၂၀၁၇ ခုနှစ် ရိုဟင်ဂျာများအပေါ်ကျူးလွန်ခဲ့သော ဆိုးဝါးလှသော ရာဇဝတ်မှုများ လေးနှစ်ပြည့်နှစ်ပတ်လည်အတွက် ထုတ်ပြန်ကြေညာချက်

၂၀၁၇ ခုနှစ် ရိုဟင်ဂျာများအပေါ်ကျူးလွန်ခဲ့သော ဆိုးဝါးလှသော ရာဇဝတ်မှုများ လေးနှစ်ပြည့်နှစ်ပတ်လည်အတွက် ထုတ်ပြန်ကြေညာချက်

ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရ သြဂုတ်လ (၂၄) ရက်။ ၂၀၂၁ ခုနှစ် လွန်ခဲ့သောလေးနှစ်ကာလက ဖြစ်ပွားခဲ့သည့် ရက်စက်ကြမ်းကြုတ်လှသော အကြမ်းဖက်မှုများ၊ ဆိုးဝါးလှသည့် လူ့အခွင့်အရေးချိုးဖောက်မှုများနှင့် နေရပ်ရင်းမှ လူအမြောက်အများ ပြောင်းရွေ့ခဲ့ရမှုများကြောင့် ရိုဟင်ဂျာပြည်သူ ထောင်ပေါင်းများစွာတို့သည် နေအိမ်မှစွန့်ခွာခဲ့ရပြီး အိမ်နီးနားချင်းနိုင်ငံများတွင် ခိုလှုံနေခဲ့ရသည့်အတွက် အမျိုးသားညီညွတ်ရေးအစိုးရအနေဖြင့် အထူးစိတ်မကောင်းဖြစ်မိပါသည်။ ထိုသို့ဆိုးဝါးးလှသည့်ရာဇဝတ်မှုများနှင့်ပတ်သက်၍ အဓိကတာဝန်ရှိသည့်စစ်တပ်သည် လူမျိုး၊ ဘာသာရေး၊ လိင်စိတ်ကွဲပြားမှု သို့မဟုတ် နိုင်ငံရေးယုံကြည်ချက်တို့အပေါ် အခြေခံ၍ အထူးသဖြင့် တိုင်းရင်းသားဒေသများတွင်နေထိုင်ကြသောသူများကို လူသားမျိုးနွယ်တခုလုံးအပေါ် ကျူးလွန်သည့် ရာဇဝတ်မှုများနှင့် စစ်ပွဲဆိုင်ရာရာဇဝတ်မှုများကိုလည်း ဆယ်စုနှစ်ပေါင်းများစွာ ကျုးလွန်ခဲ့ကြပါသည်။ ၂၀၂၁ ခုနှစ် ဖေဖော်ဝါရီ (၁) ရက်နေ့မှစ၍ မြန်မာပြည်သူအားလုံးသည် ရက်စက်ကြမ်းကြုတ်လှသော ပြစ်မှုများနှင့် အကြမ်းက်မှုများကိုရင်ဆိုင်ကြုံတွေ့နေရကြောင်း သတင်းမီဒီယာများမှတဆင့် တကမ္ဘာလုံးမျက်ဝါးထင်ထင် တွေ့မြင်နေကြရသည်။ အမျိုးသားညီညွတ်ရေးအစိုးရသည် ရိုဟင်ဂျာများနှင့် တနိုင်ငံလုံးရှိပြည်သူများအပေါ် စစ်တပ်က သမိုင်းတလျောက်လုံးကျူးလွန်ခဲ့သည့် ရာဇဝတ်မှုများအားလုံးအတွက် တရားမျှတမှုနှင့် တာဝန်ခံမှုတို့‌ကို‌ဖော်ဆောင်နိုင်ရန် အားသွန်ခွန်စိုက်ကြိုးပမ်းဆောင်ရွက်သွားမည်ဖြစ်ပါသည်။ အမှန်တရားနှင့် တရားမျှတမှုတို့၏အကျိုးအတွက် ပြစ်မှုကျူးလွန်သူများ၏ တာဝန်ရှိမှုကို ဖော်ဆောင်နိုင်ရန် အရေးကြီးပါသည်။ ထိုသို့လုပ်ဆောင်ခြင်းဖြင့် နောင်အနာဂတ်တွင် ရက်စက်ကြမ်းကြုတ်မှုများထပ်မံမဖြစ်ပွားအောင် ‌တားဆီးနိုင်မည်ဟု မိမိတို့ယုံကြည်ပါသည်။ ထို့အတွက်ကြောင့် မိမိတို့သည် နိုင်ငံတကာတရားစီရင်ရေးလမ်းကြောင်းများနှင့် ပူးပေါင်းလုပ်ဆောင်ရန် ကြိုးပမ်းလျက်ရှိပါသည်။ အမျိုးသားညီညွတ်ရေးအစိုးရသည် ၂၀၀၁ ခုနှစ် ဇူလိုင်လ (၁) ရက်နေ့နောက်ပိုင်းမှစပြီး မြန်မာနိုင်ငံ၏နယ်နမိတ်အတွင်းကျူးလွန်ခဲ့သည့် နိုင်ငံတကာရာဇဝတ်မှုများနှင့်ပတ်သက်၍ အပြည်ပြည်ဆိုင်ရာ ရာဇဝတ် တရားရုံး (International Criminal Court -ICC) ၏ လုပ်ပိုင်ခွင့်ကို လက်ခံသဘောတူကြောင်း ကြေညာချက်တစောင်ကို တရားရုံး၏ မော်ကွန်းဌာနသို့ တင်သွင်းခဲ့ပြီးဖြစ်ပါသည်။ ထိုသတ်မှတ်ရက်သည် အပြည်ပြည်ဆိုင်ရာ ရာဇဝတ်တရားရုံး၏ လုပ်ပိုင်ခွင့်နှင့်ပတ်သက်ပြီး အစောဆုံး ခွင့်ပြုထားသည့်ရက်ဖြစ်ပါသည်။ အမျိုးသားညီညွတ်ရေးအစိုးရသည် အိမ်နီးနားချင်းနိုင်ငံများရှိ ဒုက္ခသည်စခန်းများနေထိုင်နေရသည့် ရိုဟင်ဂျာပြည်သူများနှင့် မြန်မာနိုင်ငံအတွင်းတွင်နေထိုင်ရင်း အခြေအနေဆိုးများကို ဆက်လက်ရင်ဆိုင်နေရသည့် ရိုဟင်ဂျာပြည်သူများ၏ အခြေအနေနှင့်ပတ်သက်ပြီး အထူးစိုးရိမ်ပူပန်မိပါသည်။ ရိုဟင်ဂျာပြည်သူများ လုံခြုံစွာ ဂုဏ်သိက္ခာရှိရှိဖြင့် ဆန္ဒအလျောက် နေရပ်ရင်းပြန်လာနိုင်ရေးသည် မိမိတို့၏ အထူးဦးစားပေးအချက်ပင်ဖြစ်သည်။ ၁၉၈၂ နိုင်ငံသားဖြစ်မူဥပဒေကို ပယ်ဖျက်ပြီး ထိုဥပဒေနေရာတွင် နိုင်ငံသားဖြစ်ခြင်း သို့မဟုတ် မည်သည့်နေရာတွင်မွေးဖွားသည့်ဖြစ်စေ နိုင်ငံသားများကမွေးဖွားခဲ့သည့်ကလေးသူငယ်တိုင်းကိုမဆို နိုင်ငံသားအဖြစ်အသိအမှတ်ပြုသော ဥပ‌‌ဒေဖြင့် အစားထိုးခြင်း၊ နိုင်ငံသားစီစစ်ရေးကဒ်ပြားများအား အဆင့်အမျိုးမျိုးဖြင့် ထုတ်ပေးသည့်လုပ်ငန်းစဥ်ကိုဖျက်သိမ်းခြင်းတို့ကို လုပ်ဆောင်ခြင်းဖြင့် ဒုက္ခသည်မား နေရပ်ရင်းပြန်လာရေးလုပ်ဆောင်ရာတွင် ကြုံရသည့် ပြသနာကိုဖြေရှင်းနိုင်ရမည်ဟု မိမိတို့ယုံကြည်သည်။ ရခိုင်ပြည်အတွင်းရှိ ရိုဟင်ဂျာအရေး၏ အခြေခံအကြောင်းရင်းတရားများကို ထုတ်ဖော်ရန် အရေးကြီးကြောင်းနှင့် သက်ဆိုင်ရာနိုင်ငံတရာအဖွဲ့အစည်းများ၏ အစီရင်ခံစာများပါ ဖြစ်နိုင်သောအဖြေရှာမှုများနှင့် ရိုဟင်ဂျာအသိုင်းအဝိုင်းတို့က တိုက်ရိုက်အကြံပြုတင်ပြချက်များကို ထည့်သွင်း စဥ်းစားရမည်ဖြစ်ကြောင်းတို့ကို မိမိတို့ လက်ခံသဘောတူသည်။ ပြည်ထေင်စု တိုင်းရင်းသားလူမျိုးများအားလုံး ငြိမ်းချမ်းစွာအတူလက်တွဲနေထိုင်နိုင်သော ဖယ်ဒရယ်ဒီမိုကရေစီပြည်ထောင်စုတည်ဆောက်ခြင်းသည်သာလျှင် နိုင်ငံအတွက်အကောင်းဆုံးအဖြေဖြစ်သည်ဟု ခိုင်မာစွာ ယုံကြည်သည်။ ထိုရည်မှန်းချက်ပန်းတိုင်ကို ရရှိနိုင်ရန်အတွက် အခြားသောတိုင်းရင်းသားအဖွဲ့အစည်းများနှင့် ပူးပေါင်းလုပ်ဆောင်နေလျက်ရှိသည်။ ယခုကျရောက်သည့် နှစ်ပတ်လည်နေ့တွင် အမျိုးသားညီညွတ်ရေးအစိုးရအနေဖြင့် ဖယ်ဒရယ် ဒီမိုကရေစီပ၎ိညာဥ်တွင် ဖော်ပြထားသည့် အခြေခံမူများဖြစ်သော ပြည်ထောင်စုဖွားတိုင်းရင်းသားများအားလုံးသည် အခြေခံလူ့အခွင့်အရေးများနှင့် လူ့ဂုဏ်သိက္ခာများ၊ လူပုဂ္ဂိုလ်တဦးချင်းအလိုက်ခံစားခွင့်ရှိသည့် တစ်သီးပုဂ္ဂလအခွင့်အရေးများနှင့် လူမျိုးအုပ်စုအလိုက်ခံစားခွင့်ရှိသည့် စုပေါင်းအခွင့်အရေးများကို ရရှိခံစားနိုင်ရေးနှင့် ရိုဟင်ဂျာပြည်သူများအပေါ် ကျူးလွန်သည့် အကြမ်းဖက်မှုများ နောက်ထပ်မပေါ်ပေါက်နိုင်မည့် ဖယ်ဒရယ်ဒီမိုကရေစီပြည်ထောင်စုကို တည်ဆောက်နိုင်ရေးတို့အတွက် ကြိုးပမ်းသွားမည်ဖြစ်ကြောင်း ထပ်လောင်း‌ပြောကြားအပ်ပါသည်။

