပြုပြောကြားခဲ့ပါသည်။အခြေခံလစာ ပါတီမှ အမျိုးသမီး လွှတ်တော်အမတ်ဖြစ်သူ MRS- YONG HYE IN က  ဒီမိုကရေစီနှင့်လူ့အခွင့်အရေးကို လေးစားမြတ်နိုးသူတိုင်း မြန်မာ့ ဒီမိုကရေစီ အရေးလှုပ်ရှားမှုကို အားပေးထောက်ခံရမှာဖြစ်ကြောင်း၊ယခုကိုရီးယား လွှတ်တော်အတွင်းတွင် သူမဆောင်ရွက်နေသည့်  မြန်မာနိုင်ငံအား စီးပွားရေး ပိတ်ဆို့သည့် ဥပဒေကို အတည်ပြုပြဌာန်းနိုင်သည်အထိ ဆက်လက်အားထုတ်ကြိုးပမ်းသွားမည်ဖြစ်ကြောင်း ကတိပြု ပြောကြားခဲ့ပါသည်။ယနေ့တွေ့ဆုံခဲ့သည့် ကိုရီးယားလွှတ်တော် အမတ် (၃)ဦးသည် မြန်မာနိုင်ငံတွင် မင်းအောင်လှိုင် ဦးဆောင်သော စစ်တပ်မှ တရားမဝင် အာဏာ သိမ်းယူခြင်းနှင့် စစ်တပ်မှ ပြည်သူလူထု နေထိုင်သည့် ကျေးရွာအိုးအိမ်များကို မီးရှို့ ဖျက်ဆီးခြင်း၊ပြည်သူများအပေါ် နှိပ်စက်သတ်ဖြတ်ခြင်းတို့ကို ရှုတ်ချပြစ်တင်ခဲ့ပြီး၊ မြန်မာနိုင်ငံတွင် စစ် တပ်မှ ကြီးစိုးနေမှုကို အမြစ်ဖြတ်သုတ်သင်ပြီး နောက်ထပ် စစ်အာဏာသိမ်းမှုမပေါ်ပေါက်စေနိုင်သော ဖက်ဒရယ်အခြေခံဥပဒေပြဌာန်းနိုင်သည်အထိမိမိတို့အနေဖြင့် အားပေးထောက်ခံသွားမည်ဖြစ်ကြောင်း ကတိပြုပြောကြားခဲ့ကြပါသည်။

NUGဖက်ဒရယ်ပြည်ထောင်စုဝန်ကြီး ဒေါက်တာ လျန်မှုန်းဆာခေါင်းအား ကိုရီးယားနိုင်ငံ ဆိုလ်းမြို့တော် ပညာဝန် မစ္စတာ ဂျိုဟီးယွန် တွေ့ဆုံ

NUGဖက်ဒရယ်ပြည်ထောင်စုဝန်ကြီး ဒေါက်တာ လျန်မှုန်းဆာခေါင်းအား ကိုရီးယားနိုင်ငံ ဆိုလ်းမြို့တော် ပညာဝန် မစ္စတာ ဂျိုဟီးယွန် တွေ့ဆုံ

၂၀၂၂ခုနှစ်၊ အောက်တိုဘာလ(၁၉)ရက်၊ ဗုဒ္ဓဟူးနေ့ကိုရီးယား သမ္မတနိုင်ငံသို့ ရောက်ရှိနေသည့် ပြည်ထောင်စုသမ္မတ မြန်မာနိုင်ငံတော် အမျိုးသားညီညွတ်ရေး အစိုးရ (NUG) ဖက်ဒရယ် ပြည်ထောင်စုရေးရာဝန်ကြီးဌာန၏ ပြည်ထောင်စုဝန်ကြီး ဒေါက်တာ လျန်မှုန်းဆာခေါင်းအား ယနေ့ ကိုရီးယားဒေသ စံတော်ချိန် မနက် (၁၁)နာရီ အချိန်တွင် ကိုရီးယားသမ္မတနိုင်ငံ၏ ဆိုလ်းမြို့တော်၏ ပညာဝန် မစ္စတာ ဂျိုဟီးယွန်(MR-CHO HEE YEON) က ဆိုလ်းမြို့တော် အစိုးရ ပညာဝန်ရုံး ခန်းမဆောင်တွင်  တွေ့ဆုံခဲ့ပါသည်။ထိုသို့တွေ့ဆုံရာတွင် ပြည်ထောင်စုဝန်ကြီးမှ မြန်မာပြည်သူလူထု၏  အသက်သေခံပြီး စစ်အာဏာသိမ်းမှုဆန့်ကျင်ရေး လှုပ်ရှားမှုများ၊ နိုင်ငံ့ဝန်ထမ်းများ၏ CDM လှုပ်ရှားမှုများ၊ ပြည်သူလူထုသည် စစ်ကောင်စီ၏ အကြမ်းဖက်သတ်ဖြတ်ခြင်းကို ခံနေကြရပြီး အိုးအိမ်စွန့်ခွာ ထွက်ပြေးနေရမှုများ၊ ကျောင်းသားလူငယ်မျိုးဆက်သစ်များ၏ အနာဂတ်ပျောက်ဆုံးနေမှုများကို ရှင်းလင်းပြောကြားခဲ့ပါသည်။ဆိုလ်းမြို့ပညာဝန်ကလည်း မြန်မာ့နိုင်ငံရေးအခြေအနေများကို မျက်ခြေမပြတ်လေ့လာနေသဖြင့် အားလုံးကို သိရှိနားလည်စာနာမိကြောင်း၊ လူသားချင်းစာနာထောက်မှု အထောက်အပံ့အနေဖြင့်လည်း မိမိတို့ စဉ်ဆက်မပြတ်စစ်ဘေးရှောင်ဒေသများသို့ တိုက်ရိုက် လှူဒါန်း ထောက်ပံ့နေကြောင်းနှင့် မြန်မာကျောင်းသားလူငယ်များကို အကူအညီပေးနိုင်မည့် နည်းလမ်းများကို အမြဲရှာဖွေ စဉ်းစားလျက်ရှိကြောင်း ပြန်လည်ပြောဆိုခဲ့ပါသည်။ပြည်ထောင်စုဝန်ကြီးမှ မိမိတို့ NUG အစိုးရအနေဖြင့်  ပြည်သူ့အုပ်ချုပ်ရေးအဖွဲ့များ ဖွဲ့စည်းပြီးသည့် ဒေသများအနက် ချင်းပြည်နယ်တခုတည်းမှာပင် စာသင်ကျောင်းပေါင်းများစွာကို ဖွင့်လှစ်နိုင်ခဲ့ပြီဖြစ်ပြီး၊ အွန်လိုင်းမှတဆင့် စာသင်ကြားမှုများကိုလည်း ပြုလျက်ရှိနေကြောင်း ရှင်းပြခဲ့ပါသည်။ဆက်လက်၍ ဝန်ကြီးက  NUG အစိုးရမှ ဖွင့်လှစ်သည့်ကျောင်းတိုင်းတွင် ဒီမိုကရေစီနှင့် လူ့အခွင့်အရေး အခြေခံသဘောတရားများကိုပါ ထည့်သွင်းသင်ကြားပေးနေကြောင်း၊ အနာဂတ်မျိုးဆက်လူငယ်များ၏ ပညာသင်ကြားရေး ပြတ်တောက်သွားမှုမရှိစေရန် အစွမ်းကုန် ကြိုးစားလျက်ရှိနေကြောင်းနှင့် နည်းပညာအ ထောက်အကူပြုပစ္စည်းများ လိုအပ်နေမှုများကို ရှင်းလင်းပြောပြရာ ဆိုလ်းမြို့ပညာဝန်မှ NUG အစိုးရမှ အခက်အခဲများကြားမှ မြန်မာလူငယ်များ၏ အနာဂတ်အတွက် ကြိုးစားအားထုတ်နေမှုများကို ကြားသိရ၍ ပညာရေးကို အထူးအားပေးသော မိမိတို့ အနေဖြင့် ဝမ်းသာမိကြောင်း၊ NUG မှ ဖွင့်လှစ်ထားသော ကျောင်းများသာမက Refugee Camp များတွင် ရောက်ရှိနေသော ဒုက္ခသည်ကျောင်းသားလူငယ်များအတွက်ပါ လိုအပ်သော နည်းပညာအထောက်အကူပြုပစ္စည်းများ ထောက်ပံ့ကူညီနိုင်ရေးအတွက် အမြန်ဆုံးနည်းလမ်းများရှာဖွေသွားမည်ဖြစ်သလို online ပညာရေးစနစ် တိုးတက်ဖွံ့ဖြိုးရေးအတွက်လည်း ဘက်ပေါင်းစုံမှကူညီသွားမည်ဖြစ်ကြောင်း ပြန်လည်ပြောကြားခဲ့ပါသည်။အထက်ပါကိစ္စရပ်များအကောင်အထည်ဖော်ဆောင်ရွက်နိုင်ရန်အတွက် ကိုရီးယားပညာရေးအဖွဲ့ အစည်းများ၊ မြန်မာ့နိုင်ငံရေးစိတ်ဝင်စားကြသည့် ကိုရီးယားအစိုးရပိုင်းမှ တာဝန်ရှိသူများ၊ NUG အစိုးရအဖွဲ့မှ ပညာရေးတာဝန်ခံများကို Network သဏ္ဍာန် ချိတ်ဆက်ပြီး ကိုရီးယား NUG ကိုယ်စားလှယ်ရုံးမှတဆင့်  ဆက်လက် အကောင်အထည် ဖော်ဆောင်ရွက်သွားကြရန် သဘောတူညှိနှိုင်းမှုများကို ရရှိခဲ့ပါသည်။

