ကျန်းမာရေးဝန်ကြီးဌာန  ထုတ်ပြန်ကြေညာချက်အမှတ် (၄/၂၀၂၄)

ကျန်းမာရေးဝန်ကြီးဌာန ထုတ်ပြန်ကြေညာချက်အမှတ် (၄/၂၀၂၄)

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရအဖွဲ့ကျန်းမာရေးဝန်ကြီးဌာနထုတ်ပြန်ကြေညာချက်အမှတ် (၄/၂၀၂၄)၂၀၂၄ ခုနှစ်၊ မေလ (၁၇) ရက်၁။ ရက္ခိုင့်တပ်တော်၊ သတင်းနှင့်ပြန်ကြားရေး ထုတ်ပြန်ချက်အရ (၁၅-၅-၂၀၂၄) ရက်နေ့၊ နံနက် (၀၀:၁၆) နာရီအချိန်တွင် ရက္ခိုင်ပြည်၊ ကျောက်တော်မြိုနယ်၊ ဝဲကြီးထောင့်ကျေးရွာရှိ ဝဲကြီး ထောင့်ဆေးရုံအား ဖက်ဆစ်အကြမ်းဖက်စစ်ကောင်စီ၏ လေကြောင်းမှ ဗုံးကြဲတိုက်ခိုက်ခဲ့မှု ကြောင့် ဆေးရုံတစ်ခုလုံးနီးပါး ပျက်စီးဆုံးရှုံးသွားခဲ့ရပြီး ဆေးဝန်ထမ်း၊ လူနာနှင့် လူနာစောင့် အရပ်သားပြည်သူ စုစုပေါင်း (၂၀) ဦးထက်မနည်း ထိခိုက်ဒဏ်ရာရရှိခဲ့ကြောင်း၊ သေဆုံးသူ အချို့ ရှိခဲ့ကြောင်းနှင့် ဒဏ်ရာရသူ (၂၀) ဦးထဲတွင် အပြင်းစားဒဏ်ရာရသူ (၅) ဦး ရှိခဲ့ပြီး မြင်း (၁) ကောင်လည်း သေဆုံးခဲ့ကြောင်း သိရှိရသည်။၂။ (၁-၂-၂၀၂၁) ရက်နေ့မှစ၍ အကြမ်းဖက်စစ်ကောင်စီသည် ဆေးရုံဆေးခန်းများအပါအဝင် အပြစ်မဲ့အရပ်သားပြည်သူများအား ပစ်မှတ်ထား၍ လေကြောင်းတိုက်ခိုက်မှုများ၊ စစ်ရာဇဝတ်မှု များနှင့် လူသားမျိုးနွယ်အပေါ် ကျူးလွန်သည့်ရာဇဝတ်မှုများကို  အစဉ်တစိုက် ကျူးလွန်လျက် ရှိသည်။ ၃။ အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနသည် ရက္ခိုင့်တပ်တော်၊ ရက္ခိုင်ပြည်သူ တို့နှင့်အတူ ခိုင်မာစည်းလုံးစွာ လက်တွဲရပ်တည်လျက်ရှိပြီး အကြမ်းဖက်စစ်ကောင်စီ၏ အစွန်းရောက်၊ အကြမ်းဖက်လုပ်ရပ်များကို ပြင်းထန်စွာ ရှုတ်ချလိုက်သည်။ ဝန်ကြီးဌာနသည် သေဆုံးထိခိုက်ခဲ့ရသည့် ပြည်သူများ၊ ကျန်းမာရေးဝန်ထမ်းများအတွက် တရားမျှတမှုကို ဆောင်ကျဉ်းသွားမည်ဖြစ်ပြီး အကြမ်းဖက်စစ်ကောင်စီနှင့် ၎င်းတို့၏ လက်ပါးစေ ကြံရာပါများကို တရားဥပဒေအရ ပြင်းထန်စွာ အရေးယူဆောင်ရွက်သွားမည် ဖြစ်ပါသည်။၄။ ဆေးရုံးဆေးခန်းများနှင့် ကျန်းမာရေးကဏ္ဍအပေါ် အကြမ်းဖက်စစ်ကောင်စီက တမင်ပစ်မှတ် ထား၍ တိုက်ခိုက်မှုများသည် ဂျီနီဗာကွန်ဗန်းရှင်း (Geneva Conventions) ၊ ကမ္ဘာ့ကုလသမဂ္ဂ လုံခြုံရေးကောင်စီ ဆုံးဖြတ်ချက်များ၊ လူသာချင်းစာနာထောက်ထားရေးနှင့် လူအခွင့်အရေး ဆိုင်ရာ နိုင်ငံတကာဥပဒေများကို ပြောင်ပြောင်တင်းတင်း ချိုးဖောက်ခြင်းဖြစ်ပါသည်။ ၅။ မြန်မာနိုင်ငံ၏ ကျန်းမာရေးကဏ္ဍနှင့် အပြစ်မဲ့ပြည်သူများအပေါ် အကြမ်းဖက်စစ်ကောင်စီ၏ အဆက်မပြတ် အကြမ်းဖက်တိုက်ခိုက်မှုများကို နိုင်ငံတကာအနေဖြင့် လစ်လျူရှုမထားဘဲ ဖြစ်နိုင်သမျှ နည်းလမ်းများ အသုံးပြု၍ မြန်ဆန်ထိရောက်စွာ တားဆီးအရေးယူပြီး ထိခိုက် ခံစားနေရသည့် မြန်မာပြည်သူတို့ဘက်၌ စာနာရပ်တည်ပေးရန် အထူးလိုအပ်နေပါသည်။၆။ စစ်ရာဇဝတ်မှုများနှင့် လူသားမျိုးနွယ်အပေါ် ကျူးလွန်သည့်ရာဇဝတ်မှုများကို ကျူးလွန်ရုံ သာမက ရက်စက်နိုင်သမျှ နည်းလမ်းအားလုံးကို အသုံးပြု၍ အပြစ်မဲ့ပြည်သူများအား သတ်ဖြတ် နေသည့် လူစိတ်ပျောက်နေသော အကြမ်းဖက်စစ်ကောင်စီနှင့် လက်တွဲဆောင်ရွက်နေ သူများ၊ ထောက်ခံအားပေးနေသူများအနေဖြင့် မိမိတို့၏ လုပ်ရပ်များကို ရပ်တန်းက ရပ်ကြရန် အလေးအနက် တိုက်တွန်းပါသည်။၇။ ဝန်ကြီးဌာနသည် အခက်အခဲနှင့် စိန်ခေါ်မှုများစွာရှိသည့်တိုင် သူရဲကောင်းကျန်းမာရေးဝန်ထမ်း များ၊ တိုင်းရင်းသားအဖွဲ့အစည်းများ၊ ဒေသခံအဖွဲ့အစည်းများ၊ ပြည်သူများနှင့် လက်တွဲ၍ ပြည်သူ့ကျန်းမာရေးစောင့်ရှောက်မှုလုပ်ငန်းများကို အစွမ်းကုန် ဆက်လက်ကြိုးပမ်း ဆောင်ရွက် သွားမည်ဖြစ်ပါသည်။ မြန်မာနိုင်ငံတွင် စစ်အာဏာရှင်စနစ် အပြီးတိုင်ချုပ်ငြိမ်း၍ ဖက်ဒရယ် ဒီမိုကရေစီပြည်ထောင်စုကြီး ပေါ်ထွန်းသည်အထိ တိုင်းရင်းသားပြည်သူတစ်ရပ်လုံးနှင့် လက်တွဲ၍ ဆက်လက်တိုက်ပွဲဝင်သွားမည်ဖြစ်ကြောင်း ကတိသစ္စာပြုအပ်ပါသည်။ကျန်းမာရေးဝန်ကြီးဌာနအမျိုးသားညီညွတ်ရေးအစိုးရ