ပြည်သူ့တပ်မတော်သားများ၊ ပြည်သူ့ရဲတပ်ဖွဲ့ဝင်များနှင့် စပ်လျဉ်းသည့် မူဝါဒ ထုတ်ပြန်ကြေညာခြင်း

ပြည်သူ့တပ်မတော်သားများ၊ ပြည်သူ့ရဲတပ်ဖွဲ့ဝင်များနှင့် စပ်လျဉ်းသည့် မူဝါဒ ထုတ်ပြန်ကြေညာခြင်း

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရကြေညာချက်အမှတ် (၈/၂၀၂၁) ၂၃ ဩဂုတ် ၂၀၂၁“ပြည်သူ့တပ်မတော်သားများ၊ ပြည်သူ့ရဲတပ်ဖွဲ့ဝင်များနှင့် စပ်လျဉ်းသည့် မူဝါဒ ထုတ်ပြန်ကြေညာခြင်း”၁။ ယနေ့ မြန်မာနိုင်ငံတွင် “အမျိုးသားညီညွတ်ရေးအစိုးရ”သည် ပြည်သူ့ဆန္ဒနှင့်အညီ ပေါ်ပေါက် လာသည့် “တရားဝင်” ပြည်သူ့အစိုးရ ဖြစ်သည်ဟုလည်းကောင်း၊ စစ်ကောင်စီသည် ပြည်သူ့ဆန္ဒကို မျက်ကွယ်ပြု၍ “တရားမဝင်” အာဏာသိမ်းယူထားရုံသာမက ပြည်သူကိုဖိနှိပ် ညှင်းပမ်းသတ်ဖြတ်နေသော “အကြမ်းဖက်စစ်အုပ်စု” ဖြစ်သည်ဟုလည်းကောင်း မြန်မာပြည်သူလူထုတစ်ရပ်လုံးနှင့် သက်သေ အထောက်အထားဖြစ်စဉ်များက ဆုံးဖြတ်သတ်မှတ်ပြီး ဖြစ်သည်။၂။ ယခုအခြေအနေတွင် စစ်ကောင်စီ၏အမိန့်အာဏာကို မလွန်ဆန်နိုင်၍ ၎င်း၏ လက်အောက်တွင် ဆက်လက်ရပ်တည်နေကြသော တပ်မတော်သားများနှင့် မြန်မာနိုင်ငံရဲတပ်ဖွဲ့ဝင်များအနေဖြင့် အကြမ်းဖက် စစ်ကောင်စီ၏ ခါးပိုက်ဆောင်နှင့်လက်ကိုင်တုတ်အဖြစ် ဆက်လက်ရပ်တည်မည့်အစား အမှန်တရားနှင့် ပြည်သူ့ရင်ခွင်သို့ ခိုလှုံရပ်တည်ကာ အမျိုးသားညီညွတ်ရေးအစိုးရ၏ ဦးဆောင်မှုကို ခံယူရေးအတွက် မိမိတို့၏ကိုယ်ပိုင်အသိဉာဏ်ဖြင့် ယှဉ်လျက် ရွေးချယ်ဆုံးဖြတ်ကြရန် လိုအပ်လာသည်။၃။ အကြမ်းဖက်စစ်ကောင်စီလက်အောက်ခံ လက်ကိုင်တုတ်များအဖြစ် ရပ်တည်နေခြင်းသည် အချုပ်အခြာအာဏာကို အလွဲသုံးစားပြုခြင်း၊  ပြည်သူကို ပုန်ကန်ခြင်းဖြစ်သည့်အတွက် ပြည်သူ၏ အရေးယူဒဏ်ခတ်မှုကို မလွဲမသွေခံယူကြရမည်ဖြစ်ကြောင်းကို လေးလေးနက်နက် သတိပြုအပ်သည်။၄။ အမျိုးသားညီညွတ်ရေးအစိုးရသည် တရားမဝင်အကြမ်းဖက်စစ်ကောင်စီကို ဆန့်ကျင်ပြီး ပြည်သူ့ရင်ခွင်ကိုခိုလှုံကာ ပြည်သူနှင့်ပူးပေါင်းမည့် တပ်မတော်သားများနှင့် ရဲတပ်ဖွဲ့များ၏ ရပ်တည် ချက်မှန်ကန်မှု၊ ဉာဏ်အမြှော်အမြင်ရှိမှုကို လေးစားအသိအမှတ်ပြုလျက် ၎င်းတို့အတွက် လိုအပ်သော တာဝန်ယူမှုနှင့် ကူညီစောင့်ရှောက်မှုများ ဖြည့်ဆည်းဆောင်ရွက်နိုင်ရန် အောက်ပါ မူဝါဒများကို ချမှတ်လိုက်သည်- (က) တရားမဝင်အာဏာသိမ်း အကြမ်းဖက်စစ်ကောင်စီနှင့် လမ်းခွဲလျက် ပြည်သူ့ရင်ခွင် ခိုလှုံရန် ဝန်ခံကတိပြုသော တပ်မတော်သားများနှင့် ရဲတပ်ဖွဲ့ဝင်များအား “ပြည်သူ့သားကောင်းများ”                     အဖြစ် အသိအမှတ်ပြုမည်။ (ခ) ၎င်းတပ်မတော်သားများနှင့် ရဲတပ်ဖွဲ့ဝင်များ၏ လုပ်သက်၊ ရာထူး နှင့် ပင်စင်တို့အား အမျိုးသားညီညွတ်ရေးအစိုးရက ဆက်လက်တာဝန်ယူမည်။ (ဂ) ၎င်းတို့ လတ်တလောလိုအပ်သော အသက်လုံခြုံမှု၊ မိသားစုဘဝလုံခြုံမှုနှင့် ဘဝရပ်တည်မှုတို့ကို အာမခံနိုင်သော ကူညီစောင့်ရှောက်မည့်အစီအမံများ ချမှတ် ဆောင်ရွက်သွားမည်။ (ဃ) ပြည်သူ့ရင်ခွင်ခိုလှုံမည့် တပ်ရင်းတပ်ဖွဲ့များ၊ တပ်ဖွဲ့ဝင်များအားတိုက်ခိုက်ခြင်း၊ ဒဏ် ခတ်အရေးယူခြင်း မပြုလုပ်ရန် "ပြည်သူ့ကာကွယ်‌ရေးတပ်မတော်" ကိုလည်းကောင်း၊ မဟာမိတ်များကို လည်းကောင်း၊ ပြည်သူများကိုလည်းကောင်း  အသိပေးညှိုနှိုင်း အကြောင်းကြားထားမည်။ (င) အဆိုပါ တပ်ရင်းတပ်ဖွဲ့များ၊ တပ်မတော်သားများ၊ ရဲတပ်ဖွဲ့ဝင်များသည် အသစ်ပြန်လည် ဖွဲ့စည်းမည့် ဖက်ဒရယ်ပြည်ထောင်စု တပ်မတော်နှင့် ရဲတပ်ဖွဲ့တွင် အရေးကြီးသော အခန်းကဏ္ဍမှ ဆက်လက်ပါဝင် ပူးပေါင်းနိုင်ရန် အစီအစဉ်များ ချမှတ်ထားရှိမည်။၅။ အထက်ပါ မူဝါဒများနှင့်အညီ လိုအပ်သောလုပ်ငန်းစဉ်များ ချမှတ်အကောင်အထည်ဖော်နိုင်ရန်အတွက် ပြည်သူ့တပ်မတော်သားများ၊ ရဲတပ်ဖွဲ့ဝင်များအား ကြိုဆိုလက်ခံရေးနှင့် တပ်များ ပေါင်းစည်းရေးအတွက် ပြည်ထောင်စုဝန်ကြီးချုပ် ဦးဆောင်ပါဝင်သော အထူးကော်မတီတစ်ရပ်ကို အမျိုး သားညီညွတ်ရေးအစိုးရက ဖွဲ့စည်းဆောင်ရွက်သွားမည်ဖြစ်ကြောင်း အသိပေး ထုတ်ပြန်လိုက်သည်။ဒူဝါလရှီးလယာယီသမ္မတအမျိုးသားညီညွတ်ရေးအစိုးရပြည်ထောင်စုသမ္မတမြန်မာနိုင်ငံတော်။