NUG ဖက်ဒရယ်ရေးရာဝန်ကြီး ဒေါက်တာဆလိုင်းလျန်မှုန်းဆာခေါင်းသည် ကိုရီးယားနိုင်ငံတော်သုတေသနကောင်စီ ဥက္ကဌနှင့် တွေ့ဆုံ

NUG ဖက်ဒရယ်ရေးရာဝန်ကြီး ဒေါက်တာဆလိုင်းလျန်မှုန်းဆာခေါင်းသည် ကိုရီးယားနိုင်ငံတော်သုတေသနကောင်စီ ဥက္ကဌနှင့် တွေ့ဆုံ

၂၀၂၂၊ အောက်တိုဘာလ (၁၉)ရက်၊ဗုဒ္ဓဟူးနေ့ ပြည်ထောင်စု သမ္မတမြန်မာနိုင်ငံတော် အမျိုးသားညီညွတ်ရေးအစိုးရ၏ ဖက်ဒရယ်ရေးရာ ပြည်ထောင်စုဝန်ကြီး ဒေါက်တာဆလိုင်းလျန်မှုန်းဆာခေါင်းသည်  ၂၀၂၂ ခုနှစ် အောက်တိုဘာလ(၁၉)ရက် ဗုဒ္ဓဟူးနေ့ ကိုရီးယားဒေသစံတော်ချိန်  ညနေ (၄) နာရီ (၃၀) မိနစ်အချိန်တွင် ကိုရီးယားသမ္မတနိုင်ငံတော်၏ အစိုးရဆိုင်ရာ နိုင်ငံတော်သုတေသန ကောင်စီ၏ ဥက္ကဋ္ဌ မစ္စတာ ဂျောင်ဟဲဂူး(MR- JUNG HAE GU) နှင့် တွေ့ဆုံကာ မြန်မာအရေးအား ဆွေးနွေးခဲ့ပါသည်။ဆွေးနွေးပွဲတွင် ပြည်ထောင်စုဝန်ကြီးမှ လက်ရှိ မြန်မာ့နိုင်ငံအရေးနှင့် ပက်သက်ပြီး ကိုရီးယားနိုင်ငံတော်သုတေသနကောင်စီ၏ စိတ်အားထက်သန်စွာ ဝိုင်းဝန်းကူညီအားပေးမှုအား အထူးကျေးဇူးတင်ရှိပါကြောင်း၊ လက်ရှိ မြန်မာနိုင်ငံတော်တွင် မင်းအောင်လှိုင် ခေါင်းဆောင်သော အကြမ်းဖက်စစ်တပ်၏ လူမဆန်သော လုပ်ရပ်များကြောင့် လူငယ်များ၊ တက္ကသိုလ်ကျောင်းသူကျောင်းသားများနှင့် ကလေးသူငယ်များ ကျောင်းဆက် မတက်နိုင်မှုသည် အထူး စိုးရိမ်စရာဖြစ်နေကြောင်းနှင့် မြန်မာနိုင်ငံအနာဂတ်အတွက် ပညာရေးသည် အဓိကကျသောအရာအဖြစ် အမျိုးသားညီညွတ်ရေးအစိုးရမှ သတ်မှတ်ကြောင်း ထုတ်ဖော်ပြောကြားခဲ့ပါသည်။ ဆက်လက်၍ ပြည်ထောင်စုဝန်ကြီးမှ ကိုရီးယားနိုင်ငံတော်နှင် နိုင်ငံတော်သုတေသနကောင်စီအနေဖြင့်  ကူညီထောက်ပံ့နိုင်မည့် နည်းလမ်းများကို ရှင်းလင်းပြောပြခဲ့ပါသည်။ကိုရီးယားနိုင်ငံတော်သုတေသနကောင်စီ ဥက္ကဋ္ဌကလည်း မိမိတို့ သုတေသနကောင်စီအနေဖြင့် မြန်မာဒီမိုကရေစီအရေးကို အစဉ်မပြတ် စောင့်ကြည့် လေ့လာနေသည်မှာ အတော်ကြာပြီ ဖြစ်ကြောင်း၊ အာဏာသိမ်းမှုဖြစ်ပြီးနောက်ပိုင်း မြန်မာနိုင်ငံ၏ အခြေအနေများအပေါ် အထူးစိတ်မကောင်းဖြစ်ရကြောင်း၊ အကြမ်းဖက်စစ်ကောင်စီမှ ဖျက်စီးနေသောမြန်မာ့ပညာရေးကို သူတို့အနေနဲ့ ကူညီထောက်ပံ့နိုင်မည့် နည်းလမ်းများကိုလည်း ရှာဖွေလျှက်ရှိနေကြောင်း၊ ဝန်ကြီးအား အခုလို လူချင်းဆုံတွေ့နိုင်ခွင့်ရသည်ကိုလည်း အထူးကျေးဇူးတင်ရှိကြောင်းအား ပြောကြားကာ နောင် အနာဂတ်တွင်အမျိုးသားညီညွတ်ရေးအစိုးရ (NUG)နှင့် ကိုရီးယားနိုင်ငံတော် သုတေသနကောင်စီ၏ အတူတွဲဘက် လုပ်ဆောင်မည့် လုပ်ငန်းအတွက် လိုအပ်ချက်များကို အပြန်အလှန် ဆွေးနွေးခဲ့ကြပါသည်။ ထို့နောက် ဝန်ကြီးနှင့်ဥက္ကဌတို့မှ  အမှတ်တရပစ္စည်းများ အပြန်အလှန် ပေးအပ်ခြင်း၊ ရင်းနှီးစွာ အမှတ်တရ ဓာတ်ပုံ ရိုက်ကူးခြင်းကို ပြုလုပ်ပြီး ဆွေးနွေးပွဲအား အောင်မြင်စွာ ရုတ်သိမ်းခဲ့ပါသည်။(ကိုရီးယား နိုင်ငံတော် သုတေသန ကောင်စီသည် ကိုရီးယားအစိုးရ၏ အဓိကကျသော နိုင်ငံတော် သုတေသနပြု ဌာနဖြစ်ပြီး၊ အရှေ့တောင်အာရှအရေးနှင့် ပညာရေးနယ်ပယ် တိုးတက်ရေးအတွက် ထဲထဲဝင်ဝင် လှုပ်ရှားနေသော အဖွဲ့အစည်းဖြစ်ပါသည်)