Statement Welcoming New Zealand’s Parliamentary Motion on Myanmar

Statement Welcoming New Zealand’s Parliamentary Motion on Myanmar

The Republic of the Union of Myanmar National Unity Governmenthttp://nugmyanmar.orgStatement Welcoming New Zealand’s Parliamentary Motion on Myanmar9 May 2024The National Unity Government congratulates New Zealand’s House of Representative on its motion on Myanmar.Agreed by the Coalition Government and the New Zealand Labour Party, the bipartisan motion shows the depth of New Zealand’s solidarity with the people of Myanmar and stands as an example to parliaments everywhere.The motion makes an urgent and important call on New Zealand and other governments, the UN and ASEAN to provide all possible support to people of Myanmar. It also condemns the terrorist Myanmar Military Council’s ongoing atrocities, violations and abuses, and calls for the release of all arbitrarily detained prisoners and for unhindered humanitarian access to people in need.The motion’s adoption coincides with a visit to New Zealand by U Aung Myo Min, Union Minister of Human Rights, for a series of political and community discussions. Throughout these engagements, the Minister has underlined the firm commitment of the National Unity Government and its ethnic and civil society partners to building a truly inclusive and federal democratic union in Myanmar. With the sustained support of New Zealand and other friends, the people of Myanmar will deliver on this promise of a nation renewed by peace, freedom, justice and equality. National Unity Government

စာနယ်ဇင်းလွတ်လပ်ခွင့်နှင့် သတင်းမီဒီယာဆိုင်ရာ  အမျိုးသားညီညွတ်ရေးအစိုးရ၏  သဘောထားရပ်တည်ချက်

စာနယ်ဇင်းလွတ်လပ်ခွင့်နှင့် သတင်းမီဒီယာဆိုင်ရာ အမျိုးသားညီညွတ်ရေးအစိုးရ၏ သဘောထားရပ်တည်ချက်

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရhttps://nugmyanmar.org“စာနယ်ဇင်းလွတ်လပ်ခွင့်နှင့် သတင်းမီဒီယာဆိုင်ရာအမျိုးသားညီညွတ်ရေးအစိုးရ၏  သဘောထားရပ်တည်ချက်”၂၀၂၄ ခုနှစ်၊ မေလ (၃) ရက်အမျိုးသားညီညွတ်ရေးအစိုးရသည် ဖက်ဒရယ်ဒီမိုကရေစီပဋိညာဉ် အစိတ်အပိုင်း (၁)၊ ပုဒ်မ ၄၂ ပါ "သတင်းမီဒီယာများ၏ လွတ်လပ်စွာရပ်တည်ပိုင်ခွင့်၊ လွတ်လပ်စွာ သတင်းရယူပိုင်ခွင့်၊ လွတ်လပ်စွာ သတင်းတင်ပြပိုင်ခွင့်တို့အား အကာအကွယ်ပေးရမည်" ဟူသည့် အခြေခံမူဝါဒနှင့်အညီ စာနယ်ဇင်း လွတ်လပ်ခွင့်နှင့် သတင်းမီဒီယာဆိုင်ရာ အောက်ပါ သဘောထား ရပ်တည်ချက်များကို ထုတ်ပြန် ကြေညာ လိုက်သည်။၁။ ပြည်သူလူထုအနေဖြင့် တိုင်းရေးပြည်ရာကိစ္စအဝဝကို သေချာစွာ သိရှိ နားလည် သဘောပေါက်ပြီး အရေးကြီးသည့် ဆုံးဖြတ်ချက်များကို မှန်ကန်စွာ ရွေးချယ် ချမှတ်နိုင်စေရန် စာနယ်ဇင်းလွတ်လပ်ခွင့်နှင့်  လွတ်လပ်၍ တာဝန်ယူမှု၊ တာဝန်ခံမှုရှိသော သတင်းမီဒီယာများ၏ အခန်းကဏ္ဍ အထူးအရေးပါသည်ကို လေးနက်စွာ အသိအမှတ်ပြုသည်။၂။ ဒေသဆိုင်ရာ တိုင်းရင်းသားမီဒီယာများ အပါအဝင် လွတ်လပ်၍ တာဝန်ယူမှု၊ တာဝန်ခံမှုရှိသော သတင်း မီဒီယာများ ခိုင်မာအားကောင်းစွာ ရပ်တည်နိုင်ရေး အားပေးထောက်ခံသည်။ ၃။ စာနယ်ဇင်းလွတ်လပ်ခွင့်သည် ပြည်သူလူထု၏ သတင်းအချက်အလက် သိပိုင်ခွင့်နှင့် စဥ်းစားဆင်ခြင် တွေးခေါ်နိုင်စွမ်း မြင့်မားရေးအတွက် အထူး အရေးပါသည်နှင့်အညီ စာနယ်ဇင်းလွတ်လပ်ခွင့်ကို ကန့်သတ် ချုပ်ခြယ် ပိတ်ပင် တားဆီးသည့် မည်သည့်လုပ်ရပ်မျိုးကိုမဆို အခိုင်အမာ ဆန့်ကျင်သည်။၄။ သတင်းမီဒီယာများ၏ သီးခြားလွတ်လပ်မှု၊ ဘက်မလိုက်မှုနှင့် ဓမ္မဓိဋ္ဌာန်ကျမှုတို့ကို ထိခိုက်စေမည့် ကန့်သတ် တားဆီး ချုပ်ခြယ်မှု မှန်သမျှကို ပြတ်သားစွာ ဆန့်ကျင်သည်။၅။ စာနယ်ဇင်းလွတ်လပ်ခွင့် အားကောင်းခိုင်မာစေရေး အားပေးထောက်ခံသွားမည်။၆။  ပြည်သူလူထု၏ သတင်းသိပိုင်ခွင့် ပိုမိုအားကောင်းစေရေး ကြိုးပမ်းအားထုတ်သွားမည်။၇။  လွတ်လပ်သည့် သတင်းမီဒီယာများ သတင်းရယူပိုင်ခွင့် ပိုမိုအားကောင်းစေရေး ကြိုးပမ်းအားထုတ်သွား မည်။၈။ သတင်းမီဒီယာသမားများအား ခြိမ်းခြောက် နှောင့်ယှက်သည့် မည်သည့်လုပ်ရပ်မျိုးကိုမဆို ပြတ်သားစွာ ဆန့်ကျင်ပြီး ထိုလုပ်ရပ်များ ပပျောက်သွားစေရန်နှင့် သတင်းသမားများကို ကာကွယ်ပေးနိုင်ရန် ကြိုးပမ်း လုပ်ဆောင်သွားမည်။အမျိုးသားညီညွတ်ရေးအစိုးရ

၂၀၂၄ ခုနှစ်၊ ကမ္ဘာ့အလုပ်သမားနေ့ (မေဒေး) တွင် ပြည်ထောင်စုသမ္မတမြန်မာနိုင်ငံတော်၊ အမျိုးသားညီညွတ်ရေးအစိုးရ၊ ယာယီသမ္မတကြီး၏ အလုပ်သမားထုသို့ ပေးပို့သော သဝဏ်လွှာ

၂၀၂၄ ခုနှစ်၊ ကမ္ဘာ့အလုပ်သမားနေ့ (မေဒေး) တွင် ပြည်ထောင်စုသမ္မတမြန်မာနိုင်ငံတော်၊ အမျိုးသားညီညွတ်ရေးအစိုးရ၊ ယာယီသမ္မတကြီး၏ အလုပ်သမားထုသို့ ပေးပို့သော သဝဏ်လွှာ