မွန်တော်လှန်ရေးနေ့သို့ ပေးပို့သည့် အမျိုးသားညီညွတ်ရေးအစိုးရ၏ သဝဏ်လွှာ

မွန်တော်လှန်ရေးနေ့သို့ ပေးပို့သည့် အမျိုးသားညီညွတ်ရေးအစိုးရ၏ သဝဏ်လွှာ

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရ၂၀၂၁ ခုနှစ် ဩဂုတ်လ (၂၂) ရက်နေ့တွင် ကျရောက်သည့် (၇၄) နှစ်မြောက် မွန်တော်လှန်ရေးနေ့သို့ ပေးပို့သည့် အမျိုးသားညီညွတ်ရေးအစိုးရ၏ သဝဏ်လွှာ၂၀၂၁ ခုနှစ် ဩဂုတ်လ (၂၂) ရက်၁။ မြန်မာနိုင်ငံရှိ လူမျိုးအသီးသီးတွင် မိမိလူမျိုးများအတွက် ငြိမ်းချမ်းရေး၊ တရားမျှတရေးနှင့် တန်းတူ အခွင့်အရေး ရရှိရေးအတွက်သာမက ဖက်ဒရယ်ဒီမိုကရေစီပြည်ထောင်စုထူထောင်ရေး တို့အတွက် ကိုယ်ကျိုးစွန့်အနစ်နာခံကာ သက်စွန့်ကြိုးပမ်းဆောင်ရွက်ခဲ့ကြသည့် သူရဲကောင်းများ အများအပြားရှိ ကြပါသည်။ ၂။ ၁၉၄၈ခုနှစ် မြန်မာပြည်လွတ်လပ်ရေး ရပြီးနောက် မွန်၊ရခိုင် နှင့် ကရင်စသည့် တိုင်းရင်းသားများ၏ နေထိုင်ရာ သီးခြားပြည်နယ် သတ်မှတ်ဖော်ထုတ်ပေးရန်၊ တန်းတူညီမျှမှုနှင့် ကိုယ်ပိုင်ပြဌာန်းခွင့် အပြည့်အဝ ရှိသော ဖက်ဒရယ်စနစ်ထူထောင်ရေး ရည်မှန်းချက်များကို အကောင်အထည်ဖော်ရန်အတွက် “ခေတ်သစ် မွန်လက်နက်ကိုင်တပ်” ကို နိုင်ပန်းသာ၊ နိုင်အောင်သိန်း (ခ) ဗိုလ်သိန်း နှင့် မွန်မျိုးချစ် လူငယ် (၂၇)ဦးတို့မှ ဦးဆောင်ပြီး ဇာသပြင်ကျေးရွာ၌ သန္ဓေတည်၍ “မွန်လက်နက်ကိုင် တော်လှန်ရေး” ကို စတင်ခဲ့ကြသည့်  ခရစ်နှစ် ၁၉၄၈ ခုနှစ်၊ ဇူလှိုင်လ (၂၀) ရက်နေ့၊ နံနက် (၆:၃၀) (မြန်မာသက္ကရာဇ် ၁၃၁၀ ခုနှစ်၊ ဝါခေါင်လပြည့်နေ့) ကို ဂုဏ်ပြု၍ မွန်တော်လှန်ရေးနေ့ အဖြစ် သတ်မှတ်ကျင်းပခဲ့ကြပါသည်။၃။ (၂၂-၀၈-၂၀၂၁) ရက်နေ့တွင် ကျရောက်သည့် (၇၄)နှစ်မြောက် မွန်တော်လှန်ရေးနေ့တွင် အမျိုးသားညီညွတ်ရေးအစိုးရအနေဖြင့် ၁၉၄၈ ခုနှစ် တော်လှန်ရေးကာလအတွင်း၌ ကျဆုံးလေပြီးသော မွန်အမျိုးသား ခေါင်းဆောင်ကြီးများကို သတိရအောက်မေ့ကြောင်းနှင့် ခေါင်းဆောင်ကြီးများနှင့်အတူ မွေးဖွားလာသည့် မွန်လူမျိုးများ၏ တန်းတူညီမျှမှု၊ ကိုယ်ပိုင်ပြဌာန်းခွင့်ရရှိရေး၊ မြန်မာနိုင်ငံတွင် ဖက်ဒရယ် ဒီမိုကရေစီစနစ် ပေါ်ထွန်းလာရေး ရည်မှန်းချက်များအောင်မြင်ပါစေကြောင်း လေးနက်စွာဆန္ဒပြုလျက် သဝဏ်လွှာ ပေးပို့အပ်ပါသည်။ ၄။ မြန်မာနိုင်ငံတွင် လွတ်လပ်ရေးရရှိသော်လည်း အုပ်ချုပ်သူဗဟိုအစိုးရအဆက်ဆက်မှ တိုင်းရင်းသားတို့ ၏ရသင့်ရထိုက်သောကိုယ်ပိုင်ပြဌာန်းခွင့် အခွင့်အရေးနှင့် ဖက်ဒရယ်နိုင်ငံထူထောင်ရေးကတိကဝတ် တောင်းဆိုချက်များအပေါ်တွင် လျစ်လျှူရှုကာ လက်နက်ဖြင့်ဖြေရှင်းသည့်ယဉ်ကျေးမှုသည် အမြစ်တွယ် ခဲ့သည်မှာနှစ်ပေါင်း ၇၀ ရှိခဲ့ပြီဖြစ်သည်။ ၂၀၂၁ ဖေဖေါ်ဝါရီလ ၁ ရက်နေ့တွင် မြန်မာစစ်တပ်မှ အာဏာ သိမ်းလိုက်ခြင်းသည် နိုင်ငံရေးတွင် စစ်တပ်မှထာဝရဝင်ရောက်စွက်ဖက်နိုင်ရန် ကြိုးပမ်းဆောင်ရွက်ခြင်း ဖြစ်သည့်အတွက် မြန်မာနိုင်ငံ၏ငြိမ်းချမ်းရေးနှင့်ဖက်ဒရယ်ပြည်ထောင်စုထူထောင်ရေးတို့အတွက် ပို၍ပင်ဝေးကွာသွား စေနိုင်သည်ဟု မိမိတို့မှထင်မြင်မိပါသည်။သို့ဖြစ်၍စစ်အာဏာရှင်စနစ်အားဖျက်သိမ်းနိုင်သည်အထိမွန်ပြည်သူများနှင့်တိုင်းရင်းသားလူမျိုး အားလုံးမှ ပူးပေါင်းပြီး ဖက်ဒရယ်ဒီမိုကရေစီနိုင်ငံပေါ်ထွန်းရေးနှင့် ဖက်ဒရယ်တပ်မတော်ပေါ်ပေါက်ရေးအတွက် ဝိုင်းဝန်း ကြိုးစားရမည်ဖြစ်ကြောင်း ယနေ့ကျရောက်သည့် မွန်အမျိုးသားတော်လှန်ရေးနေ့တွင် တိုက်တွန်းလိုက်ပါသည်။အမျိုးသားညီညွတ်ရေးအစိုးရပြည်ထောင်စုသမ္မတမြန်မာနိုင်ငံတော်

အမျိုးသားညီညွတ်ရေးအစိုးရသည် နိုင်ငံတကာရာဇဝတ်ခုံရုံး၏ တရားစီရင်ပိုင်ခွင့်ကို လက်ခံ

အမျိုးသားညီညွတ်ရေးအစိုးရသည် နိုင်ငံတကာရာဇဝတ်ခုံရုံး၏ တရားစီရင်ပိုင်ခွင့်ကို လက်ခံ

