အမျိုးသားညီညွတ်ရေးအစိုးရ၏ ၁၀ / ၂၀၂၄ အစိုးရအဖွဲ့အစည်းအဝေးတွင် ယာယီသမ္မတ ဒူဝါလရှီးလ ပြောကြားသည့် မိန့်ခွန်းကောက်နုတ်ချက်၂၀၂၄ ခုနှစ် မတ်လ (၁၂) ရက်• နွေဦးတော်လှန်ရေးကာလအတွင်းမှာ တွေ့ရတဲ့ ခုခံတော်လှန်စစ်တိုက်ပွဲတွေနဲ့ တိုင်းရင်းသား လွတ်မြောက်ရေးတိုက်ပွဲတွေကို ယေဘုယျအားဖြင့် ခြုံငုံကြည့်ရင်၊ စစ်ရေးရလဒ်နဲ့ တော်လှန်ရေး ရလဒ်တွေ ထပ်တူကျတဲ့ တိုက်ပွဲတွေ ရှိတာတွေ့ရပါတယ်။ စနစ်တကျ ကြိုတင်ပြင်ဆင်မှုနဲ့ ဗဟိုကွပ်ကဲမှုကောင်းမွန်တဲ့ ဒေသတွေမှာတော့ တော်လှန်ရေးရလဒ်ကောင်းကိုလည်း တွေ့မြင်ခဲ့ရသလို၊ စစ်ရေးရလဒ်ကောင်းကိုလည်း ထပ်တူထပ်မျှ တွေ့ခဲ့ရပါတယ်။ • အမျိုးသားညီညွတ်ရေးအစိုးရနဲ့ တိုင်းရင်းသားမဟာမိတ်အဖွဲ့အစည်းအားလုံးဟာ လက်နက်ကိုင် တော်လှန်ရေးနဲ့ လူထုတိုက်ပွဲကို ပေါင်းစပ်ပြီး စစ်အာဏာရှင်စနစ် ချုပ်ငြိမ်းရေးကို ကြိုးစားနေကြတာ ဖြစ်ပါတယ်။ ဒီနေရာမှာ ကျွန်တော်တို့ဟာ လက်နက်အားဖြင့် ခုခံတော်လှန်တယ်ဆိုတဲ့ အဆင့်လောက်နဲ့ တင်းတိမ်နေလို့ မရပါဘူး။ စစ်ရေးရလဒ် ထွက်အောင် လုပ်ဆောင်ဖို့ အထူး လိုအပ်ပါတယ်။ • အကြမ်းဖက်စစ်ကောင်စီက ထုတ်သုံးတဲ့ နိုင်ငံရေးဝှက်ဖဲတွေ နောက်မှာ မျောမသွားဘဲ၊ ကျွန်တော်တို့အနေနဲ့ “ကောက်ပင်ရိတ်လှီးသလို၊ တိခနဲ ဖြတ်ချရမယ့် တန်ပြန်မှုတွေ” ကို အမြော်အမြင် ရှိရှိ၊ ပြတ်ပြတ်သားသား လုပ်ဖို့ပဲ ဖြစ်ပါတယ်။ အကြမ်းဖက် စစ်ကောင်စီက “စစ်မှုထမ်းဥပဒေ” နဲ့ပတ်သက်ပြီး လုပ်နေတဲ့ကိစ္စမှာလည်း စစ်ရေးကိစ္စ တစ်ဝက် ၊ နိုင်ငံရေးကိစ္စ တစ်ဝက် ရောပြီး ခြေလှမ်းစတင် နေတာတွေ့ရပါတယ်။ ဒါ့ကြောင့် ဒီကိစ္စကို တန်ပြန်တော်လှန်တဲ့အခါမှာ နိုင်ငံရေးအရ လုပ်ဆောင်ရမှာတွေ ရှိသလို၊ စစ်ရေးအရ လုပ်ဆောင်ရမှာတွေလည်း ရှိနိုင်ပါတယ်။ • ကျွန်တော်တို့ သတိချပ်ဖို့က စစ်ရေးကို စစ်ရေးကဲ့သို့ ပီပီပြင်ပြင် စဉ်းစားလုပ်ဆောင်ဖို့ပဲဖြစ်ပါတယ်။ ဒါ့အပြင် ကျွန်တော်တို့ရဲ့ မဟာဗျူဟာ စီမံချက်‌တွေဟာ ပြည်သူလူထုကို ထိခိုက်နိုင်တဲ့ ဘေးထွက်ဆိုးကျိုးကိုလည်း ကြိုတင် တွက်ဆထားဖို့ လိုပါတယ်။ တကယ် အာနိသင်ရှိတဲ့ ဆေးနည်းက အင်မတန် ခါးလွန်းတာတွေလည်း ဖြစ်တတ်သလို၊ ဆေးမြီးတိုတွေက ဘေးထွက်ဆိုးကျိုးများတာလည်း ဖြစ်တတ်ပါတယ်။ ဒါ့ကြောင့် ကျွန်တော်တို့ရဲ့ မဟာဗျူဟာ နည်းနာကို ကျွန်တော်တို့ ကောင်းကောင်း သဘောပေါက်ဖို့ လိုတယ်လို့ ပြောချင်ပါတယ်။ • ကျွန်တော်တို့ဟာ အကြမ်းဖက်စစ်ကောင်စီကို အနားပေးလို့ လုံးဝမရဘူးလို့ ပြောချင်ပါတယ်။ အခုဆိုရင် စစ်ကောင်စီက အနားတောင်းဖို့၊ ကြိုးစားနေတဲ့ကိစ္စတွေကို တွေ့မြင်ရပါတယ်။ ကျွန်တော်တို့ဟာ သံပူတုန်း နာနာနှက် ရမယ်လို့ ပြောချင်ပါတယ်။ • နွေဦးတော်လှန်ရေးရဲ့ ခုခံတော်လှန်စစ်ရေးလှိုင်းတွေနဲ့ တိုင်းရင်းသားလွတ်မြောက်မှု တော်လှန်ရေး လှိုင်းတွေဟာ တိုက်ရိုက်ချက်ကြိုးသွယ်ထားနိုင်တဲ့ အခြေအနေကို ရောက်ပြီဖြစ်ပါတယ်။ နွေဦးတော်လှန်ရေးနဲ့ တိုင်းရင်းသားလွတ်မြောက်မှု တော်လှန်ရေးတွေဟာ တစ်သားတည်း / တစ်ထပ်တည်း ဖြစ်လာတာကို တွေ့ရပါတယ်။ ဒီလို အခြေအနေမျိုးမှာ၊ ကျွန်တော်တို့ဟာ နိုင်ငံရေးသတိလက်လွတ် ပြောဆို၊ လုပ်ဆောင်တာမျိုးတွေကို သတိထား ရှောင်ကြဉ်ဖို့ လိုပါတယ်။ • အနာဂတ် ဖက်ဒရယ်ဒီမိုကရေစီပြည်ထောင်စုသစ် တည်ဆောက်ရေးအတွက် အရေးကြီးတဲ့ အခြေခံအုတ်မြစ်တွေကို ခိုင်ခိုင်မာမာ တည်ဆောက်ထားဖို့ပဲ ဖြစ်ပါတယ်။ တော်လှန်ရေးအလွန်ကာလ ရောက်မှ၊ တည်ဆောက်ရေးအတွက် ဆိုင်းပြင်းတာမျိုး မဖြစ်စေဘဲ / အခုကလည်းက ကိုယ်စီ ကိုယ်စီ ကြိုတင် တည်ဆောက် ဖြည့်တင်းထားဖို့ အလေးအနက်ထား တိုက်တွန်းအပ်ပါတယ်။ အရေးတော်ပုံမုချအောင်ရမည်..