"၂၀၂၄ ခုနှစ်၊ ကမ္ဘာ့အလုပ်သမားနေ့ (မေဒေး) တွင် ပြည်ထောင်စုသမ္မတမြန်မာနိုင်ငံတော်၊ အမျိုးသားညီညွတ်ရေးအစိုးရ၊ ယာယီသမ္မတကြီး၏ အလုပ်သမားထုသို့ ပေးပို့သော သဝဏ်လွှာ"၂၀၂၄ ခုနှစ်၊ မေလ ၁ ရက်၁။ ယနေ့ကျရောက်သည့် ၂၀၂၄ ခုနှစ်၊ ကမ္ဘာ့အလုပ်သမားနေ့ (မေဒေး) တွင် ကမ္ဘာ့နိုင်ငံအသီးသီးနှင့် မြန်မာနိုင်ငံတွင်းရှိ ကာယ၊ ဉာဏ အလုပ်သမားများအားလုံး စိတ်၏ တည်ကြည် ကြံ့ခိုင်ခြင်း၊ ကိုယ်၏ ကျန်းမာခြင်းနှင့် ပြည့်စုံပါစေကြောင်း ဆန္ဒပြုပါသည်။၂။ လွန်ခဲ့သောနှစ်ပေါင်း ၁၃၀ ကျော်က အလုပ်သမားများသည် မိမိတို့၏ အခွင့်အရေးနှင့် ရပိုင်ခွင့်များအတွက် အသက်၊ သွေး၊ ချွေးများ ပေးဆပ်ကာ တောင်းဆိုနိုင်ခဲ့မှု၊ စည်းလုံးညီညွတ်မှု များကြောင့် ယနေ့လို သမိုင်းဝင် နေ့ထူးနေ့မြတ်တစ်ရက် ပေါ်ပေါက်လာခဲ့ခြင်းဖြစ်ပြီး မြန်မာနိုင်ငံတွင်လည်း ၁၃၀၀ ပြည့် အရေးတော်ပုံကြီးအပါအဝင် ခေတ်အဆက်ဆက် အလုပ်သမားအခွင့် အရေးအတွက် တိုက်ပွဲဝင် ကြိုးပမ်းအားထုတ်ခဲ့သည့် သမိုင်းမှတ်တမ်းများ အထင်အရှား ရှိနေခဲ့ပါသည်။ အခြေခံအလုပ်သမား အခွင့်အရေးများအတွက် ကမ္ဘာအရပ်ရပ်က စွန့်လွှတ်အနစ်နာခံ ကြိုးပမ်းခဲ့ကြသူများအားလုံးကို ဦးညွှတ်ပါသည်။၃။ မြန်မာနိုင်ငံတွင် ၂၀၂၁ ခုနှစ်၊ ဖေဖော်ဝါရီလ ၁ ရက်နေ့၊ အကြမ်းဖက်စစ်အုပ်စု၏ ဥပဒေမဲ့ အာဏာလုယူပြီးနောက် အခြေခံအလုပ်သမားအခွင့်အရေးနှင့် လူ့အခွင့်အရေးများ ဆိုးရွားစွာ ဆုံးရှုံးလျက်ရှိသော်လည်း အလုပ်သမားသမဂ္ဂများ၊ အလုပ်သမားအရေး တက်ကြွ လှုပ်ရှားသူများ၏ ဦးဆောင်မှုဖြင့် မြန်မာအလုပ်သမားထုတစ်ရပ်လုံးသည် မိမိတို့ ဆုံးရှုံးနေသည့် အခြေခံအခွင့်အရေးများ ပြန်လည်ရရှိရေးအတွက်သာမက စစ်အာဏာရှင်စနစ် အမြစ်ဖြတ် ချေမှုန်းရေး၊ ဖက်ဒရယ်ဒီမိုကရေစီပြည်ထောင်စုတည်ဆောက်ရေး လှုပ်ရှားမှုများ၌ ပြည်သူတစ်ရပ်လုံးနှင့်အတူ ယနေ့နွေဦးတော်လှန်ရေးတွင် ရဲဝံ့တက်ကြွစွာ ပူးပေါင်းပါဝင် နေမှုများအတွက် များစွာဝမ်းမြောက်ဂုဏ်ယူပါသည်။၄။ ယနေ့မျက်မှောက်ကမ္ဘာ၏ ဖြစ်ပေါ်တိုးတက်မှုများသည် လူသားအရင်းအမြစ်ကို အခြေခံသော စွမ်းအားစုများ၏ ကြိုးပမ်းအားထုတ်မှုအပေါ် မူတည်နေပါသည်။ တိုင်းပြည်တစ်ပြည်၏ လူ့စွမ်းအားအရင်းအမြစ်များဖြစ်သော အလုပ်သမားထုကြီးသည် ပြုပြင်ပြောင်းလဲရေးနှင့် ဖွံ့ဖြိုးတိုးတက်ရေး၏ အဓိကကျသော မဏ္ဍိုင်တစ်ရပ်ဖြစ်သည်။ ပြည်တွင်း၊ ပြည်ပရှိ မြန်မာအလုပ် သမားထုကြီးသည် စစ်အာဏာရှင်စနစ် အမြစ်ဖြတ်ချေမှုန်းရေး နွေဦးတော်လှန်ရေး ကြားကာလတွင်သာမက တိုင်းပြည်ပြန်လည်ထူထောင်ရေးနှင့် ဖွံ့ဖြိုးတိုးတက်သည့် အနာဂတ် ဖက်ဒရယ် ဒီမိုကရေစီပြည်ထောင်စု တည်ဆောက်ရေးကာလများအတွက်ပါ အရေးပါသည့် အင်အားစုကြီး ဖြစ်သည်။၅။ အမျိုးသားညီညွတ်ရေးအစိုးရ၊ အလုပ်သမားဝန်ကြီးဌာနအပါအဝင် သက်ဆိုင်ရာဝန်ကြီးဌာနများ ပူးပေါင်း၍ အဆိုပါအလုပ်သမားထုကြီး၏ အခွင့်အရေးနှင့် ဥပဒေပါ ရပိုင်ခွင့်များကို အာမခံချက်ပေးနိုင်ပြီး ပိုမိုထိရောက်သည့် ကာကွယ်စောင့်ရှောက်မှုများ ပေးနိုင်ရေး၊ ကျွမ်းကျင်မှု ဖွံ့ဖြိုးတိုးတက်ရေး၊ စွမ်းဆောင်ရည် မြှင့်တင်ရေးတို့အတွက် လုပ်ငန်းမူဘောင်များ၊ ရေတို၊ ရေရှည် စီမံချက်များ ရေးဆွဲ အကောင်အထည်ဖော် ဆောင်ရွက်လျက်ရှိပါသည်။ အခြေခံအလုပ်သမား အခွင့်အရေးနှင့် လူ့အခွင့်အရေးများ ချိုးဖောက်နေပြီး ပြည်သူအပေါ် အကြမ်းဖက်မှုများ နေ့စဉ် ကျူးလွန်နေသည့် စစ်အုပ်စုကို အိုင်အယ်လ်အို၏ ဖွဲ့စည်းပုံစည်းမျဉ်း (ILO Constitution) နှင့်အညီ အမြင့်ဆုံး အရေးယူ ဆောင်ရွက်နိုင်ရေး၊ အမျိုးသားညီညွတ်ရေးအစိုးရကို