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရwww.nugmyanmar.org၂၀ ဩဂုတ် ၂၀၂၁ပြည်ထောင်စုသမ္မတမြန်မာနိုင်ငံ၊ အမျိုးသားညီညွတ်ရေးအစိုးရသည် နိုင်ငံတကာ ရာဇဝတ်ခုံရုံး၏ တရားစီရင် ပိုင်ခွင့်ကို လက်ခံသည်။အမျိုးသားညီညွတ်ရေးအစိုးရ၏ ယာယီသမ္မတ ဒူဝါလရှီးလသည် ဇူလိုင်လ ၁ ရက် ၂၀၀၂ ခုနှစ် နောက်ပိုင်းတွင် မြန်မာနိုင်ငံ၌ ကျူးလွန်ခဲ့သော နိုင်ငံတကာ ရာဇဝတ်မှုများနှင့် စပ်လျဉ်းသည့် ခုံရုံး၏ တရားစီရင်ပိုင်ခွင့်အား သဘောတူလက်ခံကြောင်း ကြေညာချက်ကို နိုင်ငံတကာ ရာဇဝတ်ခုံရုံး၏ မှတ်ပုံတင်အရာရှိထံ တင်သွင်းခဲ့ပါသည်။ ဇူလိုင်လ ၁ ရက် ၂၀၀၂ ခုနှစ်သည် နိုင်ငံတကာ ရာဇဝတ်ခုံရုံး၏ စာချုပ် (ရောမစာချုပ်)တွင် အစောဆုံး အကျုံးဝင်သော ရက်စွဲ ဖြစ်သည်။အဆိုပါ ကြေညာချက်ကို နိုင်ငံတကာ ရာဇဝတ်ခုံရုံးစာချုပ်၏ ပုဒ်မ ၁၂ (၃) နှင့်အညီ တင်သွင်းခဲ့ခြင်း ဖြစ်သည်။ ယင်းသို့တင်သွင်းခြင်းက ရောမစာချုပ်တွင် သဘောတူလက်မှတ် ရေးထိုးမထားသောနိုင်ငံကို ခုံရုံး၏ တရားစီရင်ပိုင်ခွင့်ကျင့်သုံးခြင်းကို သဘောတူ လက်ခံနိုင်စေသည်။ အဆိုပါ ကြေညာချက်ကို ဆက်လက် စဉ်းစားနိုင်ရန် ခုံရုံး၏ မှတ်ပုံတင်အရာရှိထံ ၁၇ ရက် ဇူလိုင်လ ၂၀၂၁ ခုနှစ်တွင် လွှဲပြောင်းပေးခဲ့ပါသည်။အမျိုးသားညီညွတ်ရေးအစိုးရသည် လူ့အခွင့်အရေး ချိုးဖောက်မှု အားလုံးအတွက် တာဝန်ယူမှု သေချာစေရန်နှင့် ပြစ်ဒဏ်မှလွတ်ကင်းခွင့်အဆုံးသတ်စေရန် ကတိသစ္စာပြုထားပါသည်။ အမျိုးသားညီညွတ်ရေးအစိုးရသည် စစ်တပ်က ကျူးလွန်ဆဲဖြစ်သော ရက်စက်ယုတ်မာသည့် ရာဇဝတ်မှုများကို ဆက်လက်၍ သတိပြုမိသည့်အပြင် အတိတ်တွင် ကျူးလွန်ခဲ့သော ရာဇဝတ်မှုများ အားလုံးအတွက်လည်း တရားမျှတမှုကို ဖော်ဆောင်ရန် ကြိုးပမ်းလျက်ရှိသည်။ အမျိုးသားညီညွတ်ရေးအစိုးရသည် နိုင်ငံတကာနှင့် ပူးပေါင်းဆောင်ရွက်မှုနှင့် နိုင်ငံတကာ ဥပဒေကို လေးစားလိုက်နာမှုအတွက် မြန်မာနိုင်ငံကို လူအများသိကြမည့် အနာဂတ်တစ်ခုသို့ ဦးတည်ကာ မဆုတ်မနစ် ကြိုးပမ်းဆောင်ရွက်လျက် ရှိသည်။

သတင်းထုတ်ပြန်ချက် (၁၃/၂၀၂၁)

သတင်းထုတ်ပြန်ချက် (၁၃/၂၀၂၁)

၁။  အမျိုးသားညီညွတ်ရေး အစိုးရရဲ့ ထီစနစ်ဖြစ်တဲ့ "အောင်လံလွှင့်ချီ နွေဦးထီ" ကို ၂၀၂၁ ခုနှစ် ဩဂုတ်လ ၁၅ ရက်နေ့တွင် စတင်ရောင်းချခဲ့သည်။ “အောင်လံလွှင့်ချီ နွေဦးထီ” ကို တရားဝင်လူမှုကွန်ယက်စာမျက်နှာ https://www.facebook.com/nuglottery  မှတဆင့် ဝယ်ယူနိုင်ပါသည်။ ထီထိုးသော ငွေများထဲမှ ၇၀ ရာခိုင်နှုန်းကို CDM များအား ထောက်ပံ့ရာတွင် အသုံးပြုသွားမည်ဖြစ်ပြီး ၃၀ ရာခိုင်နှုန်းအား ဆုကြေးငွေတွေအဖြစ် ထီဖွင့်ပေးသွားမှာဖြစ်ပါတယ်။ ထီပေါက်သူများက ဆုကြေးငွေကို ပြန်လည်လှူဒါန်းနိုင်ပြီး အဆိုပါ လှူဒါန်းငွေကို အမျိုးသားညီညွတ်ရေးအစိုးရ၏ အရေးကြီးသော လုပ်ငန်းစဉ်များတွင် အသုံးပြုသွားမည်ဖြစ်ပါသည်။ ၂။ အမျိုးသားညီညွတ်ရေးအစိုးရ၊ လျှပ်စစ်နှင့်စွမ်းအင်ဝန်ကြီးဌာနသည် စွမ်းအင်ကဏ္ဍ၏ မြန်မာ့ရေနံဓာတုဗေဒလုပ်ငန်းရှိ CDM ဝန်ထမ်းများကို ဖိနှိပ်ခြင်း၊ ခြိမ်းခြောက်ခြင်း၊ ရာထူးမှ ထုတ်ပယ်ခြင်း၊ ဝန်ထမ်းအဖြစ်မှ ထုတ်ပစ်ခြင်း၊ ဝန်ထမ်းအိမ်ရာများမှ နှင်ထုတ်ခြင်းနှင့် ပြည်သူ့အစိုးရက ပြန်ဆပ်ရန်မလိုဟု ထုတ်ပြန်ထားသည့် ၂ လစာ ချေးငွေများ ပြန်လည်တောင်းခံခြင်းတို့ကို ကျူးလွန်နေသည့် တရားမဝင်အာဏာသိမ်း စစ်ကောင်စီ လက်အောက်ခံ အရာရှိ (၆၉) ဦးအားအမည်ပျက်စာရင်းဝင်သူများအဖြစ် သတ်မှတ်ကြေညာလိုက်ပြီး ၄င်းတို့အားလုံးကို နိုင်ငံ့ဝန်ထမ်းအဖြစ်မှ ထုတ်ပစ် (dismiss) ပြီး ဖြစ်ကြောင်း ၂၀၂၁ ခုနှစ်၊ ဩဂုတ်လ ၁၆ရက်စွဲပါ အမိန့်ကြော်ငြာစာအမှတ် (၁၀/၂၀၂၁)၁ ဖြင့် ထုတ်ပြန်ကြေညာလိုက်သည်။၃။ အမျိုးသားညီညွတ်ရေးအစိုးရ ကျန်းမာရေးဝန်ကြီးဌာနင့် တိုင်းရင်းသားကျန်းမာရေး အဖွဲ့အစည်းများ ပူးပေါင်းဆောင်ရွက်ခဲ့ကြသော