အမျိုးသားညီညွတ်ရေး အစိုးရ (NUG)၏ ဖက်ဒရယ် ပြည်ထောင်စုရေးရာဝန်ကြီးဌာန၏ ပြည်ထောင်စုဝန်ကြီး ဒေါက်တာ လျန်မှုန်းဆာခေါင်းအား ဂွမ်ဂျူးမြို့တော်ဝန် တွေ့ဆုံ

အမျိုးသားညီညွတ်ရေး အစိုးရ (NUG)၏ ဖက်ဒရယ် ပြည်ထောင်စုရေးရာဝန်ကြီးဌာန၏ ပြည်ထောင်စုဝန်ကြီး ဒေါက်တာ လျန်မှုန်းဆာခေါင်းအား ဂွမ်ဂျူးမြို့တော်ဝန် တွေ့ဆုံ

#ကိုရီးယား သမ္မတနိုင်ငံတွင် ကျင်းပပြုလုပ်မည့် နိုင်ငံတကာနှင့် မြန်မာ့ ဖက်ဒရယ် ဒီမိုကရေစီရေးရာ ဆွေးနွေးပွဲသို့ တက်ရောက်ရန် အထူးဖိတ်ကြားခံရသည့် ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေး အစိုးရ (NUG) ဖက်ဒရယ် ပြည်ထောင်စုရေးရာဝန်ကြီးဌာန၏ ပြည်ထောင်စုဝန်ကြီး ဒေါက်တာ လျန်မှုန်းဆာခေါင်းအား ယနေ့ ကိုရီးယားဒေသ စံတော်ချိန် နေ့လယ် (၃)နာရီ (၁၀)မိနစ် အချိန်တွင် ကိုရီးယားသမ္မတနိုင်ငံ၏ အထင်ကရ ဒီမိုကရေစီမြို့တော် ဖြစ်သည့် ဂွမ်ဂျူးမြို့၏ မြို့တော်ဝန် MR- KANG GI JUNG က မြို့တော်ဝန်ရုံးခမ်းမဆောင်တွင်  တွေ့ဆုံခဲ့ပါသည်။#ထိုသို့တွေ့ဆုံရာတွင် ဂွမ်ဂျူးမြို့တော်ဝန်က မိမိတို့ အနေဖြင့် ကိုရီးယား အစိုးရသာမက ကိုရီးယား ပြည်သူပြည်သားများအနေဖြင့် လက်ရှိ မြန်မာနိုင်ငံ၏ နိုင်ငံရေးအခြေအနေအရပ်ရပ်ကို သိရှိထားပါကြောင်း၊ စစ်အာဏာရှင်လက်အောက် မြန်မာနိုင်ငံသားများ၏ ခံစားချက်များကို စာနာနားလည်ပါကြောင်း၊NUG အစိုးရကိုလည်း မိမိ တသီးပုဂ္ဂလအနေဖြင့် အသိအမှတ်ပြု ထောက်ခံနေပါကြောင်း၊ ကိုရီးယားအစိုးရအနေဖြင့်လည်း နွေဦးတော်လှန်ရေးကို ဆင်နွဲနေကြသည့် မြန်မာပြည်သူပြည်သားများအား အစဉ်အားပေးနေမည်ဖြစ်ပါကြောင်းနှင့် မြန်မာနိုင်ငံအနေဖြင့် ဒီမိုကရေစီလမ်းကြောင်းပေါ်သို့ ပြန်လည်ရောက်ရှိနိုင်စေရေးအတွက် မိမိတို့အနေဖြင့် အစွမ်းကုန် ကူညီပံ့ပိုးပေးသွားမည်ဖြစ်ပါကြောင်း အစရှိသည့် ကတိစကားများ ပြောကြားခဲ့ပါသည်။ ပြည်ထောင်စုဝန်ကြီး ဒေါက်တာ လျန်မှုန်းဆာခေါင်းကလည်း ကိုရီးယားနိုင်ငံ၏ စစ်အာဏာရှင် ဂျွန်ဒူးဝမ်ကို တွန်းလှန်ခဲ့သည့် ၁၉၈၀ ပြည့် ဂွမ်ဂျူး ဒီမိုကရေစီ တော်လှန်ရေးလှုပ်ရှားမှုသမိုင်းကို မိမိ ကောင်းစွာသိရှိပါကြောင်း၊ စံနမူနာယူကာ အတုယူလေ့လာမိပါကြောင်း၊ မြန်မာ့ဒီမိုကရေစီတော်လှန်ရေးကို အစဉ်ထောက်ခံအားပေးမှုများအတွက် ကိုရီးယားအစိုးရနှင့် ပြည်သူပြည်သားများကိုလည်း အထူး ကျေးဇူးတင်ပါကြောင်း ပြောကြားခဲ့ပါသည်။ထို့နောက် ဝန်ကြီးက ကိုရီးယားအစိုးရနှင့် NUG အစိုးရကြား အတူတကွ ပူးပေါင်းဆောင်ရွက်လိုသည့် ကိစ္စရပ်များနှင့် အဓိက လိုအပ်သည့် အကူအညီများကို မြို့တော်ဝန်နှင့် အပြန်အလှန် ရင်းနှီးပွင့်လင်းစွာ အကျယ်တဝင့် မေတ္တာရပ်ခံ တောင်းဆိုခဲ့ပါသည်။#ထို့နောက်  ပြည်ထောင်စုဝန်ကြီး  ဒေါက်တာ လျန်မှုန်းဆာခေါင်းနှင့်တကွ NUG အစိုးရ၏ ကိုရီးယားနိုင်ငံဆိုင်ရာ ကိုယ်စားလှယ်နှင့် အဖွဲ့သည်  ဂွမ်ဂျူး မေ(၁၈)အောက်မေ့ဖွယ် ဖောင်ဒေးရှင်းရုံးပြတိုက်သို့ ဆက်လက်သွားရောက်ခဲ့ပါသည်။ဝန်ကြီးနှင့်အဖွဲ့ကို ဂွမ်ဂျူးမေ(၁၈)ဖောင်ဒေးရှင်း ဥက္ကဋ္ဌ MR-SUNSEOK WON နှင့် ရုံးအဖွဲ့တို့က နွေးထွေးပျူငှာစွာ  ကြိုဆိုနှုတ်ဆက်ခဲ့ကြပြီး ဂွမ်ဂျုး မေ(၁၈)ဖောင်ဒေးရှင်းအနေဖြင့် မြန်မာ့ဒီမိုကရေစီတော်လှန်ရေး အတွက်အားပေးကူညီပေးခဲ့မှုများနှင့် ရှေ့ဆက် ကူညီထောက်ပံ့ပေးမည့် လုပ်ငန်းစဉ်များကို ပြည်ထောင်စုဝန်ကြီးအား ရှင်းလင်းတင်ပြခဲ့ပါသည်။ထို့နောက် ဖောင်ဒေးရှင်းရှိ ဂွမ်ဂျူး မေ(၁၈) သမိုင်းဝင်မှတ်တမ်း ဓာတ်ပုံပြတိုက်ကို ကြည့်ရှု့လေ့လာခဲ့ကြပြီး၊ ပြည်ထောင်စုဝန်ကြီးသည် ကိုရီးယားနိုင်ငံ၏ အထင်ကရ ရုပ်သံသတင်းဌာနဖြစ်သည့် MBC သတင်းဌာနက  NUG အစိုးရ၏ လက်ရှိလုပ်ဆောင်ချက်များနှင့် အနာဂတ် ရည်မှန်းချက်များဟူသည့် ခေါင်းစဉ်ဖြင့် တိုက်ရိုက် ရုပ်သံ အင်တာဗျူးအစီအစဉ်ကို ပြုလုပ်ခဲ့ပါသည်။ဆက်လက်၍ ပြည်ထောင်စုဝန်ကြီးနှင့်အဖွဲ့သည် ဂွမ်ဂျူး သူရဲကောင်း ဗိမ္မာန်သို့ သွားရောက်ကာ  ၁၉၈၀ ပြည့်  မေ(၁၈)ဂွမ်ဂျူး အရေးတော်ပုံအတွင်း ကျဆုံးခဲ့ကြသည့်  အာဇာနည် သူရဲကောင်းများကို အမှတ်တရ ရည်စူးအလေးပြုပြီး မေတ္တာပို့ဆုတောင်းခဲ့ပါသည်။