အိုင်အယ်လ်အို (ILO) က တဆင့် ထောက်ခံအသိအမှတ်ပြုရေး၊ စစ်တပ်၏ အရေးကြီးသော နိုင်ငံခြားဝင်ငွေရလမ်းများကို ပိတ်ဆို့ရေး စသည့်လုပ်ငန်းများကို အိုင်အယ်လ်အို (ILO) အပါအဝင် နိုင်ငံတကာအလုပ်သမားရေးရာ အဖွဲ့အစည်းများနှင့် ပူးပေါင်းဆောင်ရွက်လျက်ရှိသည်။၆။ တော်လှန်ရေးမျက်နှာစာအသီးသီးတွင် အရှုံးနှင့် ရင်ဆိုင်နေရသော အကြမ်းဖက်စစ်တပ်သည် ၎င်းတို့၏ အားအင်ချည့်နဲ့နေမှုများကို ကုစားရန် အဓမ္မစစ်သားစုဆောင်းရေး ဥပဒေတစ်ရပ်ကို အခွင့်အာဏာမရှိဘဲ ထုတ်ပြန်၍ တိုင်းပြည်၏ အလုပ်လုပ်ကိုင်နိုင်သည့် အသက်အရွယ်ရှိသော အမျိုးသမီး၊ အမျိုးသား လူငယ်၊ လူရွယ်များကို ဖမ်းဆီးခြိမ်းခြောက်၍ အဓမ္မလူစုဆောင်းနေခြင်း ကြောင့် စစ်မှုမထမ်းလိုသည့် လူငယ်လုပ်သားများသည် ပြည်တွင်းလွတ်မြောက်နယ်မြေများနှင့် ပြည်ပနိုင်ငံများသို့ ရရာနည်းဖြင့် ထွက်ပြေးတိမ်းရှောင်နေမှုများဖြစ်ပေါ်ကာ ပြည်တွင်းလုပ်အား ဆုံးရှုံးမှု၊ ပုံမှန်ဝင်ငွေ မရရှိမှုနှင့် လူမှုစီးပွားဘဝ ထိခိုက်ခံစားကြရပါသည်။ အလုပ်သမားများ သာမက အကျိုးဆက်အနေဖြင့် စီးပွားရေးလုပ်ငန်းများပါ ထိခိုက်ဆုံးရှုံးနေရပါသည်။ ထို့အပြင် ပြည်သူလူထုအပေါ် အကြမ်းဖက်လုပ်ရပ်များတွင် အသုံးပြုမည့် ငွေကြေးလိုအပ်ချက်များကို ဖြည့်ဆည်းရန် ပြည်ပနိုင်ငံများတွင် ရောက်ရှိနေသည့် မြန်မာနိုင်ငံသားများ၊ ရွှေ့ပြောင်းအလုပ် သမားများ၏ လစာဝင်ငွေမှ ဝင်ငွေခွန်အဖြစ် အဓမ္မ ဖိအားပေးအကျပ်ကိုင်၍ ကောက်ခံလျက်ရှိ သည်။ ၇။ မြန်မာနိုင်ငံတွင် အာဏာရှင်ရှိနေသ၍ အလုပ်သမားများအပါအဝင် တိုင်းရင်းသားပြည်သူ တရပ်လုံး ကိုယ်၊ စိတ် ဒုက္ခမျိုးစုံ ဆတိုး ခံစားနေကြရမည်ဖြစ်ပြီး အာဏာရှင်စနစ်ကို အပြီးတိုင် ချေမှုန်းနိုင်မှသာလျှင် အခြေခံအခွင့်အရေး၊ ကိုယ်ပိုင်လွတ်လပ်ခွင့်နှင့် တန်းတူညီမျှရေးကို အပြည့် အဝ ဖော်ဆောင်နိုင်မည် ဖြစ်သည်။ ယခုနှစ် မေဒေးအတွက် ကြွေးကြော်သံ ဆောင်ပုဒ်ဖြစ်သည့် “ဖက်ဒရယ်ဒီမိုကရေစီ မရှိဘဲ အလုပ်သမားအခွင့်အရေး မရှိနိုင်” ၊ “No Federal Democracy, No Labour Rights.” ဆိုသကဲ့သို့ ဒီမိုကရေစီမရှိဘဲ မည်သည့်အခွင့်အရေးမျှ မရရှိနိုင်ခြင်းကြောင့် အလုပ်သမားထုကြီးအပါအဝင် ပြည်သူတရပ်လုံးအနေဖြင့် တော်လှန်ရေး အမြန်ဆုံး အဆုံးသတ် နိုင်ရန် ဆက်လက် ကြိုးပမ်းအားထုတ်စေလိုကြောင်း လေးလေးနက်နက် တိုက်တွန်းအပ်ပါသည်။၈။ ကမ္ဘာ့ကုလသမဂ္ဂ (UN) နှင့် အိုင်အယ်လ်အို (ILO) အပါအဝင် နိုင်ငံတကာ အလုပ်သမားရေးရာအဖွဲ့အစည်းများ၊ လူ့အခွင့်အရေး၊ အလုပ်သမားအခွင့်အရေး အလေးထားသည့် နိုင်ငံတကာအစိုးရများအနေဖြင့်လည်း လက်တွေ့ဆန်သော ကူညီမှုနှင့် ပူးပေါင်းဆောင်ရွက်မှု များကို အမြန်ဆုံးဆောင်ရွက်ပေးရန် မိမိတို့ အမျိုးသားညီညွတ်ရေးအစိုးရက အလေးအနက် ထပ်မံ တောင်းဆိုအပ်ပါသည်။၉။ မြန်မာနိုင်ငံတွင် အခြေခံအလုပ်သမားအခွင့်အရေးနှင့် လူ့အခွင့်အရေး အပြည့်အဝရရှိရေး၊ စစ်အာဏာရှင်စနစ် အမြစ်ဖြတ်ချေမှုန်းရေးနှင့် ဖက်ဒရယ်ဒီမိုကရေစီ ပြည်ထောင်စု တည်ဆောက် ရေးအတွက် စွန့်လွှတ်အနစ်နာခံကာ မဆုတ်မနစ် ကြံ့ကြံ့ခံ တော်လှန်နေသည့် ပြည်တွင်း၊ ပြည်ပရှိ မြန်မာအလုပ်သမားထုကြီးအား လေးစားဂုဏ်ပြုပါကြောင်းနှင့် အလုပ်သမားသမဂ္ဂများအပါအဝင် အင်အားစုပေါင်းစုံဖြင့် ညီညွတ်စွာ တော်လှန်ရေးအောင်ပွဲကို အမြန်ဆုံးအရယူရန် ယနေ့ကျရောက်သည့် ကမ္ဘာ့ အလုပ်သမားနေ့တွင် ထပ်လောင်း သန္နိဋ္ဌာန်ချမှတ်လိုက်ပါသည်။အရေးတော်ပုံမုချအောင်ရမည်..... ဒူဝါလရှီးလနိုင်ငံတော်ယာယီသမ္မတအမျိုးသားညီညွတ်ရေးအစိုးရ