အမျိုးသားကျန်းမာရေးညီလာခံ၏ ရလဒ်အဖြစ် အမျိုးသားကျန်းမာရေး ကော်မတီ (National Health Committee) ကို ၂၀၂၁ ခုနှစ် ဩဂုတ်လ (၅) ရက်နေ့တွင် ဖွဲ့စည်းပြီး အမျိုးသားကျန်းမာရေးကော်မတီက ကြေညာချက်အမှတ် (၁/ လိုက်သည်။ အဆိုပါ အမျိုးသားကျန်းမာရေးကော်မတီတွင် ဥက္ကဋ္ဌအဖြစ် ဖဒိုမန်းမန်း၊ ဒုဥက္ကဋ္ဌ ၁ အဖြစ် ဒေါက်တာဇော်ဝေစိုး၊ ဒုဥက္ကဋ္ဌ ၂ အဖြစ် ခူးပလူးရယ်၊ အတွင်းရေးမှူးအဖြစ် ဒေါက်တာ ဥက္ကာ၊ တွဲဘက်အတွင်းရေးမှူး ၁ အဖြစ်စောနေထူး၊ တွဲဘက်အတွင်းရေးမှူး ၂ အဖြစ် နန်းစနိုး တို့ပါဝင်ပြီး အဖွဲ့ဝင် (၁၇) ဦးပါဝင်ပါဝင်ပါသည်။ အတိုင်ပင်ခံ ၁၀ ဦး ပါဝင်သည်။ အမျိုးသားကျန်းမာရေးကော်မတီ(NHC) ၏ ရည်ရွယ်ချက်များမှာ (က) ဖက်ဒရယ် ပြည်ထောင်စု ကျန်းမာရေး မူဝါဒ (National Health Policy) ရေးဆွဲချမှတ်သွားရန်၊ (ခ) တိုင်းရင်းသားနယ်မြေ/ပြည်ထောင်စုအဖွဲ့ဝင် ပြည်နယ်များ၏ ကျန်းမာရေးဆိုင်ရာ လုပ်ငန်းစီမံချက်များကို ဆက်စပ်ဆောင်ရွက်ပေးရန်၊(ဂ) နိုင်ငံတကာအဖွဲ့အစည်းများနှင့် ပူးပေါင်းဆောင်ရွက်သွားနိုင်ရန်၊(ဃ) ဘေးဒဏ်ကပ်ဆိုး အန္တရာယ်အမျိုးမျိုးကြောင့် ဖြစ်ပေါ်လာနိုင်သော အခြေအနေများကို အသင့်ပြင်ဆင်မှု ရှိရန်၊ လျင်မြန်စွာ တုန့်ပြန်နိုင်ရန် တို့ဖြစ်ပါသည်။ အမျိုးသားကျန်းမာရေးကော်မတီ(NHC) ၏ လုပ်ငန်းစဉ်များမှာ (က)ဖက်ဒရယ်ပြည်ထောင်စု ကျန်းမာရေးမူဝါဒအပေါ် အခြေခံပြီး ကျန်းမာရေးစနစ် ဖွံ့ဖြိုးတိုးတက်ရေး ဆောင်ရွက်သွားရန်၊ (ခ) ကျန်းမာရေးသတင်းအချက်အလက် ပြုစုရေးစနစ်ကို ပိုမိုကောင်းမွန်လာရေး အဆင့်မြင်တင်ရန်၊  (ဂ) နိုင်ငံတကာအဖွဲ့အစည်းများနဲ့ ချိတ်ဆက်ဆောင်ရွက်နိုင်ရေး နည်းဗျုဟာများ ချမှတ်ကျင့်သုံးရန်၊(ဃ) ဆေးပညာသင်တန်းများ ပို့ချနိုင်ရေးနှင့် သင်ရိုးညွှန်းတမ်းများ ရေးဆွဲနိုင်ရေး ဆောင်ရွက်ရန်၊(င) Covid 19 ရောဂါထိန်းချုပ်ရေး လျှော့ချရေးတို့နှင့် စပ်လျဉ်း၍ နည်းဗျုဟာများ ချမှတ်ဆောင်ရွက်သွားရန် ၄။ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာနသည် သဘာဝဘေးအန္တရာယ် ကြုံတွေ့ရသည့် ဒေသများရှိ ပြည်သူများအတွက် လိုအပ်သော ထောက်ပံ့မှုများ ပြုလုပ်နိုင်ရန် ကြိုးပမ်းလျက်ရှိပါသည်။ ထို့ကြောင့် မန္တလေးတိုင်း မိုးကုတ်မြို့နယ် တွင် ဖြစ်ပွားခဲ့သော မြေပြို၊ ရေဘေး ကြောင့် ထိခိုက်ခံခဲ့ရပြီး ထောက်ပံ့မှုလိုအပ်နေသော ပြည်သူများအတွက် ငွေကျပ် ၁၀သိန်း ကို ၁၃.၀၈.၂၀၂၁တွင် ပေးပို့ထောက်ပံ့ခဲ့ပါသည်။ ထို့အတူ ရေဘေးသင့်ခဲ့ရသော ကချင်ပြည်နယ် မဂါ့ယန် စစ်ရှောင်စခန်းအတွက် ဆန်ရိက္ခာဖိုး ငွေကျပ်၁၈သိန်း၊ မြေပြိုမှုကြောင့် ထိခိုက်ဆုံးရှုံးခဲ့ရသောမိသားစုအတွက် ငွေကျပ် ၁သိန်း နှင့် ဘေးဒဏ်ကြောင့် နေအိမ်ပျက်စီးခဲ့ခြင်းများအတွက် ငွေကျပ် ၅သိန်း စုစုပေါင်း ငွေကျပ်၂၄သိန်းကို ၁၅.၀၈.၂၀၂၁တွင် ထောက်ပံ့ခဲ့ပြီး ဖြစ်ပါသည်။ ထို့အပြင် အကျဉ်းသားများနှင့် ၄င်းတို့မိသားစုများအတွက်လိုအပ်ချက်များကို လူသားချင်းစာနာမှု အကူအညီများ ပံ့ပိုးနိုင်ရန် ငွေကျပ် ၁၅သိန်း ကိုလည်း ပေးအပ်ခဲ့ပြီး ဖြစ်ကြောင်း အသိပေးတင်ပြအပ်ပါသည်။၅။ ပြည်သူလူထုနှင့် အဆက်အသွယ်မပြတ်ရှိနေစေရန်နှင့် အမျိုးသားညီညွတ်ရေးအစိုးရ၏ အရေးကြီးသော သတင်းအချက်အလက်များကို အချိန်နှင့်တပြေးညီ ပြည်သူသို့ အသိပေးနိုင်ရန်အတွက် Radio ထုတ်လွှင့်ရန် ပြင်ဆင်ဆောင်ရွက်လျက်ရှိရာ မကြာမီ အချိန်တွင် စမ်းသပ်ထုတ်လွှင့်သွားမည်ဖြစ်သည်။ ဩဂုတ်လ ၂၀ ရက်နေ့ မနက် ၈ နာရီတစ်ကြိမ် ည ၈ နာရီတစ်ကြိမ် စမ်းသပ်ထုတ်လွှင့်သွားမည်ဖြစ်သောကြောင့် လှိုင်းတိုမီတာ ၁၆ / မက်ဂါဟဇ် ၁၇ဒသမ ၇၁ တွင် ဖမ်းယူနားဆင်နိုင်မည်ဖြစ်သည်။အသေးစိတ်သိရှိလိုပါက လေ့လာရန် လင့်ခ်များ၁။ https://www.facebook.com/NUGmyanmar/posts/170686425151997၂။ https://www.facebook.com/NUGmyanmar/posts/171327885087851