ဖက်ဒရယ် ပြည်ထောင်စုရေးရာဝန်ကြီး ဒေါက်တာ လျန်မှုန်းဆာခေါင်း ကိုရီးယားသမ္မတနိုင်ငံသို့ ရောက်ရှိ

ဖက်ဒရယ် ပြည်ထောင်စုရေးရာဝန်ကြီး ဒေါက်တာ လျန်မှုန်းဆာခေါင်း ကိုရီးယားသမ္မတနိုင်ငံသို့ ရောက်ရှိ

တောင်ကိုရီးယား သမ္မတနိုင်ငံ Asia Center - Seoul National Universityတွင် ၂၀၂၂ ခုနှစ် အောက်တိုဘာလ (၂၁) ရက်သောကြာနေ့၌ ကျင်းပပြုလုပ်မည့် နိုင်ငံတကာနှင့် မြန်မာ့ ဖက်ဒရယ် ဒီမိုကရေစီရေးရာ ဆွေးနွေးပွဲသို့ တက်ရောက်ရန် အထူးဖိတ်ကြားခံရသည့် ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေး အစိုးရ (NUG) ဖက်ဒရယ် ပြည်ထောင်စုရေးရာဝန်ကြီးဌာန၏ ပြည်ထောင်စုဝန်ကြီး ဒေါက်တာ လျန်မှုန်းဆာခေါင်းသည့် ယနေ့ ကိုရီးယား စံတော်ချိန် နံနက် (၉)နာရီ (၄၅)မိနစ် အချိန်တွင် ကိုရီးယားသမ္မတနိုင်ငံသို့   ရောက်ရှိလာခဲ့ပါသည်။ကိုရီးယားနိုင်ငံ အင်ချွန်း အပြည်ပြည်ဆိုင်ရာလေဆိပ်သို့ ရောက်ရှိလာသည့် ပြည်ထောင်စုဝန်ကြီး ဒေါက်တာ လျန်မှုန်းဆာခေါင်းအား အမျိုးသားညီညွတ်ရေး အစိုးရ (NUG)၏ ကိုရီးယားသမ္မတနိုင်ငံဆိုင်ရာ ကိုယ်စားလှယ် ဦးရန်နိုင်ထွန်းနှင့်အဖွဲ့က ခရီးဦးကြိုဆိုခဲ့ကြပြီး ၊ကိုရီးယားနိုင်ငံရှိ မြန်မာနိုင်ငံသားများနှင့်အတူ ချင်းတိုင်းရင်းသားများအဖွဲ့ကလည်း လှိုက်လှဲ ပျူငှာစွာဖြင့် ကြိုဆို နှုတ်ဆက်ကြပါသည်။ပြည်ထောင်စုဝန်ကြီး  ဒေါက်တာ လျန်မှုန်းဆာခေါင်းသည် တောင်ကိုရီးယားနိုင်ငံတွင် ရက်သတ္တပတ် တစ်ပတ်ကြာ နေထိုင်ပြီး ကိုရီးယားသမ္မတနိုင်ငံအစိုးရ အာဏာပိုင်အဖွဲ့အစည်းများ၊ ကိုရီးယားအစိုးရမဟုတ်သော လူမှုအဖွဲ့အစည်းများ၊ ကိုရီးယားနိုင်ငံရောက် ချင်းတိုင်းရင်းသားနှင့်အတူ မြန်မာနိုင်ငံသား မိသားစုများနှင့်လည်း တွေ့ဆုံသွားရန် အစီစဉ်ရှိကြောင်းသိရှိရပါသည်။  ပြည်ထောင်စုဝန်ကြီး  ဒေါက်တာ လျန်မှုန်းဆာခေါင်းသည် အမျိုးသားညီညွတ်ရေးအစိုးရ(NUG) ဖွဲစည်းပြီးနောက် ကိုရီးယား သမ္မတနိုင်ငံသို့ ပထမဆုံးရောက်ရှိလာသည့် (NUG)အစိုးရ၏ ပြည်ထောင်စုဝန်ကြီးဖြစ်ပါသည်။

ပြည်ထောင်စုလွှတ်တော်ကိုယ်စားပြုကော်မတီနှင့် အမျိုးသားညီညွတ်ရေးအစိုးရ၊ ဖက်ဒရယ်ပြည် ထောင်စုရေးရာဝန်ကြီးဌာနတို့ တွေ့ဆုံဆွေးနွေး

ပြည်ထောင်စုလွှတ်တော်ကိုယ်စားပြုကော်မတီနှင့် အမျိုးသားညီညွတ်ရေးအစိုးရ၊ ဖက်ဒရယ်ပြည် ထောင်စုရေးရာဝန်ကြီးဌာနတို့ တွေ့ဆုံဆွေးနွေး