အမှားပြင်ဆင်ချက်

အမှားပြင်ဆင်ချက်

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရအမှားပြင်ဆင်ချက်၂၀၂၄ ခုနှစ်၊ ဧပြီလ (၃၀) ရက်နေ့တွင် ထုတ်ပြန်ခဲ့သော “အမျိုးသားညီညွတ်ရေးအစိုးရဖွဲ့စည်းခြင်း (၃) နှစ်ပြည့် ထုတ်ပြန်ကြေညာချက်” နှင့် သတင်းစာရှင်းလင်းပွဲအတွင်း ဖတ်ကြားချက်များတွင် ဘဏ္ဍာရေးကဏ္ဍ အချက် (က) ပါ အချက်အလက် မှားယွင်းချက်ကို အောက်ပါအတိုင်း ပြင်ဆင်ထုတ်ပြန်အပ်ပါသည်။ အချက်အလက်ကို ကိုးကားထားသော သတင်းဌာနများအနေဖြင့်လည်း ပြန်လည်ပြင်ဆင်ပေးကြပါရန် မေတ္တာရပ်ခံအပ်ပါသည်။အချက်အလက်အမှန် -  (က) အောင်လံလွှင့်ချီ နွေဦးထီ (ဩဂုတ်လ ၂၀၂၁ မှ ဒီဇင်ဘာလ ၂၀၂၃ အထိ CDM ဝန်ထမ်းများအား ကျပ် ၄၃၆.၇၈၉ သန်း - အမေရိကန်ဒေါ်လာ ၁၁၁,၇၀၀ ထောက်ပံ့ပေးခဲ့)အချက်အလက် မှားယွင်းမှုကြောင့် စိတ်အနှောင့်အယှက် ဖြစ်ရခြင်းကို အနူးအညွတ် တောင်းပန်အပ်ပါသည်။အမျိုးသားညီညွတ်ရေးအစိုးရ