အမျိုးသားညီညွတ်ရေးအစိုးရ ၁၀/၂၀၂၄ အစိုးရအဖွဲ့အစည်းဝေးပြုလုပ်◼ အမျိုးသားညီညွတ်ရေးအစိုးရနဲ့ တိုင်းရင်းသားမဟာမိတ်အဖွဲ့အစည်းအားလုံးဟာ လက်နက်ကိုင်တော်လှန်ရေးနဲ့ လူထုတိုက်ပွဲကို ပေါင်းစပ်ပြီး စစ်အာဏာရှင်စနစ် ချုပ်ငြိမ်းရေးကို ကြိုးစားနေကြတယ်လို့ ယာယီသမ္မတပြောကြားမတ် ၁၂  ၊ ၂၀၂၄အမျိုးသားညီညွတ်ရေးအစိုးရရဲ့ ၁၀/၂၀၂၄ အစိုးရအဖွဲ့အစည်းအဝေးကို ဒီနေ့မနက် ၁၀ နာရီမှာ ပြုလုပ်ခဲ့ကြပါတယ်။ အစည်းအဝေးကို ယာယီသမ္မတ ဒူဝါလရှီးလ၊ ပြည်ထောင်စုဝန်ကြီးချုပ် မန်းဝင်းခိုင်သန်းတို့ အပါအဝင် ပြည်ထောင်စုဝန်ကြီးတွေ၊ ဒုဝန်ကြီးတွေ တက်ရောက်ခဲ့ကြပါတယ်။အစည်းအဝေးမှာ ယာယီသမ္မတ ဒူဝါလရှီးလက အဖွင့်မိန့်ခွန်းပြောကြားခဲ့ပြီးနောက် ပြည်ထောင်စု ဝန်ကြီးချုပ်က မိန့်ခွန်း ပြောကြားခဲ့ပါတယ်။ယာယီသမ္မတ ဒူဝါလရှီးလက  “နွေဦးတော်လှန်ရေးကာလအတွင်းမှာ တွေ့ရတဲ့ ခုခံတော်လှန် စစ်တိုက်ပွဲတွေနဲ့ တိုင်းရင်းသား လွတ်မြောက်ရေးတိုက်ပွဲတွေကို ယေဘုယျအားဖြင့် ခြုံငုံကြည့်ရင်၊ စစ်ရေးရလဒ်နဲ့ တော်လှန်ရေး ရလဒ်တွေ ထပ်တူကျတဲ့ တိုက်ပွဲတွေ ရှိတာတွေ့ရပါတယ်။ စနစ်တကျ ကြိုတင်ပြင်ဆင်မှုနဲ့ ဗဟိုကွပ်ကဲမှုကောင်းမွန်တဲ့ ဒေသတွေမှာတော့ တော်လှန်ရေး ရလဒ်ကောင်းကိုလည်း တွေ့မြင်ခဲ့ရသလို၊ စစ်ရေးရလဒ်ကောင်းကိုလည်း ထပ်တူထပ်မျှ တွေ့ခဲ့ရပါ တယ်။ အမျိုးသားညီညွတ်ရေးအစိုးရနဲ့ တိုင်းရင်းသားမဟာမိတ်အဖွဲ့အစည်းအားလုံးဟာ လက်နက်ကိုင်တော်လှန်ရေးနဲ့ လူထုတိုက်ပွဲကို ပေါင်းစပ်ပြီး စစ်အာဏာရှင်စနစ် ချုပ်ငြိမ်းရေးကို ကြိုးစားနေကြတာ ဖြစ်ပါတယ်။ ဒီနေရာမှာ ကျွန်တော်တို့ဟာ လက်နက်အားဖြင့် ခုခံတော်လှန် တယ်ဆိုတဲ့ အဆင့်လောက်နဲ့ တင်းတိမ်နေလို့ မရပါဘူး။ စစ်ရေးရလဒ် ထွက်အောင် လုပ်ဆောင်ဖို့ အထူး လိုအပ်ပါတယ်။ အကြမ်းဖက်စစ်ကောင်စီက ထုတ်သုံးတဲ့ နိုင်ငံရေးဝှက်ဖဲတွေ နောက်မှာ မျောမသွားဘဲ၊ ကျွန်တော်တို့အနေနဲ့ “ကောက်ပင်ရိတ်လှီးသလို၊ တိခနဲ ဖြတ်ချရမယ့် တန်ပြန်မှုတွေ” ကို အမြော်အမြင် ရှိရှိ၊ ပြတ်ပြတ်သားသား လုပ်ဖို့ပဲ ဖြစ်ပါတယ်။ အကြမ်းဖက် စစ်ကောင်စီက “စစ်မှုထမ်းဥပဒေ” နဲ့ပတ်သက်ပြီး လုပ်နေတဲ့ကိစ္စမှာလည်း စစ်ရေးကိစ္စ တစ်ဝက် ၊ နိုင်ငံရေးကိစ္စ တစ်ဝက် ရောပြီး ခြေလှမ်းစတင် နေတာတွေ့ရပါတယ်။ ဒါ့ကြောင့် ဒီကိစ္စကို တန်ပြန်တော်လှန် တဲ့အခါမှာ နိုင်ငံရေးအရ လုပ်ဆောင်ရမှာတွေ ရှိသလို၊ စစ်ရေးအရ လုပ်ဆောင်ရမှာတွေလည်း ရှိနိုင်ပါတယ်။” လို့ ပြောကြားပါတယ်။ဆက်လက်ပြီးတော့လည်း “ကျွန်တော်တို့ သတိချပ်ဖို့က စစ်ရေးကို စစ်ရေးကဲ့သို့ ပီပီပြင်ပြင် စဉ်းစားလုပ်ဆောင်ဖို့ပဲဖြစ်ပါတယ်။ ဒါ့အပြင် ကျွန်တော်တို့ရဲ့ မဟာဗျူဟာ စီမံချက်‌တွေဟာ ပြည်သူလူထုကို ထိခိုက်နိုင်တဲ့ ဘေးထွက်ဆိုးကျိုးကိုလည်း ကြိုတင် တွက်ဆထားဖို့ လိုပါတယ်။ တကယ် အာနိသင်ရှိတဲ့ ဆေးနည်းက အင်မတန် ခါးလွန်းတာတွေလည်း ဖြစ်တတ်သလို၊ ဆေးမြီးတိုတွေက ဘေးထွက်ဆိုးကျိုးများတာလည်း ဖြစ်တတ်ပါတယ်။ ဒါ့ကြောင့် ကျွန်တော်တို့ရဲ့ မဟာဗျူဟာ နည်းနာကို ကျွန်တော်တို့ ကောင်းကောင်း သဘောပေါက်ဖို့ လိုတယ်လို့ ပြောချင်ပါတယ်။ ကျွန်တော်တို့ဟာ အကြမ်းဖက်စစ်ကောင်စီကို အနားပေးလို့ လုံးဝမရဘူးလို့ ပြောချင်ပါတယ်။ အခုဆိုရင် စစ်ကောင်စီက အနားတောင်းဖို့၊ ကြိုးစားနေတဲ့ကိစ္စတွေကို တွေ့မြင်ရပါတယ်။ ကျွန်တော်တို့ဟာ သံပူတုန်း နာနာနှက် ရမယ်လို့ ပြောချင်ပါတယ်။ နွေဦးတော်လှန်ရေးရဲ့ ခုခံတော်လှန်စစ်ရေးလှိုင်းတွေနဲ့ တိုင်းရင်းသားလွတ်မြောက်မှု တော်လှန်ရေး လှိုင်းတွေဟာ တိုက်ရိုက်ချက်ကြိုးသွယ်ထားနိုင်တဲ့ အခြေအနေကို ရောက်ပြီဖြစ်ပါတယ်။ နွေဦးတော်လှန်ရေးနဲ့ တိုင်းရင်းသားလွတ်မြောက်မှု တော်လှန်ရေးတွေဟာ တစ်သားတည်း / တစ်ထပ်တည်း ဖြစ်လာတာကို တွေ့ရပါတယ်။ ဒီလို အခြေအနေမျိုးမှာ၊ ကျွန်တော်တို့ဟာ နိုင်ငံရေးသတိလက်လွတ် ပြောဆို၊ လုပ်ဆောင်တာမျိုးတွေကို