သတင်းထုတ်ပြန်ချက် (၁၃/၂၀၂၁)

သတင်းထုတ်ပြန်ချက် (၁၃/၂၀၂၁)

၁။  အမျိုးသားညီညွတ်ရေး အစိုးရရဲ့ ထီစနစ်ဖြစ်တဲ့ "အောင်လံလွှင့်ချီ နွေဦးထီ" ကို ၂၀၂၁ ခုနှစ် ဩဂုတ်လ ၁၅ ရက်နေ့တွင် စတင်ရောင်းချခဲ့သည်။ “အောင်လံလွှင့်ချီ နွေဦးထီ” ကို တရားဝင်လူမှုကွန်ယက်စာမျက်နှာ https://www.facebook.com/nuglottery  မှတဆင့် ဝယ်ယူနိုင်ပါသည်။ ထီထိုးသော ငွေများထဲမှ ၇၀ ရာခိုင်နှုန်းကို CDM များအား ထောက်ပံ့ရာတွင် အသုံးပြုသွားမည်ဖြစ်ပြီး ၃၀ ရာခိုင်နှုန်းအား ဆုကြေးငွေတွေအဖြစ် ထီဖွင့်ပေးသွားမှာဖြစ်ပါတယ်။ ထီပေါက်သူများက ဆုကြေးငွေကို ပြန်လည်လှူဒါန်းနိုင်ပြီး အဆိုပါ လှူဒါန်းငွေကို အမျိုးသားညီညွတ်ရေးအစိုးရ၏ အရေးကြီးသော လုပ်ငန်းစဉ်များတွင် အသုံးပြုသွားမည်ဖြစ်ပါသည်။ ၂။ အမျိုးသားညီညွတ်ရေးအစိုးရ၊ လျှပ်စစ်နှင့်စွမ်းအင်ဝန်ကြီးဌာနသည် စွမ်းအင်ကဏ္ဍ၏ မြန်မာ့ရေနံဓာတုဗေဒလုပ်ငန်းရှိ CDM ဝန်ထမ်းများကို ဖိနှိပ်ခြင်း၊ ခြိမ်းခြောက်ခြင်း၊ ရာထူးမှ ထုတ်ပယ်ခြင်း၊ ဝန်ထမ်းအဖြစ်မှ ထုတ်ပစ်ခြင်း၊ ဝန်ထမ်းအိမ်ရာများမှ နှင်ထုတ်ခြင်းနှင့် ပြည်သူ့အစိုးရက ပြန်ဆပ်ရန်မလိုဟု ထုတ်ပြန်ထားသည့် ၂ လစာ ချေးငွေများ ပြန်လည်တောင်းခံခြင်းတို့ကို ကျူးလွန်နေသည့် တရားမဝင်အာဏာသိမ်း စစ်ကောင်စီ လက်အောက်ခံ အရာရှိ (၆၉) ဦးအားအမည်ပျက်စာရင်းဝင်သူများအဖြစ် သတ်မှတ်ကြေညာလိုက်ပြီး ၄င်းတို့အားလုံးကို နိုင်ငံ့ဝန်ထမ်းအဖြစ်မှ ထုတ်ပစ် (dismiss) ပြီး ဖြစ်ကြောင်း ၂၀၂၁ ခုနှစ်၊ ဩဂုတ်လ ၁၆ရက်စွဲပါ အမိန့်ကြော်ငြာစာအမှတ် (၁၀/၂၀၂၁)၁ ဖြင့် ထုတ်ပြန်ကြေညာလိုက်သည်။၃။ အမျိုးသားညီညွတ်ရေးအစိုးရ ကျန်းမာရေးဝန်ကြီးဌာနင့် တိုင်းရင်းသားကျန်းမာရေး အဖွဲ့အစည်းများ ပူးပေါင်းဆောင်ရွက်ခဲ့ကြသော အမျိုးသားကျန်းမာရေးညီလာခံ၏ ရလဒ်အဖြစ် အမျိုးသားကျန်းမာရေး ကော်မတီ (National Health Committee) ကို ၂၀၂၁ ခုနှစ် ဩဂုတ်လ (၅) ရက်နေ့တွင် ဖွဲ့စည်းပြီး အမျိုးသားကျန်းမာရေးကော်မတီက ကြေညာချက်အမှတ် (၁/ လိုက်သည်။ အဆိုပါ အမျိုးသားကျန်းမာရေးကော်မတီတွင် ဥက္ကဋ္ဌအဖြစ် ဖဒိုမန်းမန်း၊ ဒုဥက္ကဋ္ဌ ၁ အဖြစ် ဒေါက်တာဇော်ဝေစိုး၊ ဒုဥက္ကဋ္ဌ ၂ အဖြစ် ခူးပလူးရယ်၊ အတွင်းရေးမှူးအဖြစ် ဒေါက်တာ ဥက္ကာ၊ တွဲဘက်အတွင်းရေးမှူး ၁ အဖြစ်စောနေထူး၊ တွဲဘက်အတွင်းရေးမှူး ၂ အဖြစ် နန်းစနိုး တို့ပါဝင်ပြီး အဖွဲ့ဝင် (၁၇) ဦးပါဝင်ပါဝင်ပါသည်။ အတိုင်ပင်ခံ ၁၀ ဦး ပါဝင်သည်။ အမျိုးသားကျန်းမာရေးကော်မတီ(NHC) ၏ ရည်ရွယ်ချက်များမှာ (က) ဖက်ဒရယ် ပြည်ထောင်စု ကျန်းမာရေး မူဝါဒ (National Health Policy) ရေးဆွဲချမှတ်သွားရန်၊ (ခ) တိုင်းရင်းသားနယ်မြေ/ပြည်ထောင်စုအဖွဲ့ဝင် ပြည်နယ်များ၏ ကျန်းမာရေးဆိုင်ရာ လုပ်ငန်းစီမံချက်များကို ဆက်စပ်ဆောင်ရွက်ပေးရန်၊(ဂ) နိုင်ငံတကာအဖွဲ့အစည်းများနှင့် ပူးပေါင်းဆောင်ရွက်သွားနိုင်ရန်၊(ဃ) ဘေးဒဏ်ကပ်ဆိုး အန္တရာယ်အမျိုးမျိုးကြောင့် ဖြစ်ပေါ်လာနိုင်သော အခြေအနေများကို အသင့်ပြင်ဆင်မှု ရှိရန်၊ လျင်မြန်စွာ တုန့်ပြန်နိုင်ရန် တို့ဖြစ်ပါသည်။ အမျိုးသားကျန်းမာရေးကော်မတီ(NHC) ၏ လုပ်ငန်းစဉ်များမှာ (က)ဖက်ဒရယ်ပြည်ထောင်စု ကျန်းမာရေးမူဝါဒအပေါ် အခြေခံပြီး ကျန်းမာရေးစနစ် ဖွံ့ဖြိုးတိုးတက်ရေး ဆောင်ရွက်သွားရန်၊ (ခ) ကျန်းမာရေးသတင်းအချက်အလက် ပြုစုရေးစနစ်ကို ပိုမိုကောင်းမွန်လာရေး အဆင့်မြင်တင်ရန်၊  (ဂ) နိုင်ငံတကာအဖွဲ့အစည်းများနဲ့ ချိတ်ဆက်ဆောင်ရွက်နိုင်ရေး နည်းဗျုဟာများ ချမှတ်ကျင့်သုံးရန်၊(ဃ) ဆေးပညာသင်တန်းများ ပို့ချနိုင်ရေးနှင့် သင်ရိုးညွှန်းတမ်းများ ရေးဆွဲနိုင်ရေး ဆောင်ရွက်ရန်၊(င) Covid 19 ရောဂါထိန်းချုပ်ရေး လျှော့ချရေးတို့နှင့် စပ်လျဉ်း၍ နည်းဗျုဟာများ ချမှတ်ဆောင်ရွက်သွားရန် ၄။ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာနသည် သဘာဝဘေးအန္တရာယ် ကြုံတွေ့ရသည့် ဒေသများရှိ ပြည်သူများအတွက် လိုအပ်သော ထောက်ပံ့မှုများ ပြုလုပ်နိုင်ရန် ကြိုးပမ်းလျက်ရှိပါသည်။ ထို့ကြောင့် မန္တလေးတိုင်း မိုးကုတ်မြို့နယ် တွင် ဖြစ်ပွားခဲ့သော မြေပြို၊ ရေဘေး ကြောင့် ထိခိုက်ခံခဲ့ရပြီး ထောက်ပံ့မှုလိုအပ်နေသော ပြည်သူများအတွက် ငွေကျပ် ၁၀သိန်း ကို ၁၃.၀၈.၂၀၂၁တွင် ပေးပို့ထောက်ပံ့ခဲ့ပါသည်။ ထို့အတူ ရေဘေးသင့်ခဲ့ရသော ကချင်ပြည်နယ် မဂါ့ယန် စစ်ရှောင်စခန်းအတွက် ဆန်ရိက္ခာဖိုး ငွေကျပ်၁၈သိန်း၊ မြေပြိုမှုကြောင့် ထိခိုက်ဆုံးရှုံးခဲ့ရသောမိသားစုအတွက် ငွေကျပ် ၁သိန်း နှင့် ဘေးဒဏ်ကြောင့် နေအိမ်ပျက်စီးခဲ့ခြင်းများအတွက် ငွေကျပ် ၅သိန်း စုစုပေါင်း ငွေကျပ်၂၄သိန်းကို ၁၅.၀၈.၂၀၂၁တွင် ထောက်ပံ့ခဲ့ပြီး ဖြစ်ပါသည်။ ထို့အပြင် အကျဉ်းသားများနှင့် ၄င်းတို့မိသားစုများအတွက်လိုအပ်ချက်များကို လူသားချင်းစာနာမှု အကူအညီများ ပံ့ပိုးနိုင်ရန် ငွေကျပ် ၁၅သိန်း ကိုလည်း ပေးအပ်ခဲ့ပြီး ဖြစ်ကြောင်း အသိပေးတင်ပြအပ်ပါသည်။၅။ ပြည်သူလူထုနှင့် အဆက်အသွယ်မပြတ်ရှိနေစေရန်နှင့် အမျိုးသားညီညွတ်ရေးအစိုးရ၏ အရေးကြီးသော သတင်းအချက်အလက်များကို အချိန်နှင့်တပြေးညီ ပြည်သူသို့ အသိပေးနိုင်ရန်အတွက် Radio ထုတ်လွှင့်ရန် ပြင်ဆင်ဆောင်ရွက်လျက်ရှိရာ မကြာမီ အချိန်တွင် စမ်းသပ်ထုတ်လွှင့်သွားမည်ဖြစ်သည်။ ဩဂုတ်လ ၂၀ ရက်နေ့ မနက် ၈ နာရီတစ်ကြိမ် ည ၈ နာရီတစ်ကြိမ် စမ်းသပ်ထုတ်လွှင့်သွားမည်ဖြစ်သောကြောင့် လှိုင်းတိုမီတာ ၁၆ / မက်ဂါဟဇ် ၁၇ဒသမ ၇၁ တွင် ဖမ်းယူနားဆင်နိုင်မည်ဖြစ်သည်။အသေးစိတ်သိရှိလိုပါက လေ့လာရန် လင့်ခ်များ၁။ https://www.facebook.com/NUGmyanmar/posts/170686425151997၂။ https://www.facebook.com/NUGmyanmar/posts/171327885087851

အမျိုးသားညီညွတ်ရေးအစိုးရအဖွဲ့ ပုံမှန်အစည်းအဝေး (၁၉/၂၀၂၁) ကို ကျင်းပပြုလုပ်

အမျိုးသားညီညွတ်ရေးအစိုးရအဖွဲ့ ပုံမှန်အစည်းအဝေး (၁၉/၂၀၂၁) ကို ကျင်းပပြုလုပ်

အမျိုးသားညီညွတ်ရေးအစိုးရအဖွဲ့ ပုံမှန်အစည်းအဝေး (၁၉/၂၀၂၁) ကို ယနေ့ သြဂုတ်လ ၁၇ ရက်နေ့ နံနက် ၁၀ နာရီမှာ ကျင်းပခဲ့ရာ ယာယီသမ္မတ ဒူဝါလရှီးလ နဲ့ ပြည်ထောင်စုဝန်ကြီးများ ၊ ဒုဝန်ကြီးများ တက်ရောက်ခဲ့ကြပါတယ်။ အစည်းအဝေးမှာ ယာယီသမ္မတက အမှာစကားပြောကြားရာ လာမယ့် စက်တင်ဘာလမှာ UN သံအမတ်ကြီး ဦးကျော်မိုးထွန်းကို ဆက်လက်ခန့်ထားနိုင်ရေး Credential ကိစ္စဟာ နိုင်ငံတကာအသိအမှတ်ပြုရေးမှာ အရေးကြီးတဲ့ ကဏ္ဍဖြစ်တဲ့အတွက် ပြင်ဆင်ရေးအဖွဲ့၊ အကြံပေးအဖွဲ့များ ဖွဲ့စည်းဆောင်ရွက်လျက်ရှိပါကြောင်း၊ အာဆီယံမှ မြန်မာနိုင်ငံဆိုင်ရာ ကိုယ်စားလှယ် လာရောက်သည့်အချိန်တွင်လည်း NUG အနေဖြင့် တွေ့ဆုံဆွေးနွေးဖို့ရန် မူဝါဒများချမှတ်ထားရန်လိုအပ်ကြောင်း၊ Covid-19 ထိန်းချုပ်ကာကွယ်ရေးနှင့်ပါတ်သတ်ပြီး covid-19 ထိန်းချုပ်၊ ကာကွယ်၊ ကုသရေးကော်မရှင်မှ Dr ဇော်ဝေစိုး ဦးဆောင်၍ ပြည်တွင်းအဖွဲ့အစည်းများ၊ နိုင်ငံတကာအဖွဲ့အစည်းများနဲ့ ချိတ်ဆက်ပြီး အစွမ်းကုန်ကြိုးစားဆောင်ရွက်နေကြောင်း၊ Covid -19 ကာကွယ်ရေးမှာ စစ်ကောင်စီရဲ့စီမံခန့်ခွဲမှု ညံ့ဖျင်းခြင်း၊လူထုကိုကာကွယ်ရမယ့်အစား ၎င်းတို့ရဲ့အာဏာကိုသာ ကာကွယ်လိုမှုတွေဟာ ပြည်ထောင်စု မြန်မာနိုင်ငံတော် ပျက်သုန်းစေဖို့ဖြစ်နေတာကြောင့် Covid – 19 ကာကွယ်ရေးကိစ္စတွင် အစိုးရအဖွဲ့တစ်ဖွဲ့လုံးရော ပြည်သူများပါ အလေးထားဝိုင်းဝန်းဆောင်ရွက်ကြရန် လိုကြောင်း၊ NUG အစိုးရအနေနဲ့ နေ့စဉ်နဲ့အမျှ သတ်ဖြတ်ခံနေရတဲ့ ပြည်သူတွေရဲ့အသက်အိုးအိမ်စည်းစိမ်ကို ကာကွယ်စောင့် ရှောက်ရန်၊မလွဲမသွေ တိုက်ပွဲဝင်ရတော့မှာဖြစ်လို့ ကြိုတင်ပြင်ဆင်မှုတွေကို တာဝန်ရှိသူတွေက မရပ်မနားဆောင်ရွက်နေကြကြောင်း၊ စတင်မယ့်ရက်ညှိနှိုင်းသတ်မှတ်ပြီးတဲ့အခါ cabinet ကို ပြန်လည်တင်ပြကာ ဝိုင်းဝန်းဆုံးဖြတ်ကြမှာဖြစ်ကြောင်းပြောကြားခဲ့ပါတယ်။ဆက်လက်ပြီး ဝန်ကြီးဌာနတွေက သက်ဆိုင်ရာ ကဏ္ဍများအလိုက်တင်ပြကြရာ လူသားချင်းစာနာ ထောက်ထားမှုနှင့် ဘေးအန္တရယ်စီမံခန့်ခွဲမှုဝန်ကြီးဌာနက လူသားချင်းစာနာကူညီရေးနှင့် ဘေးအန္တရာယ် တုန့်ပြန်ရေးကော်မရှင်ရဲ့ ပေါင်းစပ်ညှိနှိုင်းရေးကော်မတီ (Coordination Committee) ဖွဲ့စည်းရန်ကိစ္စ နှင့် ကျန်းမာရေး ဝန်ကြီးဌာနမှ Covid – 19 ကာကွယ်ဆေးရရှိနိုင်ရေးကိစ္စများနှင့်ပါတ်သတ်၍ ဆွေးနွေးကြပြီး အစည်းအဝေးကို နေ့လည် ၁၂နာရီခွဲအချိန်မှာ ရုပ်သိမ်းခဲ့ကြပါတယ်။၁၇ ဩဂုတ် ၂၀၂၁

သတင်းထုတ်ပြန်ချက် (၁၂/၂၀၂၁)

သတင်းထုတ်ပြန်ချက် (၁၂/၂၀၂၁)