အမျိုးသားညီညွတ်ရေးအစိုးရဖွဲ့စည်းခြင်း (၃) နှစ်ပြည့် ထုတ်ပြန်ကြေညာချက်

အမျိုးသားညီညွတ်ရေးအစိုးရဖွဲ့စည်းခြင်း (၃) နှစ်ပြည့် ထုတ်ပြန်ကြေညာချက်

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရhttps://nugmyanmar.org“အမျိုးသားညီညွတ်ရေးအစိုးရဖွဲ့စည်းခြင်း (၃) နှစ်ပြည့် ထုတ်ပြန်ကြေညာချက်”၂၀၂၄ ခုနှစ်၊ ဧပြီလ ၃၀ ရက်အမျိုးသားညီညွတ်ရေးအစိုးရသည် စတင်ဖွဲ့စည်းခဲ့သည့်အချိန်မှစ၍ ပြည်ထောင်စုမျှော်ရည်ချက်ဖြစ်သော လွတ်လပ်မှု၊ တရားမျှတမှု၊ တန်းတူညီမျှမှုကို အာမခံပြီး ငြိမ်းချမ်းသည့် ဖက်ဒရယ်ဒီမိုကရေစီ ပြည်ထောင်စုတည်ဆောက်ရေးကို ဖော်ဆောင်နိုင်ရန်အတွက် စစ်အာဏာရှင်စနစ်အပါအဝင် အာဏာရှင်စနစ်မှန်သမျှ ပပျောက်ရေးကို မြန်မာနိုင်ငံ၏ တရားဝင် အစိုးရတရပ်အနေဖြင့် တော်လှန်ရေးအင်အားစုအသီးသီးနှင့် ပူးပေါင်းကာ တာဝန်ယူမှု တာဝန်ခံမှုရှိစွာဖြင့် တစိုက်မတ်မတ် ကြိုးပမ်းအားထုတ်ခဲ့သည်။ အမျိုးသားညီညွတ်ရေးအစိုးရ၏  (၃)နှစ်တာကာလအတွင်း ဆောင်ရွက်ချက်များအား အမျိုးသားညီညွတ်ရေးအစိုးရ ဖွဲ့စည်းခြင်း (၃) နှစ်ပြည့်နေ့ဖြစ်သော ၂၀၂၄ ခုနှစ် ဧပြီလ (၁၆) ရက်နေ့တွင် အစိုးရ၏ သတင်းထုတ်ပြန်ရေး လမ်းကြောင်းများမှတဆင့် ပြည်သူသို့ အစီရင်ခံခဲ့ပြီးဖြစ်သည်။ ထို့အတူ ပြည်ထောင်စုလွှတ်တော် ကိုယ်စားပြုကော်မတီ(CRPH)က ၂၀၂၄ ခုနှစ်၊ ဖေဖော်ဝါရီလ ၁ ရက်နေ့ နှင့် ၂ ရက်နေ့တို့တွင် ကျင်းပပြုလုပ်ခဲ့သော ဆဋ္ဌမအကြိမ်မြောက်  ပြည်ထောင်စုလွှတ်တော်အစည်းအဝေးနှင့် အမျိုးသားညီညွတ်ရေးအတိုင်ပင်ခံကောင်စီ (NUCC) က ၂၀၂၄ ခုနှစ်၊ ဧပြီလ (၄) ရက်နေ့မှ (၉) ရက်နေ့အထိ ကျင်းပခဲ့သည့် ဒုတိယအကြိမ်၊ ပြည်သူ့ညီလာခံတို့တွင် အမျိုးသားညီညွတ်ရေး အစိုးရအနေဖြင့် (၃) နှစ်တာ လုပ်ကိုင်ဆောင်ရွက်မှုများနှင့် ပတ်သက်သည့် အစီရင်ခံစာကို တင်သွင်းခဲ့ပါသည်။ နိုင်ငံရေးကဏ္ဍ နိုင်ငံရေးကဏ္ဍအနေဖြင့် တော်လှန်ရေးအောင်မြင်ရန် အင်အားစုများ အားလုံးအကြား စုစည်းညီညွတ်စွာဖြင့် ပူးပေါင်း ဆောင်ရွက်နိုင်ရေးအတွက် နိုင်ငံရေးဘုံရည်မှန်းချက်များ ပိုမိုအားကောင်းခိုင်မာစေရန် ကြိုးပမ်းဆောင်ရွက်လျက် ရှိပါသည်။ ၂၀၂၄ ခုနှစ် ဇန်နဝါရီလ ၃၁ ရက်နေ့တွင် "စစ်အာဏာရှင်စနစ်ချုပ်ငြိမ်းရေး နှင့် ဖက်ဒရယ် ဒီမိုကရေစီ ပြည်ထောင်စု တည်ဆောက်ရေးအတွက် အတူတကွ လက်တွဲတော်လှန် တိုက်ပွဲဝင်နေကြသော အဖွဲ့များ၏ ဘုံသဘောထားရပ်တည်ချက်" တရပ်ထုတ်ပြန်ပြီး တော်လှန်ရေးအင်အားစုများ၏ မျှော်မှန်းချက်၊ ဦးတည်ချက်၊ ရပ်တည်ချက်များနှင့် လုပ်ငန်းစဉ်အဆင့်ဆင့်တို့ကို ပြည်သူသို့ အသိပေးနိုင်ခဲ့သည်။ နိုင်ငံတကာဆက်ဆံရေးကဏ္ဍနိုင်ငံတကာဆက်ဆံရေးကဏ္ဍတွင် တော်လှန်ရေးအင်အားစုများ၏ စစ်အာဏာရှင်ဆန့်ကျင်မှု လုပ်ငန်းများကို နိုင်ငံတကာ အသိုင်းအဝိုင်းက ထောက်ခံအားပေးကူညီလာရန်နှင့် အကြမ်းဖက်စစ်အုပ်စုအား ထောက်ခံမှု၊ အားပေးကူညီမှုများ မရှိစေရန်နှင့် တရားဝင်မှု မရစေရန်  နည်းမျိုးစုံဖြင့် ကြိုးပမ်းဆောင်ရွက်ခဲ့ပါသည်။ ဤသို့ကြိုးပမ်းရာတွင် နိုင်ငံအသီးသီးမှ အစိုးရများ၊ လွှတ်တော်များ၊ ကုလသမဂ္ဂ အပါအဝင် နိုင်ငံတကာ အဖွဲ့အစည်းများ၊ ASEAN , EU အစရှိသည့် ဒေသဆိုင်ရာနိုင်ငံများ၏ အဖွဲ့အစည်းများ၊ ဒေသတွင်းနှင့် အိမ်နီးချင်းနိုင်ငံများနှင့် ချဥ်းကပ် ဆက်ဆံ၍ နည်းလမ်းအမျိုးမျိုးဖြင့် ပူးပေါင်းဆောင်ရွက်နိုင်ရန် ကြိုးပမ်းခဲ့ပါသည်။ စစ်အုပ်စု၏ ရက်စက် ကြမ်းကြုတ်သော ရာဇဝတ်မှု ကျူးလွန်မှုများအတွက် တရားမျှတမှု ရှာဖွေရန်နှင့် စီးပွားရေး၊ ဘဏ္ဍာရေး၊ သံတမန်ရေးအရ အရေးယူနိုင်ရန်လည်း လူထုအခြေပြုအဖွဲ့အစည်းများ၊ နိုင်ငံတကာအဖွဲ့အစည်းများ၊ နိုင်ငံအသီးသီးမှ မြန်မာနွယ်ဖွား တက်ကြွလှုပ်ရှားသူများနှင့် အတူတကွ ပူးပေါင်း ဆောင်ရွက်နိုင်ခဲ့ပါသည်။ နိုင်ငံတကာမှ မိမိတို့တော်လှန်ရေးအတွက် အကူအညီများရရှိရန်လည်း နိုင်ငံတကာ အကူအညီပေးရေး အဖွဲ့များနှင့် ဆက်သွယ်ပြီး အဘက်ဘက်မှ ကြိုးပမ်းဆောင်ရွက်ခဲ့ပါသည်။စစ်ရေးကဏ္ဍ စစ်ရေးကဏ္ဍတွင် ၂၀၂၁ ခုနှစ် မေလ (၅) ရက်နေ့တွင် အနာဂတ်ဖက်ဒရယ်တပ်မတော်၏ အမြုတေအဖြစ် စတင် တည်ထောင်ခဲ့သော ပြည်သူ့ကာကွယ်ရေးတပ်မတော်သည် (၃) နှစ်တာကာလအတွင်း တိုင်းရင်းသား တော်လှန်ရေး အင်အားစုများနှင့် ပူးပေါင်းကာ စုဖွဲ့၊ ပြင်ဆင်၊ လေ့ကျင်၊ တိုက်ပွဲဝင်ခဲ့ရာမှ လက်ရှိကာလတွင် မဟာဗျူဟာမြောက် ထိုးစစ်များကို စတင်ဖော်ဆောင်လာနိုင်သည့် အခြေအနေသို့ ရောက်ရှိခဲ့ပြီဖြစ်သည်။ စစ်ရေးမဟာဗျူဟာများကို ပူးပေါင်းခင်းကျင်း ဆောင်ရွက်နိုင်ရန်အတွက် တိုင်းရင်းသားမဟာမိတ် တော်လှန်ရေး အင်အားစု များနှင့်  ဗဟိုကွပ်ကဲရေးနှင့်ပေါင်းစပ်ညှိနှိုင်းရေးကော်မတီ(C3C)၊ (J2C) စသည့် ကော်မတီများဖွဲ့စည်းကာ ချိတ်ဆက် ဆောင်ရွက်လျက်ရှိသည်။ အမျိုးသားညီညွတ်ရေးအစိုးရနှင့် တိုင်းရင်းသားတော်လှန်ရေးအင်အားစုများသည် နယ်စပ်ကုန်သွယ်ရေးမြို့ (၅) မြို့အပါအဝင် မြန်မာတနိုင်ငံလုံး၏ (၆၀) ရာခိုင်နှုန်းကျော်ကို စိုးမိုးထိန်းချုပ်ထားနိုင်ပြီဖြစ်ပြီး အဓိကကျသော စစ်ရေးပစ်မှတ်များဖြစ်သည့် နေပြည်တော်၊ ပြင်ဦးလွင် ၊ ကပစလက်နက်ထုတ်စက်ရုံများ စသည်တို့ကို ထိုးဖောက်တိုက်ခိုက်နိုင်ခဲ့သည်။ အုပ်ချုပ်ရေးကဏ္ဍအုပ်ချုပ်ရေးကဏ္ဍတွင် အမျိုးသားညီညွတ်ရေးအစိုးရသည် စိုးမိုးထိန်းချုပ်ထားသော ဒေသများတွင် ပြည်သူလူထု၏ လုံခြုံရေးအတွက် ပြည်သူ့ကာကွယ်ရေးအဖွဲ့(ပကဖ)၊ ပြည်သူ့လုံခြုံရေးအဖွဲ့(ပလဖ)တို့ကို ဖွဲ့စည်း ဆောင်ရွက်လျက်ရှိပြီး အာဏာလေဟာနယ် မပေါ်ပေါက်စေရေးနှင့် တရားဥပဒေစိုးမိုးရေးအတွက် ပြည်သူ့အုပ်ချုပ်ရေးအဖွဲ့(ပအဖ) အဆင့်ဆင့်နှင့် တရားရေးဌာနအဆင့်ဆင့်ကို ဖွဲ့စည်းဆောင်ရွက်ကာ သက်ဆိုင်ရာဝန်ကြီးဌာနများကလည်း ပြည်သူ့ဝန်ဆောင်မှု ပေးရေးလုပ်ငန်းများကို အရှိန်အဟုန်ဖြင့် ဖြည့်ဆည်းဆောင်ရွက်လျက်ရှိသည်။  တိုင်းရင်းသား တော်လှန်ရေး အင်အားစုများ ဖော်ဆောင်နေသော ပြည်နယ်အဆင့် အုပ်ချုပ်ရေးလုပ်ငန်းစဉ်များနှင့်လည်း Federal and State Coordination Commission (FSCC) ကိုဖွဲ့စည်း၍ ပူးပေါင်းဆောင်ရွက်လျက်ရှိသည်။ ဘဏ္ဍာရေးကဏ္ဍဘဏ္ဍာရေးကဏ္ဍတွင်လည်း “ဖက်ဆစ်ဝင်ငွေဖြတ်တောက် ပြည်သူ့ဘဏ္ဍာ တည်ဆောက်” ဟူသည့် ဆောင်ပုဒ်ကို လက်ကိုင်ထား၍ အကြမ်းဖက်စစ်အုပ်စုထံစီးဝင်နေသော ဘဏ္ဍာငွေများကို နည်းလမ်းပေါင်းစုံဖြင့် ဖြတ်တောက်ခြင်း၊ တော်လှန်ရေးအတွက်လိုအပ်သော ဘဏ္ဍာငွေများကို ရှာဖွေခြင်းတို့ကို စဉ်ဆက်မပြတ်ဆောင်ရွက်ခဲ့သည်။ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှု ဝန်ကြီးဌာနမှ တာဝန်ယူဆောင်ရွက်လျက်ရှိသော လုပ်ငန်းများမှ -(က) အောင်လံလွှင့်ချီ နွေဦးထီ (ဩဂုတ်လ ၂၀၂၁ မှ ဒီဇင်ဘာ ၂၀၂၃ အထိ CDM ဝန်ထမ်းများအား ကျပ် ၄၃၆.၇၈၉ သန်း - အမေရိကန်ဒေါ်လာ ၁၁၁,၇၀၀ ထောက်ပံ့ပေးခဲ့)(ခ) NUG အစိုးရထိမ်းချုပ် မြို့နယ် ၄၂ မြို့နယ်မှ ၂၀၂၃ ခုနှစ်အတွင်း အခွန်ကောက်ခံရရှိမှု ကျပ်သန်းပေါင်း ၈၉,၈၈၄ သန်း - အမေရိကန်ဒေါ်လာ ၂၂.၉၈သန်း(ဂ) အထူးငွေတိုက်စာချုပ်များ ဒီဇင်ဘာ ၂၀၂၁ မှ ဒီဇင်ဘာ ၂၀၂၃ အထိ အမေရိကန်ဒေါ်လာ ၄၄သန်းကျော်(ဃ) End of Dictatorship/Early Partnership Scheme မှ ဒီဇင်ဘာ ၂၀၂၃ အထိ အမေရိကန်ဒေါ်လာ ၉၇သန်းကျော်(င) Spring Development Bank ငွေစုရောင်းချရငွေ အမေရိကန်ဒေါ်လာ ၁၁.၈ သန်း ရရှိခဲ့ပြီး(စ)NUG pay စနစ်ဖြင့် အမေရိကန်ဒေါ်လာ သန်း ၃၀၀ ကျော်နဲ့ ညီမျှသော ငွေကြေးစီးဆင်းမှုကို တော်လှန်ရေးအတွက် ထောက်ကူဆောင်ရွက်နိုင်ခဲ့ပါသည်။စဉ်ဆက်မပြတ် ထည့်ဝင်ပံ့ပိုးနေကြသော ပြည်သူလူထုထံ ဝန်မပိစေသည့် ဘဏ္ဍာငွေရရှိရေးလမ်းကြောင်းများကို ရှာဖွေ ဖော်ထုတ်လျက်ရှိပြီး စိုးမိုးထိန်းချုပ်နယ်မြေများမှ ရရှိသော အခွန်ဘဏ္ဍာငွေများကိုလည်း တာဝန်ယူမှု၊တာဝန်ခံမှု အပြည့်ဖြင့် စီမံခန့်ခွဲသုံးစွဲလျက်ရှိသည်။ လူထုဆက်ဆံရေးကဏ္ဍလူထုဆက်ဆံရေးကဏ္ဍအားဖြင့်လည်း အမျိုးသားညီညွတ်ရေးအစိုးရအဖွဲ့၏ ဆောင်ရွက်ချက်များနှင့် တော်လှန်ရေးနှင့် ပတ်သက်သည့် သတင်းအချက်အလက်၊ အကြောင်းအရာများကို ပြည်သူလူထု စဉ်ဆက်မပြတ်သိရှိနေစေရန်အတွက် လွတ်လပ်ပြီး အမီအခိုကင်းသော သတင်းမီဒီယာများနှင့် ထိတွေ့ကာဆောင်ရွက်နေသကဲ့သို့ ရုပ်သံ၊ ရေဒီယို၊ ဝပ်ဆိုဒ် လူမှုကွန်ယက်စာမျက်နှာ၊ အပတ်စဉ်စာစောင် စသဖြင့် လမ်းကြောင်းမျိုးစုံမှနေ၍ ပြည်သူလူထုအား ထုတ်ပြန် အစီရင်ခံလျက်ရှိပါသည်။အမျိုးသားညီညွတ်ရေးအစိုးရအနေဖြင့် ဖြတ်သန်းခဲ့ပြီးသော (၃) နှစ်တာကာလ၏ အားသာချက်၊ အားနည်းချက်၊ အခွင့်အလမ်း၊ စိန်ခေါ်မှုများကို ပြန်လည်သုံးသပ်ပြီး သင်ခန်းစာများရယူကာ ပြည်သူလူထုလိုလားတောင့်တနေသော တော်လှန်ရေးကို အောင်ပွဲနှင့်အတူ အပြီးပြတ် အဆုံးသတ်နိုင်ရေးအတွက် တော်လှန်ရေး အင်အားစုများ အားလုံးနှင့် လက်တွဲကာ ဆက်လက်ကြိုးပမ်းသွားမည်ဖြစ်ကြောင်း ပြည်သူလူထုအား ကတိသစ္စာပြုလျက် အစီရင်ခံတင်ပြ အပ်ပါသည်။ ယခုအခါ စစ်ကောင်စီသည် လုံးဝယိုင်နဲ့နေပြီး၊ အဆုံးသတ်ပြိုလဲရန်သာ ကျန်တော့သည့်အတွက် အမျိုးသားညီညွတ်ရေးအစိုးရ နှင့် တော်လှန်ရေးအင်အားစုများအားလုံးနှင့်အတူ ဤအဆုံးသတ်တိုက်ပွဲတွင် ကိုယ်စွမ်းဉာဏ်စွမ်းရှိသမျှ အရှိန်အဟုန်မြှင့်ကာ ဆက်လက်တိုက်ပွဲဝင်သွားရန်  ပြည်သူလူထုတရပ်လုံးအားလည်း တိုက်တွန်းနှိုးဆော်အပ်ပါသည်။ အမျိုးသားညီညွတ်ရေးအစိုးရ မှတ်ချက် - အမျိုးသားညီညွတ်ရေးအစိုးရ (၃) နှစ်ပြည့် နှင့်သက်ဆိုင်သော လိုအပ်သည့် သတင်းအချက်အလက်များကို ပူးတွဲထုတ်ပြန်အပ်ပါသည် (၁) "ဆဋ္ဌမအကြိမ်မြောက် ပြည်ထောင်စုလွှတ်တော်အစည်းအဝေးသို့ အမျိုးသားညီညွတ်ရေးအစိုးရမှ တင်သွင်းသည့် အစီရင်ခံစာ” https://go.nugmyanmar.org/a64a79a0 (၂) ကြားကာလဒေသန္တရအုပ်ချုပ်ရေးနှင့် ပြည်သူ့ဝန်ဆောင်မှုများ ဆောင်ရွက်မှုဆိုင်ရာ အစီရင်ခံစာhttps://go.nugmyanmar.org/fcb8f866 (၃) "စစ်အာဏာရှင်စနစ်ချုပ်ငြိမ်းရေး နှင့် ဖက်ဒရယ်ဒီမိုကရေစီပြည်ထောင်စု တည်ဆောက်ရေးအတွက် အတူတကွ လက်တွဲတော်လှန် တိုက်ပွဲဝင်နေကြသော အဖွဲ့များ၏ ဘုံသဘောထားရပ်တည်ချက်”https://go.nugmyanmar.org/da9e1ea9 (၄) အမျိုးသားညီညွတ်ရေးအစိုးရဖွဲ့စည်းခြင်း (၃) နှစ်ပြည့် ပြည်ထောင်စုဝန်ကြီးချုပ်၏ မိန့်ခွန်း https://go.nugmyanmar.org/bd041e1e (၅) အမျိုးသားညီညွတ်ရေးအစိုးရဖွဲ့စည်းခြင်း (၃) နှစ်ပြည့် ဝန်ကြီးဌာနများ၏ ပြည်သူသို့ အစီရင်ခံချက်များ https://go.nugmyanmar.org/028add38