သတိထား ရှောင်ကြဉ်ဖို့ လိုပါတယ်။ ” လို့ ယာယီသမ္မတ ဒူဝါလရှီးလက ပြောပါတယ်။ဒါအပြင် အနာဂတ် ဖက်ဒရယ်ဒီမိုကရေစီပြည်ထောင်စုသစ် တည်ဆောက်ရေးအတွက် အရေးကြီးတဲ့ အခြေခံအုတ်မြစ်တွေကို ခိုင်ခိုင်မာမာ တည်ဆောက်ထားဖို့ ဖြစ်ကြောင်းနဲ့ တော်လှန် ရေးအလွန်ကာလ ရောက်မှ တည်ဆောက်ရေးအတွက် ဆိုင်းပြင်းတာမျိုး မဖြစ်စေဘဲ ကြိုတင် တည်ဆောက် ဖြည့်တင်းထားဖို့ အလေးအနက်ထား တိုက်တွန်းပြောကြားခဲ့ပါတယ်။ပြည်ထောင်စုဝန်ကြီးချုပ် မန်းဝင်းခိုင်သန်းက “ကချင်လွတ်လပ်ရေးတပ်မတော် KIA က မတ်လ ၇ ရက်နေ့ ကစပြီး အကြမ်းဖက် စစ်ကောင်စီကို အမြစ်ဖြတ်ရန်အတွက် တိုက်ပွဲတွေစတင်ခဲ့ရာမှာ ၄ ရက် တာအတွင်း စခန်းပေါင်း (၂၀) ထိ သိမ်းယူနိုင်ခဲ့ပြီ ဖြစ်ပါတယ်။ တကယ်တော့ ကချင်ခေါင်းဆောင်တွေနဲ့ ကချင်ပြည်သူတွေဟာ နွေဦးတော်လှန်ရေးစတင်ကတည်းက ကျွန်တော်တို့ တော်လှန်ရေး အင်အားစုတွေနဲ့ အတူတကွ ပူးပေါင်းပြီး လက်တွဲ တိုက်ပွဲဝင်ခဲ့ကြတာ အားလုံးလည်း သိရှိပြီး ဖြစ်ပါတယ်။ ၁၀၂၇၊ ၁၁၁၁ စစ်ဆင်ရေးလှိုင်းများနဲ့အတူ ယခု ကချင်လွတ်လပ်ရေးတပ် မတော်ရဲ့ စစ်ဆင်ရေးကြီးဟာ ကချင်ပြည်နယ်အတွက်သာမက နွေဦးတော်လှန်ရေး ဆင်နွှဲနေ ကြတဲ့ တော်လှန်ရေးအင်အားစုတွေနဲ့အတူ ပြည်သူတစ်ရပ်လုံးအတွက် ကြီးမားတဲ့ အောင်မြင် မှုတစ်ခုဖြစ်ကြောင်း ပြောကြားလိုပါတယ်။ တဘက်က အောင်မြင်မှုနဲ့အတူ ပေးဆပ်လိုက် ရတဲ့ အရာတွေလည်း ရှိပါတယ်။ တိုက်ပွဲတွေမှာ တိုင်းပြည်အတွက် မြင့်မြတ်စွာ အသက်ပေး လှူသွားကြတဲ့ သူရဲကောင်းအပေါင်းကိုလည်း ဝမ်းနည်းစွာနဲ့ လေးစားဦးညွတ်ကြောင်း ပြောကြားလိုပါတယ်။ ကျွန်တော်တို့ အားလုံးဟာ အကြမ်းဖက်စစ်ကောင်စီကို တွန်းလှန်ချေ မှုန်းရင်း ရရှိလာတဲ့ အောင်မြင်မှုတွေကိုလည်း မျှဝေခံစားကြရမှာ ဖြစ်သလို ကြုံတွေ့ လာရတဲ့ ဘေးဒုက္ခတွေကိုလည်း မျှဝေခံစားကြပြီး တော်လှန်ရေးအဆုံးတိုင် အောင်မြင်မှုရရှိ နိုင်ရေး အင်အားအပြည့်နဲ့ ဆက်လက် ချီတက်ကြရမှာပဲဖြစ်ပါတယ်။ ” လို့ ပြောကြားပါတယ်။ဆက်လက်ပြီးတော့လည်း “အကြမ်းဖက်စစ်ကောင်စီကတော့ နိုင်ငံအနှံ့က တော်လှန်ရေးအင်အားစုများရဲ့ ချေမှုန်း တိုက်ခိုက်တဲ့ ဒဏ်တွေကို နေ့စဥ်နဲ့အမျှခံနေရပြီး အင်အားတွေ ယုတ်လျော့လာတာကြောင့် အတင်းအဓမ္မစစ်သားစုဆောင်းမှုတွေ ပြုလုပ်လာရတဲ့အထိပဲ ဖြစ်နေပါပြီ။ စစ်သားစုဆောင်း ရာမှာလည်း ၎င်းတို့ကို ဆန့်ကျင်သူ၊ ထောက်ခံသူတောင် ခွဲခြားမနေနိုင်တော့ပဲ ရနိုင်သမျှ ဥပဒေမဲ့နည်းလမ်းတွေနဲ့ ပြည်သူကို စိတ်ဒုက္ခ၊ လူဒုက္ခပေါင်းစုံပေးပြီး ပြန်လမ်းမရှိတဲ့ ရှေ့တန်း စစ်မြေပြင်ကို လွှတ်ဖို့ ကြိုးစားနေကြတာ ဖြစ်ပါတယ်။ ဒီအတွက် ကျွန်‌တော်တို့ တော်လှန် ရေးအင်အားစုတွေကတော့ တောက်လျှောက် တိုင်ပင်ဆွေးနွေး ညှိနှိုင်းပြီး လုပ်ဆောင်သင့် တာတွေကိုလည်း ချက်ခြင်းဆောင်ရွက်နေကြတာ ရှိပါတယ်။ ဒီကနေ့မှာလည်း အကြမ်းဖက် စစ်တပ်၏ အဓမ္မစစ်သားစုဆောင်းမှုကြောင့် ဖြစ်ပေါ်လာသော နိုင်ငံရေးအခြေအနေအား တော်လှန်ရေးအောင်မြင်မှုအတွက် အင်အားအဖြစ် မဟာဗျူဟာမြောက် ပြောင်းလဲနိုင်ရေး အပြီးသတ်စီမံချက်ကို အတည်ပြုနိုင်ရေး ဆွေးနွေးကြမှာ ဖြစ်တာမို့ စီမံချက်အတိုင်း ဆက်လက် လုပ်ဆောင်ကြရမယ့် လုပ်ငန်းစဥ်တွေကို အင်တိုက်အားတိုက် ဆက်လက်ဆောင် ရွက်သွားဖို့ ဝန်ကြီးဌာနအသီးသီးကိုလည်း တပါတည်းတိုက်တွန်းချင်ပါတယ်။ တော်လှန်ရေး အစိုးရဖြစ်တာကြောင့် ကျွန်‌တော်တို့ အစိုးရအနေနဲ့ ဝန်ကြီးဌာန တာဝန် တွေထမ်းဆောင်ကြ တယ်ဆိုရာမှာ သာမန်လုပ်ရိုးလုပ်စဥ် ပုံစံမျိုးတွေမဟုတ်ပဲ ဘက်ပေါင်းစုံ၊ ရှုထောင့်ပေါင်းစုံ မလစ်ဟင်းစေပဲ သတိထား စီမံကိုင်တွယ်နေကြရတာ ဖြစ်ပါတယ်။  ” လို့ ပြည်ထောင်စုဝန်ကြီးချုပ်က ပြောကြားခဲ့ပါ တယ်။ဒါ့အပြင် စိုးမိုးထိန်းချုပ်နိုင်တဲ့ နေရာဒေသတွေမှာတော့ နိုင်နိုင်နင်းနင်း စီမံနိုင်ဖို့ အင်မတန် အရေးကြီးကြောင်း၊ အုပ်ချုပ်ရေးဖော်ဆောင်ရတဲ့ ကိစ္စဟာ အစိုးရတစ်ရပ်ဖြစ်တဲ့အတွက် အစိုးရအနေနဲ့ ဘယ်လောက်စီမံခန့်ခွဲမှုတွေ လုပ်နိုင်သလဲ၊ ဘယ်လောက်နိုင်နိုင်နင်းနင်း ရှိလဲဆိုတဲ့ မျက်နှာစာတစ်ခုလည်း ဖြစ်ကြောင်းနဲ့ အုပ်ချုပ်ရေးဖော်ဆောင် နေမှုအပိုင်းမှာလည်း ဝိုင်းဝန်းအားစိုက်ပေးကြဖို့ တိုက်တွန်းပြောကြားခဲ့ပါတယ်။အစည်းအဝေးမှာ ပညာရေးဝန်ကြီးဌာန ၊ မူဝါဒရေးရာဌာန ၊ ဌာနကြီးမှူး ဒေါက်တာအောင်အောင်မင်း က NUCC ၊ JCC-Education ၊ NUG-MOE (Interim Federal Education Council - IFEC) ဖြစ်မြောက်ရေး ကော်မတီ ဖွဲ့စည်းနိုင်ရေးကိစ္စ တင်ပြတာ ၊ ပြည်ထောင်စုဝန်ကြီးချုပ်ရုံးက အကြမ်းဖက်စစ်တပ်ရဲ့ အဓမ္မစစ်သားစုဆောင်းမှုကြောင့် ဖြစ်ပေါ် လာသော နိုင်ငံရေးအခြေအနေအား တော်လှန်ရေးအောင်မြင်မှုအတွက် အင်အားအဖြစ် မဟာဗျူဟာမြောက် ပြောင်းလဲနိုင်ရေး အပြီးသတ်စီမံချက် တင်ပြတာတွေကို ပြုလုပ်ခဲ့ပါတယ်။ အဲဒီနောက် ပြည်ထောင်စု ဝန်ကြီးချုပ်က တင်ပြလာတာတွေကို ပြန် လည်ရှင်းလင်းဆွေးနွေးအတည်ပြုပြီး ယာယီသမ္မတက နိဂုံးချုပ်အမှာ စကားပြောကြားကာ အစည်းအဝေးကို ရုပ်သိမ်းခဲ့ပါတယ်။

ကုလသမဂ္ဂတွင် မြန်မာ့အရေးနှင့် စပ်လျဉ်း၍ သံတမန်ရှင်းလင်းပွဲပြုလုပ်================================အမျိုးသားညီညွတ်ရေးအစိုးရ၊ လူ့အခွင့်အရေးဆိုင်ရာပြည်ထောင်စုဝန်ကြီး၊ ဦးအောင်မျိုးမင်းသည် မတ်လ (၈) ရက်နေ့က ကုလသမဂ္ဂ Palais de nations အတွင်း နိုင်ငံတကာ သံတမန်များနှင့် သံအရာရှိများအား မြန်မာနိုင်ငံ၏ လူ့အခွင့်အရေးဆိုင်ရာ တင်ပြချက်နှင့် နိုင်ငံတကာသို့ တောင်းဆိုချက်များနှင့်ပတ်သက်၍  ရှင်းလင်းပွဲ တခုကို လုပ်ဆောင်ခဲ့ပါသည်။ အဆိုပါ ရှင်းလင်းပွဲတွင် အကြမ်းဖက်စစ်တပ်၏ လူ့အခွင့်အရေးချိုးဖောက်နေမှု အခြေအနေများ၊ တိုင်းရင်းသားအဖွဲ့အစည်းများနှင့် ဒီမိုကရေစီအင်အားစုများ၏ ပူးပေါင်းဆောင်ရွက်နိုင်မှုနှင့်  နယ်မြေစိုးမိုးရရှိထားမှုအခြေအနေများ၊ အရပ်သားအုပ်ချုပ်ရေးနှင့် တရားဥပဒေစိုးမိုးရေးလုပ်ငန်းစဉ်များ ဆောင်ရွက်ထားရှိမှုများ မြန်မာနိုင်ငံနှင့်ပတ်သက်၍ ကို ရှင်းလင်းတင်ပြခဲ့ပါသည်။ နိုင်ငံတကာအနေဖြင့် အကြမ်းဖက်စစ်ကောင်စီအား လက်နက်၊ငွေကြေးထောက်ပံ့မှုများအား ပူးပေါင်းပစ်မှတ်ထားပိတ်ဆို့အရေးယူရန်၊ အမျိုးသားညီညွတ်ရေးအစိုးရ၊ တိုင်းရင်းသားအဖွဲ့အစည်းတို့အား ဘဏ္ဍာရေးနှင့် နည်း ပညာအကူအညီ၊ လူသားချင်းစာနာထောက်ထားမှု အကူအညီများ တိုက်ရိုက်ပေးအပ်ရန်၊ လုံခြုံရေးကောင်စီဆုံးဖြတ်ချက်အမှတ် (၂၆၆၉) ပါ တောင်းဆိုချက်များကို လိုက်နာလာအောင် ဆက်လက် ကြိုးပမ်းလုပ်ဆောင်ရန်၊ အကြမ်းဖက်စစ်ကောင်စီက တရားဝင်မှုရရှိစေရန်ကြိုးပမ်းနေမှုများအားလုံးကို လက်မခံရန်၊ ကုလသမဂ္ဂအနေဖြင့်  မြန်မာ့အရေးကို  ယခုထက်ပိုမို၍ လုပ်ဆောင်ရန် ဝိုင်းဝန်ဖိအားပေးရန် စသည့်အချက်များကို တောင်းဆိုခဲ့သည်။ ထို့ပြင် လူ့အခွင့်အရေးကောင်စီအနေဖြင့်မြန်မာနိုင်ငံ၏ လူ့အခွင့်အရေးအခြေအနေများနှင့် စပ်လျဉ်း၍ တာဝန်ခံမှု၊တာဝန်ယူမှုများဖော်ဆောင်နိုင်မည့် နည်းလမ်းသစ်များကို ရှာဖွေကြံဆ လုပ်ဆောင်ရန်၊  အထွေထွေအတွင်းရေးမှူးအနေဖြင့် မြန်မာနိုင်ငံအတွင်းလုပ်ကိုင်နေသော ကုလသမဂ္ဂအေဂျင်စီများ၏ လုပ်ဆောင်နေမှုအစီရင်ခံစာတခုကို ပြင်ဆင်ရေးသားနိုင်ရေး တောင်းဆိုရန် တို့ကို တိုက်တွန်းခဲ့သည်။ သံတမန်ရှင်းလင်းပွဲကို ပြည်ထောင်စုဝန်ကြီးနှင့်အတူ ပြင်သစ်နိုင်ငံဆိုင်ရာ NUG ကိုယ်စားလှယ် နန်းစုမွန်အောင်နှင့် လူ့အခွင့်အရေးဆိုင်ရာဝန်ကြီးဌာန အကြံပေးအဖွဲ့ဝင် ဦး ဂျာဘေတ် အာလောမ် တို့ ပါဝင်တက်ရောက်ခဲ့သည်။ အဆိုပါသံတမန်ရှင်းလင်းပွဲကို Luxembourg  နိုင်ငံသံရုံးနှင့် International IDEA တို့ ပူးပေါင်းကျင်းပခဲ့ခြင်းဖြစ်သည်။ Diplomatic Briefing on the Myanmar situation held at the United Nations