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရwww.nugmyanmar.orgသတင်းထုတ်ပြန်ချက် (၁၂/၂၀၂၁)၁၃ ဩဂုတ် ၂၀၂၁ခုနှစ်၁။ ပြည်ထောင်စုသမ္မတမြန်မာနိုင်ငံတော်၊ အမျိုးသားညီညွတ်ရေးအစိုးရ၊ စီမံကိန်း၊ ဘဏ္ဍာရေးနှင့်ရင်းနှီးမြုပ်နှံမှု ဝန်ကြီးဌာနက ၁) ပြည်သူလူထု၏ တခဲနက်ဆန့်ကျင်၊ ညီညွတ်စွာသပိတ်မှောက်ခြင်းကြောင့် အကြမ်းဖက်စစ်ကောင်စီ လက်အောက်ခံ “ အောင်ဘာလေထီ “ သည် လုံးဝချုပ်ငြိမ်းသွားချိန်တွင် အမျိုးသားညီညွတ်ရေးအစိုးရ ၏ “အောင်လံလွှင့်ချီ နွေဦးထီ” နှင့် ပြည်သူ့အောင်ပွဲကို ထပ်လောင်းရယူနိုင်ရန်။၂) ပြည်သူလူထု၏ ညီညွတ်မှုကို လက်နက်အားကိုးဖြင့် အနိုင်ကျင့်ချိုးနှိမ်၍ မရရှိနိုင်ဆိုသည့်အချက်ကို စစ်အာဏာရှင်များအား “အောင်လံလွှင့်ချီ နွေဦးထီ” ဖြင့် အကောင်းဆုံးသက်သေပြရန်။၃) မြန်မာ့မြေပေါ်မှ စစ်အာဏာရှင်စနစ် အလုံးစုံပျက်သုဉ်းပျောက်ကွယ်သွားစေရေး၊ ဖက်ဒရယ်ဒီမိုကရေစီ စနစ် ပီပြင်စွာဖြစ်ထွန်းပေါ်ပေါက်လာစေရေးအတွက် မဆုတ်မနစ်၊ အလံမလှဲစတမ်း ကြံ့ကြံ့ခံ တော်လှန် နေသည့် CDM ဝန်ထမ်းများအတွက် ထိရောက်စွာ ကူညီထောက်ပံ့ပေးနိုင်ရန်။၄) အမျိုးသားညီညွတ်ရေးအစိုးရသည် ပြည်သူလူထုက တရားဝင်အာဏာအပ်နှင်းခြင်းခံထားရသော ပြည်သူ့အစိုးရဖြစ်သည့် အားလျော်စွာ “အောင်လံလွှင့်ချီ နွေဦးထီ” ကို အကောင်အထည်ဖော်ဆောင်ရွက်ရာတွင် တည်ဆဲဥပဒေနှင့်အညီ ဖြစ်စေရန် စသည့် ရည်ရွယ်ချက်များဖြင့် “ လောင်းကစားဥပဒေကို ပထမအကြိမ် ပြင်ဆင်သည့်ဥပဒေ”၁ ကို  ပြည်ထောင်စုလွှတ်တော်သို့တင်သွင်းပြီး ပြည်ထောင်စုလွှတ်တော်က အတည်ပြုပြဌာန်းလိုက်သည်။၂။ ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီးဌာန က ကြေညာချက် (၇/၂၀၂၁)၂ “CDM ပြုလုပ်လျက်ရှိသည့် ပုဂ္ဂလိကဘဏ်ဝန်ထမ်းများနှင့်အတူ တသားတည်းရပ်တည်လျှက်ရှိကြောင်း နှင့် ဘဏ်လုပ်ငန်းရှင်များအနေဖြင့် အဆိုပါဝန်ထမ်းများအပေါ် မတရားသဖြင့် ဖိနှိပ်ခွဲခြားဆက်ဆံနေမှုများကို အမြန်ဆုံး ရပ်တန့်ရန် အသိပေးတိုက်တွန်းခြင်း” ကို ၂၀၂၁ ခုနှစ် ဩဂုတ်လ ၇ ရက် ရက်စွဲဖြင့် ထုတ်ပြန်လိုက်သည်။၃။ ပြည်ထောင်စုသမ္မတမြန်မာနိုင်ငံ အမျိုးသားညီညွတ်ရေးအစိုးရ က “(၃၃) နှစ်မြောက် ၈၈၈၈ အရေးတော်ပုံနှစ်ပတ်လည်အခမ်းအနားများသို့ ပေးပို့သောသဝဏ်လွှာ”၃ တစ်စောင်ထုတ်ပြန်ခဲ့ပြီး သဝဏ်လွှာ တွင်  “၁၉၈၈ ခုနှစ်က မွေးဖွားပေးလိုက်သော ခိုင်မာသည့်စိတ်ဓါတ်များကိုအရင်းတည်၍ ယခု ၂၀၂၁ နွေဦးတော်လှန်ရေးကို နိုင်ကိုနိုင်မှဖြစ်မည်ဟူသော တူညီသည့်သဘောထားများဖြင့် အားကုန်ရုန်းကန်ချီတက် နေသော မြန်မာပြည်သူလူထု တစ်ဦးတစ်ယောက် ချင်းစီအားလည်းကောင်း၊ ပြည်ပနိုင်ငံရောက် ဒီမိုကရေစီကို ချစ်မြတ်နိုးသော မြန်မာပြည်သူများ အားလည်းကောင်း၊ ဒီမိုကရေစီကိုထောက်ခံ အားပေးကြသော နိုင်ငံအသီးသီးမှ မိတ်ဆွေများအားလည်းကောင်း လေးစားဦးညွတ်ဂုဏ်ပြုလျက် အမျိုးသားညီညွတ်ရေးအစိုးရ အနေဖြင့်လည်း ဤတော်လှန်ရေးတွင် ပြည်သူများနှင့် အတူ နေ့ညမပြတ်ကြိုးစားအားထုတ်ရင်း စစ်အာဏာရှင်များကို အမြစ်ပြတ်တိုက်ထုတ် သွားမည်ဟု ၈လေးလုံးအရေးတော်ပုံကြီးနှင့် အာဏာရှင် တော်လှန်ရေး အရေးတော်ပုံအဆက်ဆက်တို့တွင် အသက်သွေးချွေး ရင်းနှီးပေးဆပ် ခဲ့ကြသော အာဇာနည်သူရဲကောင်းများအားလုံးကိုတိုင်တည်လျက် ကတိသစ္စာပြု ကြောင်းပါရှိပါသည်။ ၄။ မြန်မာနိုင်ငံအတွင်းကျန်းမာရေးစောင့်ရှောက်မှုစနစ်ကြီး တစ်ခုလုံး နီးပါး ကမောက်ကမ ဖြစ်နေပြီး၊ ပြည်သူပြည်သားများသည် မိမိတို့တတ်အားသမျှအင်အားဖြင့်သာ ကိုယ်ထူကိုယ်ထ ကျန်းမာရေးစောင့်ရှောက်မှု ပေးနေရပါသည်။ ပြည်သူများကျန်းမာရေးစောင့်ရှောက်ရာတွင် အထောက်အကူပြုစေရန် အမျိုးသားညီညွတ်ရေး အစိုးရ ၊ ကျန်းမာရေးဝန်ကြီးဌာန၏ လမ်းညွှန်မှုဖြင့် CDM သူနာပြု နှင့် သားဖွားဆရာမများဦးဆောင်၍ ၊ နိုင်ငံတကာ၏အကူအညီအထောက်အပံများဖြင့် စေတနာ့ဝန်ထမ်း ကျန်းမာရေးစောင့်ရှောက်မှုသင်တန်းကို ဖွင့်လှစ်သင်ကြားရန်အတွက် စီစဉ်ဆောင်ရွက်လျက်ရှိပါသည်။ ထိုသင်တန်းတွင် လူတိုင်း သိရှိနားလည်သင့်သော (၁) အရေးပေါ်အခြေအနေတွင် လူနာကိုပြုစုစောင့်ရှောက်မှု(၂) ကိုဗစ်-၁၉ရောဂါဝေဒနာရှင်များကို ပြုစုကိုင်တွယ် စောင့်ရှောက်မှုနှင့် မိမိကိုယ်ကိုနှင့် အခြားသူ များကို ရောဂါမကူးစက်အောင် ကာကွယ်လုပ်ဆောင်မှုများ(၃) ထိခိုက်ဒဏ်ရာရသော လူနာများကို အရေးပေါ်ပြုစုကုသမှုများစသည့် အရေးပေါ်လိုအပ်နေသော ကျန်းမာရေးစောင့်ရှောက်မှုဆိုင်ရာဗဟုသုတ နှင့် လက်တွေ့ လုပ်ဆောင်မှုများကို အွန်လိုင်း (online/zoom) မှတဆင့် ဝေမျှသင်ကြားပေးသွားမည်ဖြစ်ပါသည်။ ၅။ ၂၀၂၁ ခုနှစ်၊ ဇွန်လမှစတင်၍ မြန်မာပြည်တွင် COVID-19 တတိယလှိုင်း ဖြစ်ပွားလျက်ရှိရာ ပြည်သူလူထုအတွင်း COVID-19 ဖြစ်ပွားမှု၊ သေဆုံးမှုများကို စနစ်တကျ မှတ်တမ်းတင် ပြုစုထားရန် လိုအပ်ပါသည်။ ထို့ကြောင့် အမျိုးသားညီညွတ်ရေးအစိုးရ ၊ ကျန်းမာရေးဝန်ကြီးဌာနက COVID-19 ရောဂါ ဖြစ်ပွားမှုဆိုင်ရာ စစ်တမ်း၅ တစ်ခုကို ကောက်ယူလျက်ရှိပါသည်။ ယခုစစ်တမ်းက ရရှိသော အချက်အလက် များသည် အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာန၏ ကျန်းမာရေးလုပ်ငန်း စီမံမှုများအတွက် များစွာအထောက်အကူပြုမည်ဖြစ်ပါသည်။ သို့ဖြစ်ပါ၍ ပြည်သူများအနေဖြင့် "၂၀၂၁ ခုနှစ်၊ ဇွန်လမှ ယခုအချိန်အတွင်း" မိမိကိုယ်တိုင် (သို့မဟုတ်) မိမိ၏ အတူနေ မိသားစုအတွင်း "ဖြစ်ပွားခဲ့ဖူးခြင်း (သို့မဟုတ်) ကွယ်လွန်ခဲ့ခြင်း" ရှိပါက ပူးပေါင်းပါဝင်ဖြေဆိုပေးကြရန်ဖြစ်ပါသည်။ ၆။ အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်က (၅၄) ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးနဲ့ စပ်လျဉ်းပြီး ဘရူနိုင်းဒုတိယနိုင်ငံခြားရေးဝန်ကြီးထံသို့ သဝဏ်လွှာတစ်စောင်ပေးပို့ခဲ့ပြီး အဆိုပါသဝဏ်လွှာတွင် အမျိုးသားညီညွတ်ရေးအစိုးရအနေဖြင့် (၅၄) ကြိမ်မြောက်အာဆီယံနိုင်ငံခြားရေးဝန်ကြီးများ အစည်းအဝေးတွင် မြန်မာနိုင်ငံနှင့်ပတ်သက်ပြီး ဆွေးနွေးကြသည့် အကြောင်းအရာများကို အနီးကပ်စောင့်ကြည့်လျက်ရှိကြောင်း၊ အာဆီယံ၏မြန်မာနိုင်ငံဆိုင်ရာ အထူးသံတမန် ခန့်အပ်ခြင်းကို NUG အနေနှင့် ကြိုဆိုကြောင်း၊ မြန်မာနိုင်ငံတွင် လက်တွေ့ကြုံတွေ့နေရသည့် နိုင်ငံရေး အကြပ်အတည်းကို အားလုံးပါဝင်နိုင်မည့် အသွင်သဏ္ဍာန်နှင့် ဖြေရှင်းရန် အသင့်ရှိပါကြောင်း၊ အာဆီယံနှင့် ဆက်စပ်အစည်းအဝေးများတွင် စစ်ကောင်စီက မြန်မာနိုင်ငံကိုယ်စားပြုတက်ရောက်နေခြင်းကို အထူးစိုးရိမ် မိကြောင်း၊ စစ်ကောင်စီသည် အာဆီယံပဌိဉာဉ် အပိုဒ် (၁) နှင့် အပိုဒ် (၂) ပါ ပြဌာန်းချက်များကို ပြောင်ပြောင်တင်းတင်း ချိုးဖောက်ပြီး မြန်မာပြည်သူများနှင့် ဒေသတွင်းပြည်သူများကို ခြိမ်းခြောက်လျက် ရှိကြောင်း၊ အာဆီယံအနေနှင့် တွေ့ဆုံဆွေးနွေးအဖြေရှာရေးကြိုးပမ်းနေသော်လည်း ကြိုတင်သတ်မှတ်ချက်များ ထားရှိရမည်ဖြစ်ကြောင်း၊ မြန်မာနိုင်ငံတစ်ဝှမ်း COVID 19 ကပ်ရောဂါ အရှိန်အဟုန်နှင့် ပြန့်နှံ့နေသောကြောင့် လူသားချင်းစာနာမှုဆိုင်ရာ အထောက်အကူပေးရေးလုပ်ငန်းစဉ်နှင့် ကပ်ရောဂါတိုက်ဖျက်ရေးလုပ်ငန်းစဉ်များတွင် NUG နှင့် ပူပေါင်းဆောင်ရွက်ရန် ထိပ်တန်းဦးစားပေးအဖြစ် တိုက်တွန်းတောင်းဆိုလိုကြောင်း၊ အာဆီယံမိသားစု၏ အစိတ်အပိုင်းတစ်ခုအနေနှင့် အမျိုးသားညီညွတ်ရေးအစိုးရသည် အာဆီယံနှင့် အပြည့်အဝေပူးပေါင်းဆောင်ရွက်ရန် အသင့်ရှိနေပြီး လူသားချင်းစာနာမှုဆိုင်ရာကိစ္စရပ်များနှင့် COVID 19 ကပ်ရောဂါ တိုက်ဖျက်ရေးကဏ္ဍများတွင် တက်ကြွစွာ ပူးပေါင်းဆောင်ရွက်သွားမည်ဖြစ်ကြောင်းတို့ ပါဝင်သည်။အသေးစိတ်သိရှိလိုပါကလေ့လာရန်လင့်ခ်များ၁။ https://www.facebook.com/NUGmyanmar/posts/164074349146538၂။ https://www.facebook.com/NUGmyanmar/posts/164646419089331၃။ https://www.facebook.com/NUGmyanmar/posts/165113445709295၄။ https://docs.google.com/forms/d/12icJk_HTqlp7icQXW-fadFTl mTVQYLeloelTaHVEH8/viewform?fbclid=IwAR1gWiqyzOIDVu8Dpy0vxBkKzGjFdWeTXo57FQw9KL37v-XOq49derkR2V0&edit_requested=true