ပြည်ထောင်စုလွှတ်တော်ကိုယ်စားပြုကော်မတီနှင့် အမျိုးသားညီညွတ်ရေးအစိုးရ၊ ဖက်ဒရယ်ပြည် ထောင်စုရေးရာဝန်ကြီးဌာနတို့ တွေ့ဆုံဆွေးနွေးပွဲကို ၂၀၂၂ ခုနှစ်၊ စက်တင်ဘာလ ၂၄ ရက်နေ့၊ နံနက် (၁၀:၀၀)နာရီတွင် ဗီဒီယိုကွန်ဖရင့်မှတဆင့် ပြုလုပ်ခဲ့ပါသည်။တွေ့ဆုံဆွေးနွေးပွဲ၌ တက်ရောက်လာကြသူများက အပြန်အလှန် မိတ်ဆက်ပြီးနောက် ပြည်ထောင်စု လွှတ်တော်ကိုယ်စားပြုကော်မတီ အတွင်းရေးမှူး ဦးထွန်းမြင့် က အဖွင့်အမှာစကား ပြောကြားခဲ့ သည်။ ထို့နောက် ဖက်ဒရယ်ပြည်ထောင်စုရေးရာဝန်ကြီးဌာန၊ ပြည်ထောင်စုဝန်ကြီး ဒေါက်တာ လျန်မှုန်းဆာခေါင်း က အသွင်ကူးပြောင်းရေးကာလ ဖက်ဒရယ်ဖွဲ့စည်းပုံအခြေခံဥပဒေရေးဆွဲရေးနှင့် ကြားကာလတိုင်းဒေသကြီးအတိုင်ပင်ခံကောင်စီများ ဖွဲ့စည်းနိုင်ရေးတို့နှင့်စပ်လျဉ်း၍ ဆွေးနွေးတင်ပြ ခဲ့သည်။ ဆက်လက်၍  ဖက်ဒရယ်ပြည်ထောင်စုရေးရာဝန်ကြီးဌာနမှ တာဝန်ရှိသူတစ်ဦးက ဖက်ဒရယ် ပြည်ထောင်စုရေးရာဝန်ကြီးဌာန၏ ဖက်ဒရယ်ပြည်ထောင်စုတည်ဆောက်ရေးလုပ်ငန်းစဉ်၊ ပြည်သူ့ လုံခြုံရေးနှင့် ကာကွယ်ရေးကောင်စီ၏ သဘောထားစုစည်းချက်တို့အား တင်ပြခဲ့သည်။ ဝန်ကြီးဌာန ၏ ရှင်းလင်းတင်ပြမှုများအပေါ် တက်ရောက်လာသည့် လွှတ်တော်ကိုယ်စားလှယ်များက ဆွေးနွေး မေးမြန်း အကြံပြုခဲ့ကြပြီး တွေ့ဆုံဆွေးနွေးပွဲအား (၁၃:၀၀)နာရီတွင် ရုပ်သိမ်းခဲ့ပါသည်။တွေ့ဆုံဆွေးနွေးပွဲသို့ ပြည်ထောင်စုလွှတ်တော်ကိုယ်စားပြုကော်မတီ အတွင်းရေးမှူးများနှင့် အဖွဲ့ဝင် များ၊ ဖက်ဒရယ်ပြည်ထောင်စုရေးရာဝန်ကြီးဌာန၊ ပြည်ထောင်စုဝန်ကြီး ဒေါက်တာလျန်မှုန်းဆာခေါင်း၊ ဒုတိယဝန်ကြီး မိုင်းဝင်းထူး ၊ အတွင်းဝန်နှင့် ရုံးအဖွဲ့များ အသီးသီး တက်ရောက်ခဲ့ကြပါသည်။အမျိုးသားညီညွတ်ရေးအစိုးရ၊ ဖက်ဒရယ်ပြည် ထောင်စုရေးရာဝန်ကြီးဌာန