ထိုင်းအစိုးရထံသို့ မေတ္တာရပ်ခံပန်ကြားလွှာ

ထိုင်းအစိုးရထံသို့ မေတ္တာရပ်ခံပန်ကြားလွှာ

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရနိုင်ငံခြားရေးဝန်ကြီးဌာနသတင်းထုတ်ပြန်ချက် (၅/ ၂၀၂၄)(၂၀၂၄ ခုနှစ်၊ ဧပြီလ ၂၁ ရက်)ထိုင်းအစိုးရထံသို့ မေတ္တာရပ်ခံပန်ကြားလွှာ၁။ ထိုင်း-မြန်မာနယ်စပ် မြဝတီမြို့နှင့်အနီးတဝိုက်ဒေသအတွင်း တော်လှန်ရေးအင်အားစုများ နှင့် အကြမ်းဖက်စစ်အုပ်စုတို့အကြား ဖြစ်ပွားနေသော တိုက်ပွဲများတွင် အကြမ်းဖက်စစ်အုပ်စုက အရပ်သားပြည်သူများ၏ နေအိမ်အဆောက်အအုံ၊ အသက်အိုးအိမ်စည်းစိမ်တို့အား ပစ်မှတ်ထား တိုက်ခိုက်မှုများ ပြုလုပ်ခဲ့သဖြင့် လွန်ခဲ့သည့်ရက်အနည်းငယ်အတွင်းမှာပင် ဒေသခံပြည်သူ ထောင်နှင့် ချီ၍ တက်ခ်ခရိုင်၊ မဲဆောက်မြို့နှင့် အခြားဒေသများသို့ ထွက်ပြေးတိမ်းရှောင်ခဲ့ရပါသည်။၂။ ထိုသို့တိမ်းရှောင်ထွက်ပြေးလာသည့် စစ်ဘေးရှောင်ပြည်သူများအတွက် နေရာထိုင်ခင်း စီစဉ်ကာ လိုအပ်သည့်ကယ်ဆယ်ကူညီထောက်ပံ့မှုများ ပေးအပ်ခဲ့ပါသော ထိုင်းအစိုးရ၊ ထိုင်းတော်ဝင် တပ်မတော်၊ နယ်စပ်လုံခြုံရေးတပ်ဖွဲ့ဝင်များနှင့် တက်ခ်ခရိုင်တာဝန်ရှိသူများအားလုံးကို မိမိတို့ အမျိုးသားညီညွတ်ရေးအစိုးရက မြန်မာပြည်သူများကိုယ်စား အထူးပင်လှိုက်လှိုက်လှဲလှဲကျေးဇူးတင် ရှိပါသည်။ အိမ်နီးချင်းကောင်း ပီသသည့် အဆိုပါဆောင်ရွက်ချက်ကို မိမိတို့ မြန်မာပြည်သူများ အနေဖြင့် အမြဲ အမှတ်ရနေမည် ဖြစ်ပါသည်။ ၃။ အကြမ်းဖက်စစ်အုပ်စုအနေဖြင့် အရပ်သားပြည်သူလူထုနှင့် အရပ်ဘက်အဆောက်အအုံ များကို ပစ်မှတ်ထားသည့် တိုက်ခိုက်မှုများ ဆက်တိုက်ပြုလုပ်နေလျက်ရှိရာ စစ်ဘေးရှောင် ပြည်သူ ဦးရေ ဆက်လက်များပြားလာနိုင်ကြောင်း မိမိတို့အနေဖြင့် မှန်းဆထားပါသည်။ ၄။  ထို့ကြောင့် သက်ဆိုင်ရာတာဝန်ရှိသူများအနေဖြင့် လူသားချင်းစာနာ ထောက်ထားမှု ဆိုင်ရာ ကူညီထောက်ပံ့မှုများ၊ နေရာထိုင်ခင်းများအား အရေးပေါ်လိုအပ်နေသည့် ပြည်သူများအတွက်  ကူညီထောက်ပံ့ပေးပါရန် မေတ္တာရပ်ခံအပ်ပါသည်။  မိမိတို့ အမျိုးသားညီညွတ်ရေးအစိုးရနှင့် မဟာမိတ်တိုင်းရင်းသားတော်လှန်ရေးအဖွဲ့အစည်းများ အနေဖြင့်လည်း ထိုင်းအစိုးရ၊  သက်ဆိုင်ရာ အဖွဲ့အစည်းများနှင့်အတူ မြန်မာပြည်သူများကို အကူအညီပေးနိုင်ရေးအတွက် ကဏ္ဍပေါင်းစုံ၌ ပူးပေါင်း‌ ဆောင်ရွက်သွားရန် အသင့်ရှိနေပါကြောင်း ဖော်ပြအပ်ပါသည်။ နိုင်ငံခြားရေးဝန်ကြီးဌာနအမျိုးသားညီညွတ်ရေးအစိုးရ

ဘူးသီးတောင်မြို့ အခြေအနေနှင့် ပတ်သက်၍ ထုတ်ပြန်ကြေညာချက်

ဘူးသီးတောင်မြို့ အခြေအနေနှင့် ပတ်သက်၍ ထုတ်ပြန်ကြေညာချက်

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရhttps://nugmyanmar.orgဘူးသီးတောင်မြို့ အခြေအနေနှင့် ပတ်သက်၍ ထုတ်ပြန်ကြေညာချက်၂၀၂၄ ခုနှစ်၊ ဧပြီလ ၂၁ ရက်၁။ အကြမ်းဖက်စစ်အုပ်စုက လူမျိုးရေးပဋိပက္ခဖြစ်စေရန် ရည်ရွယ်၍ ရခိုင်ပြည်နယ် အတွင်း နေထိုင်ကြသည့် ရိုဟင်ဂျာများအား (တရားမဝင်အဓမ္မ) စစ်သားအဖြစ် စုဆောင်းခဲ့ပြီး စစ်သင်တန်းများ ပို့ချကာ လက်နက်များ တပ်ဆင်ပေးလျက် ရှိနေကြောင်း လေ့လာသိရှိရသည်။ ၂။ အလားတူ အကြမ်းဖက်စစ်တပ်အား တော်လှန်တိုက်ပွဲဝင်နေသည့် အာရက္ခတပ်တော်အား ရိုဟင်ဂျာများက ဆန့်ကျင်နေကြောင်း ထင်မှတ်မှားစေသည့် ဖိအားပေးစေခိုင်းမှုများနှင့် အတူ အတုအယောင် ဆန္ဒပြပွဲများ ကျင်းပစေကာ လူမျိုးရေး ပဋိပက္ခ အရှိန်မြင့်တက်လာအောင် ယုတ်မာကောက်ကျစ်သည့် အကြံဆိုးဖြင့် ဆောင်ရွက်မှုများ ပြုလုပ်ခဲ့သည်ကို တွေ့ရှိရသည်။ ၃။ ထို့အပြင် ဘူးသီးတောင်မြို့အတွင်း အကြမ်းဖက်စစ်တပ်က ဦးဆောင်ကာ အရပ်သား ပြည်သူများ၏ နေအိမ်အဆောက်အအုံများ၊ နိုင်ငံတကာ လူသားချင်းစာနာထောက်ထားမှု အကူအညီပေးရေး အဖွဲ့အစည်းများ၏ ရုံးအဆောက်အအုံများကို မီးရှို့ခြင်း၊ ဖြိုချခြင်းနှင့် အကြမ်းဖက်မှုများကို ပေါ်ပေါ်ထင်ထင် လုပ်ဆောင်နေကြောင်း သိရှိရသည်။ ၄။ ရခိုင်ပြည်နယ်အတွင်းမှ ပြည်သူများ၏ ငြိမ်းချမ်းစွာ အတူယှဉ်တွဲ နေထိုင်နေမှုကို ဖျက်လိုဖျက်ဆီး ပြုလုပ်နေကြသည့် အဖျက်အမှောင့်လုပ်ရပ်များကို ပြင်းထန်စွာ ရှုတ်ချ ကြောင်းနှင့် ရခိုင်ပြည်နယ်အတွင်းနေ ပြည်သူများအနေဖြင့် အကြမ်းဖက်စစ်တပ်၏ လူမျိုး ရေး၊ ဘာသာရေး ပဋိပက္ခဖြစ်စေရန် ပြုလုပ်နေသည့် နိုင်ငံရေးလှည့်ကွက်များအား လူမျိုးစု အချင်းချင်းကြား ယုံကြည်မှု၊ အပြန်အလှန် လေးစားမှု၊ နားလည်သည်းခံမှုတို့ဖြင့် သတိထား ကျော်ဖြတ်ကြရန် အမျိုးသားညီညွတ်ရေးအစိုးရအနေဖြင့် အထူးအလေးအနက်ထား မေတ္တာရပ်ခံ ပန်ကြားလိုပါသည်။အမျိုးသားညီညွတ်ရေးအစိုးရ