(၇၅) နှစ်မြောက် အာဇာနည်နေ့မိန့်ခွန်း - ဒေါက်တာလျန်မှုန်းဆာခေါင်း

(၇၅) နှစ်မြောက် အာဇာနည်နေ့မိန့်ခွန်း - ဒေါက်တာလျန်မှုန်းဆာခေါင်း

လေးစားအပ်တဲ့ နိုင်ငံတော် ယာယီသမ္မတကြီး-       ပြည်ထောင်စုဝန်ကြီးချုပ်-       ပြည်ထောင်စုလွှတ်တော်ကိုယ်စားပြုကော်မတီဥက္ကဋ္ဌ-       အမျိုးသားညီညွတ်ရေးအတိုင်ပင်ခံကောင်စီဝင်များ-       တိုင်းရင်းသားတော်လှန်ရေးအဖွဲ့အစည်းများမှ ခေါင်းဆောင်များ-       ပြည်နယ်ဖက်ဒရယ်ယူနစ်အတိုင်ပင်ခံကောင်စီဝင်များ-       ပြည်ထောင်စုအစိုးရအဖွဲ့ဝင် ဝန်ကြီးများ၊ ဒုတိယဝန်ကြီးများ-       လွှတ်တော်ကိုယ်စားလှယ်များ၊ သံတမန်များ-       အထူးဖိတ်ကြားထားတဲ့ဧည့်သည်တော်ကြီးများခင်ဗျားအခုလို ပြည်ထောင်စုလွှတ်တော် ကိုယ်စားပြုကော်မတီ (CRPH) နှင့် ပြည်ထောင်စုသမ္မတ မြန်မာနိုင်ငံ- အမျိုးသား ညီညွတ်ရေးအစိုးရတို့က ပူးတွဲကျင်းပတဲ့ (၇၅) နှစ်မြောက် အာဇာနည်နေ့အောက်မေ့ဖွယ် အခမ်းအနားမှာ ကြားကာလချင်းအမျိုးသားအတိုင်ပင်ခံကောင်စီကိုယ်စား အောက်မေ့ဖွယ် အမှတ်တရစကား ပြောကြားခွင့်ရရှိတဲ့အတွက် များစွာ ဂုဏ်ယူဝမ်းသာမိပါတယ်။            ဗိုလ်ချုပ်အောင်ဆန်းနဲ့ အာဇာနည် ခေါင်းဆောင်ကြီးများကို ၁၉၄၇ ခုနှစ်၊ ဇူလိုင်လ (၁၉) ရက်နေ့မှာ မြန်မာပြည် ကြားဖြတ်အစိုးရရဲ့ ဝန်ကြီးများ အစည်းအဝေးကျင်းပနေတဲ့ အချိန်မှာ လုပ်ကြံ သတ်ဖြတ်ခြင်း ခံခဲ့ ကြရတာ ဖြစ်ပါတယ်။ အဲဒီ့နံနက်မှာ ကျင်းပခဲ့တဲ့ မြန်မာပြည် ကြားဖြတ်အစိုးရ ဝန်ကြီးချုပ် ဗိုလ်ချုပ် အောင်ဆန်း ဦးဆောင်တဲ့ ဝန်ကြီးများအစည်းအဝေး အစီအစဉ်ကို ကျနော်တို့ မသိပါဘူး။ ဘာအကြောင်းတွေ ဆွေးနွေးခဲ့တယ်ဆိုတာလည်း ကျနော်တို့ မသိပါဘူး။ သို့သော် ကျနော် သိခွင့်ရတာက ဗိုလ်ချုပ်အောင်ဆန်းနဲ့ အာဇာနည်ခေါင်းဆောင်ကြီးများကို လုပ်ကြံ သတ်ဖြတ်ခဲ့တဲ့အချိန်ဟာ မြန်မာပြည် လွတ်လပ်ရေးကြိုးပမ်းမှုနှင့် ပြည်ထောင်စု တည်ဆောက်ရေးအတွက် အရေးအကြီးဆုံးကာလ ဖြစ်ခဲ့တယ်ဆိုတာကိုပဲ ကျနော်တို့ သိရှိနိုင် ပါတယ်။            တိုင်းရင်းသား လူမျိုးပေါင်းစုံ ပူးပေါင်းပါဝင်တဲ့ ပြည်ထောင်စုကြီးကို အတူတကွ ထူထောင်ဖို့ ၁၉၄၇၊ ဖေဖော်ဝါရီလ (၁၂) ရက်နေ့မှာ ဗိုလ်ချုပ်အောင်ဆန်းနှင့် တိုင်းရင်းသားခေါင်းဆောင်ကြီးများ ပင်လုံစာချုပ်ကို လက်မှတ်ရေးထိုးခဲ့ကြတယ်။ ပင်လုံစာချုပ်ကို အခြေခံပြီး တိုင်းရင်းသားလူမျိုးပေါင်းစုံတို့ရဲ့ အမျိုးသား တန်းတူ ရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးများကို အာမခံချက်ပေးနိုင်တဲ့ ပြည်ထောင်စုကြီးကို တည်ဆောက်ဖို့ ကြိုုးပမ်းနေတဲ့ကာလ ဖြစ်ခဲ့ပါတယ်။ ဒါကြောင့် ဒီမိုကရေစီရေး၊ အမျိုးသား တန်းတူရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးများကို အာမခံချက် ပေးနိုင်တဲ့ ပြည်ထောင်စု ဖွဲ့စည်းပုံ အခြေခံဥပဒေကို ရေးဆွဲပြဋ္ဌာန်းဖို့ ဗိုလ်ချုပ် အောင်ဆန်းနှင့် အာဇာနည်ခေါင်းဆောင်ကြီးများ အပူတပြင်း ကြိုးပမ်းတဲ့ကာလ ဖြစ်ခဲ့ပါတယ်။            ဒီလို ပြည်ထောင်စု ဖွဲ့စည်းပုံ အခြေခံဥပဒေ တရပ်ကို ရေးဆွဲပြဋ္ဌာန်းနိုင်ဖို့ ၁၉၄၇ ဧပြီလမှာ တိုင်းပြု ပြည်ပြုလွှတ်တော် ရွေးကောက်ပွဲကို ကျင်းပခဲ့ပါတယ်။ တိုင်းပြုပြည်ပြုလွှတ်တော် ရွေးကောက်ပွဲ ကျင်းပပြီး နောက် ဗိုလ်ချုပ်အောင်ဆန်း ဦးဆောင်တဲ့ ဖဆပလ အဖွဲ့ချုပ်ကြီးက တိုင်းပြုပြည်ပြု လွှတ်တော်အတွက် အလွန်ကြီးမားတဲ့ ပြင်ဆင်မှုကြီး တခုကို ပြုလုပ်ခဲ့ပါတယ်။ ဒါဟာ ၁၉၄၇ မေလ (၂၃) ရက်နေ့မှာ စတင် ကျင်းပ ခဲ့တဲ့ ဖဆပလအဖွဲ့ချုပ်ရဲ့ ပြင်ဆင်မှု ပဏာမ ညီလာခံပဲဖြစ်ပါတယ်။ ဖဆပလ ပြင်ဆင်မှု ပဏာမ ညီလာခံကြီး ကို ရန်ကုန်မြို့ရှိ နေသူရိန်ခန်းမကြီးထဲမှာ ကျင်းပခဲ့ပြီး ဗိုလ်ချုပ်အောင်ဆန်းက အဲဒီ့ညီလာခံကြီးမှာ ဖွဲ့စည်းပုံ အခြေခံဥပဒေ မူကြမ်းတခုကို တင်သွင်းနိုင်ခဲ့ပါတယ်။            ၁၉၄၇ ဇွန်လ (၉) ရက်နေ့မှ (၁၈) ရက်နေ့အထိ ကျင်းပခဲ့တဲ့ တိုင်းပြုပြည်ပြုလွှတ်တော် ပထမ အစည်း အဝေးမှာ ဗိုလ်ချုပ်အောင်ဆန်းက လွတ်လပ်ရေး ရရှိရေးအတွက် မရှိမဖြစ် လိုအပ်တဲ့ ပြည်ထောင်စု ဖွဲ့စည်းပုံ အခြေခံဥပဒေတရပ်ကို ဒီလွှတ်တော်ကြီးမှာ ရေးဆွဲပြဋ္ဌာန်းရမှာဖြစ်ကြောင်း အကျယ်တဝင့် ရှင်းလင်း တင်ပြခဲ့ ပါတယ်။ ဖဆပလ ပြင်ဆင်မှု ပဏာမ ညီလာခံမှာ တင်ပြခဲ့တဲ့ ဖွဲ့စည်းပုံ အခြေခံဥပဒေမူကြမ်းကိုလည်း တိုင်းပြု ပြည်ပြုလွှတ်တော်သို့ တင်သွင်းခဲ့တယ်လို့ သိရပါတယ်။            ဒါပေမဲ့ ၁၉၄၇ ဇူလိုင်လ (၂၉) ရက်နေ့မှ ဩဂုတ်လ (၁၆) ရက်နေ့အထိ ကျင်းပခဲ့တဲ့ တိုင်းပြုပြည်ပြု လွှတ်တော် ဒုတိယ အစည်းအဝေးကို မကျင်းပမီ ၁၉၄၇ ဇူလိုင်လ (၁၉) ရက်နေ့မှာ ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများ လုပ်ကြံခြင်း ခံခဲ့ရပါတယ်။ အဲဒီ့ တိုင်းပြုပြည်ပြုလွှတ်တော် ဒုတိယအစည်း အဝေးမှာ ပြည်ထောင်စုအဖွဲ့ဝင် ပြည်နယ်များကိစ္စနှင့် တိုင်းရင်းသားလူမျိုးများရဲ့ အနာဂတ်အရေးကို အကျိတ် အနယ် ဆွေးနွေးခဲ့ကြပါတယ်။ ဒါပေမဲ့ အဲဒီ့အစည်းအဝေးမှာ ဖဆပလခေါင်းဆောင်ကြီးများက ဗိုလ်ချုပ် အောင်ဆန်းနှင့် အာဇာနည် ခေါင်းဆောင်ကြီးများ လုပ်ကြံခံရ၍ တိုင်းပြည်ကြီး ဝမ်းနည်းပူဆွေးနေတဲ့ အချိန်မှာ အချင်းချင်း အငြင်းအခုန်မလုပ်ဘဲ လွတ်လပ်ရေး ရရှိဖို့အတွက် လိုအပ်တဲ့ ဖွဲ့စည်းပုံ အခြေခံဥပဒေကို ရေးဆွဲ ပြဋ္ဌာန်းသွားရန် လိုအပ်ချက်အရ ဒီဖွဲ့စည်းပုံ အခြေခံဥပဒေကိုလည်း နယ်စပ်ဒေသ စုံစမ်းရေးကော်မတီ (FACE) ရဲ့ အကြံပေးချက်အတိုင်း ယာယီ ဖွဲ့စည်းပုံအခြေခံဥပဒေကိုသာ ရေးဆွဲပြီး လွတ်လပ်ရေး ရရှိပြီးနောက် ဖွဲ့စည်းပုံ အခြေခံဥပဒေ အသစ်တဖန် ရေးကြတာပေါ့လို့ ပြောခဲ့ကြတဲ့အတွက် တိုင်းရင်းသားခေါင်းဆောင်များ က အလျှော့ပေးလိုက်ရတယ်လို့ တောင်ကြီးဦးထွန်းမြင့်က ရေးသားခဲ့ပါတယ်။            ၁၉၄၇ စက်တင်ဘာလ (၁၅) ရက်နေ့မှ (၂၄) ရက်နေ့အထိ ကျင်းပခဲ့တဲ့ တိုင်းပြုပြည်ပြု လွှတ်တော် တတိယအစည်းအဝေးမှာ ၁၉၄၇ ဖွဲ့စည်းပုံ အခြေခံဥပဒေကို အတည်ပြု ပြဋ္ဌာန်းနိုင်ခဲ့ပါတယ်။ ဒါပေမဲ့ အဲဒီ့ အတိုင်း တိုင်းပြုပြည်ပြုလွှတ်တော်က ပြဋ္ဌာန်းလိုက်တဲ့ ဖွဲ့စည်းပုံ အခြေခံဥပဒေဟာ ပင်လုံစာချုပ်ကနေ လမ်းလွဲ သွေဖည်သွားရုံတင်မကဘူး၊ ၁၉၄၇ မေလမှာ ကျင်းပခဲ့တဲ့ ဖဆပလ ပြင်ဆင်မှု ပဏာမ ညီလာခံမှာ ဗိုလ်ချုပ်အောင်ဆန်း တင်သွင်းခဲ့တဲ့ ပြည်ထောင်စု ဖွဲ့စည်းပုံ အခြေခံဥပဒေနဲ့လည်း မိုးနဲ့ မြေပမာ အများကြီး ကွာခြားသွားခဲ့တာကို တွေ့ရပါတယ်။ ဘာဖြစ်လို့ ဒါတွေ ဒီလိုဖြစ်သွားခဲ့ရသလဲ။ ဘာကြောင့် ဘာတွေမှားခဲ့ တယ်ဆိုတာ ကျနော်တို့ ယနေ့အထိ အချင်းချင်း ငြင်းခုန်နေကြဆဲပဲ ဖြစ်ပါတယ်။ နှုတ်စကားနဲ့ လွှတ်တော် ထဲမှာ ငြင်းခုန်တာ မပြီးခင် စစ်အာဏာသိမ်းမှုနဲ့လည်း ကြုံခဲ့ရပြီ။ နှစ်ပေါင်း (၇၀) ကြာပြီဖြစ်တဲ့ ပြည်တွင်းစစ် နဲ့လည်း ကြုံခဲ့ရပါပြီ။            သမိုင်းမှာ ဘယ်လိုအမှားတွေပဲ ရှိပါစေ၊ ဘာတွေ ဘယ်လိုဖြစ်ခဲ့ပါစေ၊ ယနေ့ နွေဦးတော်လှန်ရေး ကနေ စပြီး မှားယွင်းမှု အားလုံးကို ကျနော်တို့ ပြင်ဆင်သွားကြရမယ်။ ပြင်ဆင်မယ်၊ ပြုပြင်မယ်။ သမိုင်းကို အကောင်းဆုံး အသစ် ဖန်တီးကြရမယ်။ ဒါကြောင့် ဒီနှစ် ကျင်းပတဲ့ အာဇာနည်နေ့ဟာ ပိုပြီးတော့ လေးနက် တယ်။ ပိုပြီး ထူးခြားတယ်။ တန်ဖိုးလည်း ကြီးပါတယ်။ ဘာဖြစ်လို့လဲဆိုတော့ ဗိုလ်ချုပ်အောင်ဆန်းနဲ့ အာဇာနည်ခေါင်းဆောင်ကြီးများ လုပ်ကြံခြင်းခံခဲ့ရလို့ တိုင်းပြုပြည်ပြုလွှတ်တော်မှာ အပြီးအစီး မဆောင်ရွက် နိုင်ခဲ့တဲ့ ပြည်ထောင်စု တည်ဆောက်ရေးလုပ်ငန်းတွေကို ဒီနွေဦးတော်လှန်ရေးမှာ ကျနော်တို့တတွေ ဆက် လက် ဆောင်ရွက်ခွင့် ရရှိတဲ့အတွက်ပဲ ဖြစ်ပါတယ်။            နွေဦးတော်လှန်ရေးမှာ ပြည်ထောင်စု တည်ဆောက်ရေးလုပ်ငန်းကို ဆောင်ရွက်နိုင်ဖို့ ကျနော်တို့ ဖက်ဒရယ် ဒီမိုကရေစီ ပဋိညာဉ်ကို ထုတ်ပြန်ခဲ့ပါတယ်။ ဖက်ဒရယ် ဒီမိုကရေစီ ပဋိညာဉ်ကို ကို အခြေခံပြီး ပင်လုံစာချုပ်၊ ပင်လုံကတိကဝတ်နှင့် ပင်လုံစိတ်ဓာတ်တို့ကို ပြန်လည်ဖော်ထုတ်ပြီး အကောင်အထည် ဖော်ဖို့ ကြိုးပမ်းနေပါတယ်။ ဗိုလ်ချုပ်အောင်ဆန်းကိုယ်တိုင် လုပ်ကြံခြင်းခံခဲ့ရလို့ သူကိုယ်တိုင် အဆုံးအထိ မတက် ရောက်နိုင်ခဲ့တဲ့ တိုင်းပြုပြည်ပြုလွှတ်တော်ကဲ့သို့သော တိုင်းပြုပြည်ပြုညီလာခံကြီးတရပ်ကို ပြန်လည်ခေါ်ယူ ကျင်းပပြီး အနာဂတ် ဖက်ဒရယ် ဒီမိုကရေစီ ပြည်ထောင်စု ဖွဲ့စည်းပုံ အခြေခံဥပဒေ တရပ်ကို အကောင်းဆုံး ရေးဆွဲ ပြဋ္ဌာန်းဖို့ ဖက်ဒရယ် ဒီမိုကရေစီ ပဋိညာဉ်မှာပါတဲ့ လမ်းပြမြေပုံအတိုင်း ကျနော်တို့ ပြင်ဆင်နေပါတယ်။            ဒါတင်မကဘူး၊ CRPH၊ NUG နှင့် NUCC တို့ ပူးပေါင်းပြီး အသွင်ကူးပြောင်းရေးကာလ ဖွဲ့စည်းပုံ အခြေခံ ဥပဒေတရပ်ကိုလည်း အမြန်ဆုံး ရေးဆွဲပြဋ္ဌာန်းဖို့ ကော်မတီတရပ် ဖွဲ့စည်းပြီး ပြင်ဆင်မှု အမျိုးမျိုး ပြုလုပ်နေ ပါတယ်။ ဒါတွေဟာ ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများ လုပ်ကြံခံခဲ့ရလို့ သူတို့ကိုယ်တိုင် ပြီးပြတ်အောင် ဆောင်ရွက်နိုင်ခြင်း မရှိခဲ့တဲ့ ပြည်ထောင်စု တည်ဆောက်ရေးလုပ်ငန်းကို သမိုင်းပေး တာဝန် အဖြစ် ဒီနွေဦးတော်လှန်ရေးမှာ ကျနော်တို့ ဆက်လက် တာဝန်ယူ ထမ်းဆောင်နေခြင်းပဲ ဖြစ်ပါတယ်။ဒါကြောင့် နိဂုံးချုပ်အနေနဲ့ ကျနော်ပြောချင်တာက ဗိုလ်ချုပ်အောင်ဆန်းနှင့် အာဇာနည်ခေါင်းဆောင် ကြီးများကို အမြင့်မြတ်ဆုံးသော နည်းလမ်းဖြင့် အောက်မေ့ သတိရခြင်းဟာ သူတို့ စတင်ဆောင်ရွက်ပြီး ယနေ့ အထိ မပြီးစီးသေးတဲ့ ဖက်ဒရယ် ပြည်ထောင်စု တည်ဆောက်ရေးလုပ်ငန်းကို အပြီးအစီး ဆောင်ရွက်ခြင်းပဲ ဖြစ်ပါတယ်။ ဒါကြောင့် ဒီပြည်ထောင်စုကြီးကို ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများ မျှော် မှန်းခဲ့တဲ့အတိုင်း စစ်မှန်သော ဖက်ဒရယ် ဒီမိုကရေစီ ပြည်ထောင်စုစနစ်ဖြင့် အမြန်ဆုံး တည်ဆောက်ကြဖို့ (၇၅) နှစ်မြောက် အာဇာနည်နေ့မှာ သန္နိဋ္ဌာန်အသစ် ပြုကြရအောင်လို့ တိုက်တွန်းရင်း နိဂုံးချုပ်အပ်ပါတယ်။-       အရေးတော်ပုံ အောင်ရမည်။-       အရေးတော်ပုံ အောင်နေပြီ။ ဒေါက်တာလျန်မှုန်းဆာခေါင်းပြည်ထောင်စုဝန်ကြီးဖက်ဒရယ်ပြည်ထောင်စုရေးရာဝန်ကြီးဌာနအမျိုးသားညီညွတ်ရေးအစိုးရနှင့်သဘာပတိအဖွဲ့ဝင် ကြားကာလ ချင်းအမျိုးသားအတိုင်ပင်ခံကောင်စီ

ဖက်ဒရယ်စာစောင် အမှတ် (၆) နှင့် ပတ်သက်၍ ရှင်းလင်းချက်

ဖက်ဒရယ်စာစောင် အမှတ် (၆) နှင့် ပတ်သက်၍ ရှင်းလင်းချက်

ရှင်းလင်းချက်(၁)  ဖက်ဒရယ်ပြည်ထောင်စုရေးရာ ဝန်ကြီးဌာနမှ ၂၀၂၂ ခုနှစ်၊ မေလ (၁၀) ရက်နေ့ တွင်ထုတ်ဝေခဲ့သော ဖက်ဒရယ်စာစောင် အမှတ် (၆) နှင့် ပတ်သက်၍ စာဖတ်သူများ၏ တုန့်ပြန်ချက်များစွာကို ရရှိထားပါသည်။ စာဖတ်သူများ၏ စိတ်ဝင်စားမှုအပေါ် အထူး ကျေးဇူးတင်ကြောင်း ဖော်ပြလိုပါသည်။ (၂)  ဖက်ဒရယ်စာစောင်သည် ဖက်ဒရယ်ပြည်ထောင်စုရေးရာ ဝန်ကြီးဌာနမှ ထုတ်ဝေခြင်း ဖြစ်ပါသော်လည်း  အမျိုးသားညီညွတ်ရေး အစိုးရ၏ ပေါ်လစီစာတမ်း မဟုတ်ပါ။ ဖက်ဒရယ်ပညာပေး စာစောင်သာလျှင် ဖြစ်ပါသည်။ ယင်းကို ဖက်ဒရယ်စာစောင်၏ ရှေ့စာမျက်နှာတွင် ရှင်းရှင်းလင်းလင်း ဖော်ပြထားပါသည်။ (၃)  ဖက်ဒရယ်စာစောင် အမှတ် (၆) တွင်ဖော်ပြထားသော အကြောင်းအရာ (၂) ခု အပေါ် စာဖတ်သူများ တုန့်ပြန်ချက်တွင် မရှင်းမလင်းဖြစ်သည့်အချက်ကို ပြန်လည်ရှင်းလင်း တင်ပြချင်ပါသည်။(က)  ပြည်ထောင်စုအဖွဲ့ဝင် ပြည်နယ်/ဖက်ဒရယ် ယူနစ်များ၏ အမည်နာမ နှင့် ပတ်သက်၍ စာစောင်၏အာဘော်မှာ - ၁၉၄၇ ဖွဲ့စည်းပုံအခြေခံဥပဒေ၊ ၁၉၇၄ ဖွဲ့စည်းပုံအခြေခံဥပဒေနှင့် ၂၀၀၈ ဖွဲ့စည်းပုံအခြေခံဥပဒေများတွင် ပြဋ္ဌာန်းခဲ့သည့်အတိုင်း “ပြည်နယ်နှင့်တိုင်း”ဟူ၍၎င်း၊ “တိုင်းဒေသကြီးနှင့် ပြည်နယ်” ဟူ၍၎င်း၊ ခွဲခြားခြင်းကို ဆက်လက် မကျင့်သုံးတော့ပဲ၊ အမည်နာမတူများဖြင့်သာ ခေါ်ဆိုသင့်ကြောင်း ဖော်ပြခြင်း ဖြစ်ပါသည်။ ပြည်ထောင်စု ပာူသော အခေါ်အဝေါ်နှင့် ဆက်စပ်မှု  ရှိစေရန်  “ပြည်ထောင်များ” ဟူ၍ ခေါ်ဝေါ်ခြင်းက သင့်တော်မည်လား ဟုတင်ပြခြင်း ဖြစ်ပါသည်။ (ခ)  ဖက်ဒရယ်ပြည်ထောင်စု အဖွဲ့ဝင် ပြည်နယ်/ဖက်ဒရယ်ယူနစ် အရေအတွက်နှင့် ပတ်သက်၍ အသွင်ကူးပြောင်းရေးကာလ တွင် မဆုံးဖြတ်သေးပဲ၊ အမြဲတမ်းကျင့်သုံးမည့် ဖွဲ့စည်းပုံ အခြေခံဥပဒေသစ်ကို တိုင်းပြုပြည်ပြုညီလာခံတွင် ရေးဆွဲပြဋ္ဌာန်းသည့် အခါမှသာ ဆုံးဖြတ်သင့်ကြောင်း မှတ်ချက်ဖြင့် ရှင်းရှင်းလင်းလင်း ဖော်ပြထားပါသည်။ အနာဂတ် ဖက်ဒရယ်ပြည်ထောင်စု၏  ပြည်ထောင်စုအဖွဲ့ဝင် ပြည်နယ်/ဖက်ဒရယ်ယူနစ် အရေအတွက် သည် (၁၄)ခု ဖြစ်ရမည် ဟုဆုံးဖြတ်ချက်ခြင်းမဟုတ်ပါကြောင်း၊ ပြည်သူလူထုက တိုင်းပြုပြည်ပြုညီလာခံတွင် ဆွေးနွေးဆုံးဖြတ်ရမည့် ကိစ္စသာလျှင် ဖြစ်ပါကြောင်း ပြန်လည် ရှင်းလင်း တင်ပြအပ်ပါသည်။ ဖက်ဒရယ် ပြည်ထောင်စု ရေးရာဝန်ကြီးဌာန(၁၁ မေလ ၂၀၂၂)