အပြည်ပြည်ဆိုင်ရာ အမျိုးသမီးများနေ့ အထိမ်းအမှတ် အခမ်းအနားတွင် အမျိုးသားညီညွတ်ရေးအစိုးရ၏ ယာယီသမ္မတ ဒူဝါလရှီးလ ပြောကြားသည့် မိန့်ခွန်း၂၀၂၄ ခုနှစ် မတ်လ (၈) ရက်ဒီနေ့ ပြုလုပ်ကျင်းပတဲ့ အပြည်ပြည်ဆိုင်ရာ အမျိုးသမီးများနေ့ အထိမ်းအမှတ် အခမ်းအနား မှာ  ကျွန်တော့်အနေနဲ့ အမျိုးသားညီညွတ်ရေးအစိုးရအဖွဲ့ ကိုယ်စား စကားပြောကြားခွင့်ရလို့ အထူး ဝမ်းသာ ဂုဏ်ယူမိပါတယ်။ ဒီနေ့ အခမ်းအနားဟာ ကျွန်တော်တို့ တိုင်းပြည်နဲ့ လူ့အဖွဲ့အစည်းအတွက် အင်မတန် အနှစ်သာရ ရှိတဲ့ အခမ်းအနားဖြစ်တယ်လို့ ပြောချင်ပါတယ်။ ကျွန်တော့်အနေနဲ့ အဲသည့်လို ပြောရတဲ့ အကြောင်းရင်း ခိုင်ခိုင်လုံလုံ ရှိနေပါတယ်။ အကြောင်းကတော့ ကျွန်တော်တို့ တိုင်းပြည်ရဲ့ အတိတ်သမိုင်းကို ကြည့်ရင် စစ်အာဏာရှင်စနစ်နဲ့အတူ ဖိုဝါဒကြီးစိုးတဲ့ ခွဲခြားဆက်ဆံမှု၊ ဖိနှိပ်ညှင်းပန်းမှုတွေကို တွေ့မြင်ခဲ့ရတဲ့ သမိုင်းဖြတ်သန်းမှုတွေ ရှိတာ တွေ့ခဲ့ရပါတယ်။ အာဏာရှင်စနစ်ဆိုးရဲ့ လက်အောက်မှာ ကျား/မ ကွဲပြားမှုအပေါ် အခြေခံပြီး ခွဲခြားဆက်ဆံမှုတွေ ရှိခဲ့သလို၊ လိင်စိတ်ခံယူမှု ကွဲပြားခြင်းအပေါ် အခြေခံပြီး ဖိနှိပ်မှုတွေ၊ စိတ်ပိုင်းဆိုင်ရာ ညှင်းပန်း နှိပ်စက်မှုတွေ ရှိခဲ့တာတွေ့ရပါတယ်။ ဒါတွေဟာ ကျွန်တော်တို့ လူ့အဖွဲ့အစည်းထဲမှာ စနစ်အနေနဲ့လည်း ရိုက်သွင်းခံထားရသလို၊ အတွေးအခေါ်ပိုင်းအရလည်း ပုံဖျက်ခံထားကြရတာတွေ့ရပါတယ်။ ယခု ကျွန်တော်တို့ ဦးဆောင် ဆင်နွှဲနေတဲ့ နွေဦးတော်လှန်ရေးဟာ စစ်အာဏာရှင်စနစ်နဲ့ စစ်အာဏာရှင် ယန္တရားကို တော်လှန်တိုက်ဖျက်ဖို့ တစ်ခုတည်းသက်သက် မဟုတ်ဘူးလို့ ယူဆပါတယ်။ စစ်အာဏာရှင်စနစ်ကနေ အရင်းခံပြီး ပေါ်ထွက်လာတဲ့ အထွေထွေသော ဖိနှိပ်ညှင်းဆဲမှုနဲ့ အမျိုးမျိုးသော ခွဲခြားဆက်ဆံမှုတွေကို ချေဖျက်တော်လှန်တဲ့ လူထုတော်လှန်ရေးလှုပ်ရှားမှုလည်း ဖြစ်ပါတယ်။ စစ်အာဏာရှင်စနစ်ဟာ တိုင်းပြည်နဲ့ လူထုရဲ့ အဓိက အရင်းခံ ပြဿနာဖြစ်သလို ကျား/မ တန်းတူညီမျှ မရှိဘဲ၊ ဖိုဝါဒကြီးစိုးတာ / အမျိုးသမီးတွေရဲ့ ဖြစ်တည်မှုအပေါ်မှာ တစ်ဆင့်နိမ့် ဖိနှိပ်ခံထားရတာတွေဟာ ပြဿနာရဲ့ အကိုင်းအခက်တွေအဖြစ် တွေ့မြင်နေရပါတယ်။ ဒါ့ကြောင့် ကျွန်တော်တို့ဟာ အကိုင်းအခက်တွေကိုလည်း ရနိုင်သမျှ၊ ချိုးဖျက် တော်လှန်ရမှာဖြစ်သလို လူ့အဖွဲ့အစည်းအတွင်းက အထွေထွေသော ခွဲခြားဖိနှိပ်ခံရမှုတွေရဲ့ ပြဿနာ အရင်းခံကိုလည်း တူးဖျက် တော်လှန်ပစ်ရမယ်လို့ ပြောချင်ပါတယ်။ လူ့အဖွဲ့အစည်းတိုင်း၊ တိုင်းပြည်တိုင်း၊ နိုင်ငံတိုင်းမှာ အခြေခံအားဖြင့် ကျား/မ ကွဲပြားမှုတွေပဲ ရှိနေတာ မဟုတ်ပါဘူး။ လိင်စိတ်ခံယူမှု ကွဲပြားချက်တွေလည်း ရှိနေတာကို သတိချပ်ဖို့ လိုပါတယ်။ ဒါတွေဟာ လူ့အဖွဲ့အစည်းတိုင်းမှာ လွတ်လပ်စွာ တည်ရှိနေတဲ့ ဖြစ်တည်မှုတွေပဲ ဖြစ်ပါတယ်။ ဒီလို ကွဲပြားမှု အပေါ်မှာ လူကို လူလို့ မမြင်နိုင်ဘဲနဲ့ ခွဲခြားတဲ့၊ ဖိနှိပ်တဲ့ အမြင် အတွေးအခေါ်တွေဟာ ရှေးရိုးစွဲ အစဉ်အလာဟောင်းကနေ ရိုက်သွင်းတဲ့ ဝါဒမှိုင်းတွေပဲ ဖြစ်ပါတယ်။ လွတ်လပ်ခွင့်နဲ့ လူ့အခွင့်အရေးကို အလေးထားတဲ့ ဒီမိုကရက်တစ် လူ့အဖွဲ့အစည်းမှာ ဒီလို ခွဲခြားဆက်ဆံမှုတွေကို အပြီးတိုင် ချုပ်ငြိမ်းစေဖို့ လိုအပ်ပါတယ်။ အခု လူထုတစ်ရပ်လုံးက အားကြိုးမာန်တက် ဆင်နွှဲနေတဲ့ နွေဦးတော်လှန်ရေးဟာ အတွေးအခေါ်ဟောင်း၊ အယူအဆဟောင်းနဲ့ မလိုလားအပ်တဲ့ ရှေးရိုးအစဉ်အလာဟောင်းတွေကို တွန်းလှန်တော်လှန်တဲ့ လူထုတော်လှန်ရေးတစ်ရပ်လည်း ဖြစ်ပါတယ်။ လူ့အဖွဲ့အစည်းက ပုံသွင်းထားတဲ့ ထုံးတမ်းအစဉ်အလာတွေမှာ ကောင်းကျိုးတွေ ရှိသလို၊ ခေတ်နဲ့ မလျော်ညီတော့တဲ့ ကျင့်ထုံးတွေလည်း ရှိနေတာတွေ့ရပါတယ်။ အဲသည့်ထဲမှာ အမျိုးသားဖြစ်ခြင်းနဲ့ အမျိုးသမီးဖြစ်ခြင်းအပေါ် ခွဲခြားကြည့်မြင်ပြီး၊ တွေးခေါ်ယူဆတဲ့ လူမှုဆိုင်ရာ အပြုအမူတွေလည်း ရှိနေတာတွေ့ရပါတယ်။ တကယ်တော့ လူ့အဖွဲ့အစည်းထဲမှာ အားလုံးက လူသားတွေပဲ ဖြစ်တယ်…ဆိုတာ နားလည်သဘောပေါက်ဖို့ လိုပါတယ်။ အမျိုးသားဖြစ်လို့ ပိုပြီး မြင့်မြတ်တာ မရှိသလို၊ အမျိုးသမီးဖြစ်လို့ နိမ့်ကျတယ်ဆိုတာလည်း မရှိပါဘူး။ ဒါ့အပြင် တစ်ဦးချင်းအလိုက် လိင်စိတ်ခံယူမှု ကွဲပြားတာတွေဟာလည်း လွတ်လပ်စွာ လူသားဖြစ်တည်မှုအလိုက် တည်ရှိနေကြတာပဲ ဖြစ်ပါတယ်။ လူကို လူလို့ ကြည့်မြင်နိုင်ဖို့သာ အရေးကြီးတယ်လို့ ယူဆပါတယ်။ ဒါဟာ လက်ရှိ ကျွန်တော်တို့ ချီတက်နေတဲ့ နွေဦးတော်လှန်ရေးနဲ့လည်း တိုက်ရိုက် သက်ဆိုင်နေပါတယ်။ ကျွန်တော်တို့ဟာ အရေးအရာအလိုက် တစ်ဦးချင်း ကျွမ်းကျင်မှု အရည်အသွေးအတွေအပေါ်မှာသာ အဓိက ထားပြီးတော့ လုပ်ကိုင် ဆောင်ရွက်သင့်ပါတယ်။ ဒီလို အရည်အသွေးမျိုးတွေကို ဘယ်သူမဆို ရရှိပိုင်ဆိုင်နိုင်တာကို လက်ခံကြဖို့ ဖြစ်ပါတယ်။ အမျိုးသမီးဖြစ်လို့၊ အမျိုးသားဖြစ်လို့ ဆိုတဲ့ သတ်မှတ်ပြဋ္ဌာန်းချက်တွေနဲ့ မသက်ဆိုင်ပါဘူး။ တစ်ဦးချင်း အရည်အချင်းအပေါ်မှာပဲ မူတည်ပါတယ်။ လူသားရယ်လို့ ဖြစ်လာရင် အားလုံးက ကိုယ်စီကိုယ်စီ စွမ်းရည် အရည်အချင်းတွေ ပိုင်ဆိုင်ထားနိုင်ကြတာဖြစ်ပါတယ်။ ဒါ့ကြောင့် တစ်ဦးချင်းရဲ့ ကိုယ်ရည်ကိုယ်သွေးနဲ့ လူသားဖြစ်တည်မှု အပေါ်မှာသာ ကျွန်တော်တို့ဟာ အခြေခံကျကျ ရှုမြင်ဖို့ ဖြစ်ပါတယ်။ ဒါတွေကို ဖီလာဆန့်ကျင်နေတဲ့ ဖိုဝါဒကြီးစိုးမှု၊ ဂျဲန်ဒါခွဲခြားမှုတွေဟာ မလိုလားအပ်တဲ့ လူမှုအပြုအမူတွေပဲဖြစ်ပါတယ်။ ကျွန်တော်တို့ဟာ တစ်ဦးချင်းအနေနဲ့ အားသာချက်တွေ ရှိသလို အားနည်းချက်တွေလည်း ရှိပါတယ်။ ဒါတွေကို သိမြင်နားလည်ပြီး တစ်ယောက်ရဲ့ အလှကို တစ်ယောက်က မြင်နိုင်ဖို့၊ တစ်ယောက်ရဲ့ အရည်အသွေးကို တစ်ယောက်က မြင်နိုင်ဖို့ အရေးကြီးတယ်လို့ ယူဆပါတယ်။ ဒါ့အပြင် အရေးအရာတွေကို ရှုမြင်တဲ့နေရာမှာ ဂျဲန်ဒါကွဲပြားမှုဆိုတာတွေ၊ ယောက်ျားဖြစ်ခြင်း၊ မိန်းမဖြစ်ခြင်းဆိုတာတွေအပေါ်မှာ အခြေမခံဘဲ လူသားဖြစ်တည်မှုအပေါ်မှာပဲ အခြေခံပြီး ကြည့်မြင်သင့်ပါတယ်။ အခု အပြည်ပြည်ဆိုင်ရာ အမျိုးသမီးများနေ့ အထိမ်းအမှတ် အခမ်းအနားဟာ ရှေးရိုးစွဲလူ့အဖွဲ့အစည်းထဲက ဖောက်ထွက်လာတဲ့ အမျိုးသမီးတွေရဲ့ အခန်းကဏ္ဍကို ကျွန်တော်တို့အနေနဲ့ အလေးအနက်ထား အောက်မေ့သတိရခြင်းဖြစ်တယ်လို့ ပြောချင်ပါတယ်။ စစ်အာဏာရှင်စရိုက်ရဲ့ နောက်ကွယ်က အပံ့အပိုးဖြစ်တဲ့ ဖိုဝါဒကြီးစိုးတဲ့ အတွေးအခေါ်ကို ချိုးဖျက်တဲ့ အနေနဲ့ / ကျွန်တော်တို့ဟာ အမျိုးသမီးတွေရဲ့ အရေးပါတဲ့ အခန်းကဏ္ဍကို လေးစား အသိအမှတ်ပြုပြီး / အလေးအနက်ထား ဝိုင်းဝန်းချီတက်ကြရမယ်လို့ / ပြောကြားရင်း နိဂုံးချုပ်အပ်ပါတယ် ခင်ဗျား။

အမျိုးသားညီညွတ်ရေးအစိုးရ၊ ဖက်ဒရယ်ပြည်ထောင်စုရေးရာဝန်ကြီးဌာနနှင့် မွန်ပြည်နယ် CDM နိုင်ငံ့ဝန်ထမ်းများကောင်စီ(CCSC-MON) တွေ့ဆုံပွဲ ကျင်းပပြုလုပ်=====================================ရက်စွဲ၊ ၂၀၂၄ ခုနှစ်၊ မတ်လ ၈ ရက်အမျိုးသားညီညွတ်ရေးအစိုးရ၊ ဖက်ဒရယ်ပြည်ထောင်စုရေးရာဝန်ကြီးဌာနနှင့် မွန်ပြည်နယ် CDM နိုင်ငံ့ဝန်ထမ်းများကောင်စီ(CCSC-MON)တို့အကြား တွေ့ဆုံဆွေးနွေးပွဲကို ယနေ့ ညနေ(၀၅:၀၀)နာရီအချိန်တွင် Zoom Meeting ဖြင့် ကျင်းပပြုလုပ်ခဲ့ရာ တွေ့ဆုံပွဲသို့ ပြည်ထောင်စုဝန်ကြီး ဒေါက်တာလျန်မှုန်းဆာခေါင်း ဦးဆောင်ပြီး တွဲဘက်-အမြဲတမ်းအတွင်းဝန်နှင့် မွန်ပြည်နယ် CDM နိုင်ငံ့ဝန်ထမ်းများ ကောင်စီ (CCSC-MON)မှ ဥက္ကဌအဖွဲ့ဝင်များနှင့် ကောင်စီဝင်များ အသီးသီးတက်ရောက်ခဲ့ကြပါသည်။ရှေးဦးစွာ တွေ့ဆုံပွဲတွင် မွန်ပြည်နယ် CDM နိုင်ငံ့ဝန်ထမ်းများကောင်စီ(CCSC-MON)ဖွဲ့စည်းထားရှိမှုအကြောင်းကို မိတ်ဆက်ရှင်းလင်းတင်ပြခဲ့ပြီး ပြည်ထောင်စုဝန်ကြီးမှ ပထမဦးစွာ ကောင်စီဖွဲ့စည်းထားရှိမှုအခြေအနေနှင့်ပတ်သက်ပြီး ကြိုဆိုပါကြောင်းနှင့် မွန်ပြည်နယ်ကဲ့သို့ အခြားသော ပြည်နယ်/ဖက်ဒရယ်ယူနစ်များတွင်လည်း အလားတူ CDM ကောင်စီများ ပေါ်ပေါက်ရန် CDM အောင်မြင်ရေးကော်မတီနှင့် လက်တွဲဆောင်ရွက်သွားရန် လိုအပ်ပါကြောင်း၊ ဆက်လက်ပြီး ကောင်စီမှ စီမံဆောင်ရွက်လျက်ရှိသည့် သင်တန်းရေးရာကိစ္စရပ်များတွင်လည်း ဝန်ကြီးဌာနအနေဖြင့် ပူးပေါင်းဆောင်ရွက်သွားမည်ဖြစ်ပါကြောင်း၊ CDM နိုင်ငံ့ဝန်ထမ်းများ၏ CDM ပြုလုပ်မှုကို ခိုင်မာစေသည့် လုပ်ရပ်များ ကို လုပ်ဆောင်သွားမည်ဟု သိရှိရသည့်အတွက် များစွာ ဝမ်းမြောက်ပါကြောင်း လမ်းညွှန်မှာကြားပြီး တက်ရောက်လာသူများမှလည်း အပြန်အလှန် ဆွေးနွေးမေးမြန်းမှုများ ပြုလုပ်ကာ တွေ့ဆုံဆွေးနွေးပွဲကို ည(၀၇:၁၅)နာရီအချိန်တွင် ရပ်နားခဲ့ကြပါသည်။#MOFUA_NUG #NUG#CCSCMON

အမျိုးသားညီညွတ်ရေးအစိုးရ၏ ၉ /၂၀၂၄ အစိုးရအဖွဲ့အစည်းအဝေးတွင် ယာယီသမ္မတ ဒူဝါလရှီးလ ပြောကြားသည့် မိန့်ခွန်းကောက်နုတ်ချက်၂၀၂၄ ခုနှစ် မတ်လ (၅) ရက်ကျွန်တော်တို့ အမျိုးသားညီညွတ်ရေးအစိုးရအဖွဲ့ဝင်တွေအနေနဲ့ ယနေ့ တည်ဆဲ နိုင်ငံရေးအခင်းအကျင်း နဲ့ စစ်ရေးအလှည့်အပြောင်းတွေကို အသေးစိတ် အကဲခတ် စောင့်ကြည့်ပြီး မြင်ကွင်းကျယ်ကျယ်နဲ့ နားလည်သဘောပေါက်ထားကြပြီးဖြစ်မယ်လို့ ကျွန်တော် ယုံကြည်ပါတယ်။ ဒေသတွင်းနိုင်ငံတွေရဲ့ မြန်မာ့အရေးအပေါ် အာရုံစိုက်မှုဟာ ဒီ့နောက်ပိုင်း ခပ်စိပ်စိပ် ဖြစ်လာသလို ခပ်သွက်သွက် ဖြစ်လာတာ ကိုလည်း တွေ့ရပါတယ်။ အထူးသဖြင့် တရုတ်၊ ထိုင်းနဲ့ အိန္ဒိယ အပြင် ဘင်္ဂလားဒေ့ရှ်နိုင်ငံတို့ရဲ့ ပထဝီနိုင်ငံရေး အခြေအနေတွေဟာ ကျွန်တော်တို့ နိုင်ငံရဲ့ ပြည်တွင်းရေးဖြစ်ရပ်တွေနဲ့ တိုက်ရိုက် ချိတ်ဆက်လာတာကို တွေ့ရပါတယ်။ ကျွန်တော်တို့ဟာ လက်ရှိ ဖြစ်ပျက်နေတဲ့ အခြေအနေအရပ်ရပ်ကို နယ်မြေအလိုက်၊ ဒေသလိုက်၊ လူမျိုးစုအလိုက်၊ အဖွဲ့အစည်းအလိုက် အနုစိတ် နားလည်သဘောပေါက် ထားရမယ်လို့ ယူဆပါတယ်။  အနောက်နိုင်ငံတွေနဲ့ အာဆီယံနိုင်ငံရဲ့ အခန်းကဏ္ဍဟာ အရေးပေါ်အခြေအနေတွေမှာ လူသားချင်းစာနာ ထောက်ထားမှု အကူအညီတွေကို ထိထိရောက်ရောက် ပေးနိုင်ရေးအတွက် အာရုံစိုက် လုပ်ဆောင် လာတာ တွေ့ရပါတယ်။ရှမ်းပြည်နယ်အတွင်းက ပအိုဝ်းဒေသမှာလည်း လူသားချင်းစာနာထောက်ထားမှု အကူအညီ လိုအပ်ချက်တွေ ရှိနေပါတယ်။ ဒါတွေကို သေချာ ထိထိရောက်ရောက် ချိတ်ဆက် ကူညီနိုင်ရေးကို အလေးထား လုပ်ဆောင်ပေးကြဖို့ တိုက်တွန်းချင်ပါတယ်။ ၁၀၂၇ စစ်ဆင်ရေး နောက်ဆက်တွဲ စစ်ရေးအခင်းအကျင်းနဲ့ပတ်သက်ပြီး ရှမ်းပြည်နယ်မြောက်ပိုင်းနဲ့ ရက္ခိုင်ပြည်နယ်တို့မှာ အခြေအနေ တိုးတက်ကောင်းမွန်မှုတွေ အမြောက်အမြား တွေ့ရပါတယ်။ စစ်ရေးနဲ့ နိုင်ငံရေးကိစ္စတွေကို မြောက်ပိုင်းမဟာမိတ် (၃) ဖွဲ့က မျှခြေညီအောင် အစဉ်တစိုက် သတိထား ကြိုးစားနေကြတယ်ဆိုတာ တွေ့ရပါတယ်။ ကျွန်တော်တို့ အမျိုးသားညီညွတ်ရေးအစိုးရအနေနဲ့ နွေဦးတော်လှန်ရေးအတွင်းက တိုင်းရင်းသားလွတ်မြောက်ရေးတိုက်ပွဲတွေရဲ့ အောင်ပွဲကို လှိုက်လှိုက်လှဲလှဲ ကြိုဆိုထောက်ခံပြီး ဖြစ်တယ်လို့ ပြောချင်ပါတယ်။ ဆက်လက်ပြီး တိုင်းရင်းသားလွတ်မြောက်ရေးတိုက်ပွဲတွေ အရှိန်အဟုန်မြင့်မြင့် တက်လှမ်းနိုင်ရေးအတွက် ကျွန်တော်တို့ အားလုံး ဝိုင်းဝန်း အားပေး ကူညီဖို့လည်း အလေးအနက်ထား တိုက်တွန်းချင်ပါတယ်။ မနေ့က ရက္ခိုင့်တပ်တော်ရဲ့ သတင်းစာရှင်းလင်းပွဲမှာ၊ ရက္ခိုင်တော်လှန်ရေးခေါင်းဆောင်တွေရဲ့ အမြင်သဘောထားတွေနဲ့ ရပ်တည်ချက် တချို့ကို ကျွန်တော်တို့ သိနားလည်ခွင့် ရခဲ့ပါတယ်။ ရက္ခိုင့်တပ်တော် [AA] အနေနဲ့ ပြည်ထောင်စုထဲက ခွဲမထွက်ဘူးဆိုတဲ့ သဘောထားကိုလည်း ထင်ထင်ရှားရှားတွေ့လိုက်ရပါတယ်။ ဒါဟာ ကျွန်တော်တို့ နိုင်ငံရဲ့ ပြည်ထောင်စု စုဖွဲ့မှုအပေါ် ကောင်းသော အထောက်အပံ့ဖြစ်ပါတယ်။ နွေဦးတော်လှန်ရေးရဲ့ အန္တိမ ရည်မှန်းချက်ဟာ ဖက်ဒရယ်ဒီမိုကရေစီ ပြည်ထောင်စုသစ် တည်ဆောက်ရေးဖြစ်ပါတယ်။ ဖက်ဒရယ်ဒီမိုကရေစီအတွက် အဓိက အရေးအကြီးဆုံးဟာ လွတ်လပ်ခွင့်နဲ့ ကိုယ်ပိုင်ပြဋ္ဌာန်းခွင့်တွေပဲ ဖြစ်ပါတယ်။ ရှမ်းပြည်နယ်မြောက်ပိုင်းနဲ့ ရက္ခိုင်ပြည်နယ်တွေမှာ ခုခံတော်လှန်စစ်လှိုင်းလုံးနဲ့အတူ တိုင်းရင်းသားလွတ်မြောက်ရေးကို အချိန်တို အတွင်း အဆင့်ပေါင်းများစွာ တက်လှမ်းနိုင်တဲ့အတွက် နိုင်ငံရေးအရ ကြီးမားသော အောင်ပွဲဖြစ်တယ်လို့ ပြောနိုင်ပါတယ်။ အခုဆိုရင် ရက္ခိုင်ပြည်နယ် မြောက်ပိုင်း ဧရိယာတွေမှာ အကြမ်းဖက်စစ်ကောင်စီတပ်တွေကို အလုံးစုံ မောင်းထုတ် ချေမှုန်းနိုင်ဖို့ အထူး ဝီရိယစိုက်ထုတ်နေကြတာကို အထင်အရှားတွေ့မြင်ရပါတယ်။ ကျွန်တော်တို့ အနေနဲ့ ရက္ခိုင်တော်လှန်ရေးအောင်ပွဲတွေဟာ အားတက်စရာဖြစ်သလို ဂုဏ်ယူစရာလည်းဖြစ်ပါတယ်။ ပြည်သူလူထုတစ်ရပ်လုံးကလည်း ဒီလို ခုခံတော်လှန်စစ်ရေးအောင်ပွဲတွေ၊ တိုင်းရင်းသားတော်လှန်ရေးတွေ အောင်ပွဲခံလာနိုင်ခြင်းအပေါ် တစ်ခဲနက် အားပေး ထောက်ခံကြတာကို တွေ့ရပါတယ်။ ကျွန်တော်တို့ဟာ ပြည်ထောင်စုတည်ဆောက်ရေးအတွက် တိုင်းရင်းသားအားလုံး တန်းတူညီစွာ ကိုယ်ပိုင်ပြဋ္ဌာန်းခွင့် အပြည့်အဝ ရရှိနိုင်ရေးကို ဝိုင်းဝန်း ကြိုးစားကြရမှာဖြစ်ပါတယ်။ အခြေအနေအရ အချိုးမညီစွာ ဖြစ်တည်တဲ့ နိုင်ငံရေးအခြေအနေတွေ ရှိလာရင်လည်း ဒီအခြေအနေတွေကို ကွာဟချက် မကြီးမားအောင် ဘယ်လို ကြိုးစားရမလဲဆိုတာ အမြဲ အာရုံစိုက်နေရမှာဖြစ်ပါတယ်။ ကျွန်တော်တို့ဟာ တိုင်းရင်းသားလွတ်မြောက်ရေးတိုက်ပွဲ တွေရဲ့ စစ်ရေးအောင်ပွဲရလဒ်တွေကို စစ်မှန်သော ကိုယ်ပိုင်ပြဋ္ဌာန်းခွင့်အတွက် ဝိုင်းဝန်း အားထုတ် ကျေးဇူးပြုကြဖို့ ဖြစ်ပါတယ်။ အမျိုးသားညီညွတ်ရေးနဲ့ တိုင်းရင်းသားစည်းလုံးညီညွတ်ရေးဆိုတာ တွေဟာ စကားလုံးအနေနဲ့ ရှိရမှာ မဟုတ်ပါဘူး။ လက်တွေ့အားဖြင့် ကာယကံမြောက် ပြသနိုင်ဖို့ အထူးလိုအပ်ပါတယ်။ တိုင်းရင်းသားလွတ်မြောက်ရေး တိုက်ပွဲတွေနဲ့ နွေဦးတော်လှန်ရေးဟာ ထပ်တူ ထပ်မျှဖြစ်ကြောင်း သတိချပ်ဖို့ လိုပါတယ်။ လွတ်လပ်ခွင့်၊ ကိုယ်ပိုင်ပြဋ္ဌာန်းခွင့်နဲ့ လူ့အခွင့်အရေး ပြည့်ဝသော ပြည်ထောင်စုတည်ဆောက်ရေးမှာ/  စစ်အာဏာရှင်စနစ်ကို အမြစ်ပြတ် ချေမှုန်းနိုင်မှသာ / အာမခံချက် ရှိတဲ့ အဆင့်အတန်းမျိုးကို ကောင်းစွာ ရရှိလိမ့်မယ်လို့ ပြောကြားအပ်ပါတယ် ခင်ဗျား….။ အရေးတော်ပုံမုချအောင်ရမည်....

အမျိုးသားညီညွတ်ရေးအစိုးရ၊ အစိုးရအဖွဲ့အစည်းအဝေးအမှတ်စဉ် (၉/၂၀၂၄) တွင် ပြောကြားခဲ့သော ပြည်ထောင်စုဝန်ကြီးချုပ်၏ မိန့်ခွန်းကောက်နုတ်ချက်ရက်စွဲ ။ ၂၀၂၄ ခုနှစ်၊ မတ်လ (၅)ရက်ပထမဦးစွာ ဖေဖော်ဝါရီလ ၂၇ ရက်နေ့က မင်းပြားမြို့နယ်အတွင်း၊ မင်းဖူးဆေးရုံကို စစ်ကောင်စီလေတပ်က ဗုံးကြဲတိုက်ခိုက်ခဲ့တဲ့ ဖြစ်စဥ်နဲ့ ဖေဖော်ဝါရီလ ၂၉ ရက်နေ့က စစ်တွေ မြို့ရှိ ကိုရီးယားဆိပ်ကမ်းစျေးအတွင်းကို စစ်ကောင်စီရေတပ်က လက်နက်ကြီးနဲ့ ပစ်ခဲ့တဲ့ အတွက် ထိခိုက်ဆုံးရှုံးခဲ့ရတဲ့ ရခိုင်ပြည်နယ်က ပြည်သူတွေအတွက် များစွာစိတ်မကောင်း ဖြစ်ရကြောင်း ဦးစွာ ပြောကြားလိုပါတယ်။ စစ်အုပ်စုက အရပ်သားပြည်သူတွေအပေါ် ဒီလို စစ်ရာဇဝတ်မှု ကျူးလွန်နေတာတွေနဲ့ ပါတ်သတ်ပြီး အမျိုးသားညီညွတ်ရေးအစိုးရအနေနဲ့ ရက္ခိုင့်တပ်တော် (AA) နဲ့ ပူးပေါင်းပြီး တရားမျှတမှုရရှိအောင် အစွမ်းကုန် ကြိုးပမ်းဆောင် ရွက်သွားမှာဖြစ်ကြောင်း ဒီနေရာကနေ ပြောကြားလိုပါတယ်။ အကြမ်းဖက်စစ်အုပ်စုကတော့ ပြည်သူကို ကဏ္ဍစုံက ဖိစီးနှိပ်စက်မှုတွေ ဆက်တိုက် လုပ်ဆောင်နေတာကို တွေ့ရပါတယ်။ ဒါကြောင့် ကျွန်တော်တို့ တော်လှန်ရေးအင်အားစုတွေ အားလုံးအနေနဲ့လည်း သတိမလစ်ဟင်းပဲ ဘက်ပေါင်းစုံက ပြန်လည်တိုက်ပွဲဝင်နေကြရတဲ့ ကာလတစ်ခုလည်း ဖြစ်ပါတယ်။ ကျွန်တော်တို့ အစိုးရအနေနဲ့တော့ အခုလက်တလော ပြည်သူတွေ စိုးရိမ်ကြောင့်ကြဖြစ်နေကြရတဲ့ အတင်းအဓမ္မစစ်သားစုဆောင်းရေး လုပ်ငန်းစဥ် နဲ့ ပါတ်သက်ပြီးလည်း ပြည်သူကို အသိပေးပြောကြားစရာတွေကို အသိပေးပြောကြားသွားမှာ ဖြစ်သလို ပြည်သူ့အစိုးရတစ်ရပ်အနေနဲ့ ပြည်သူတွေကို ကာကွယ်ပေးနိုင်ဖို့ တတ်စွမ်းသရွေ့ ကြိုးစားဆောင်ရွက်သွားမှာ ဖြစ်ပါတယ်။ ဒါ့အပြင် မဟာမိတ် အစုအဖွဲ့အသီးသီးနဲ့လည်း ညှိနှိုင်းတိုင်ပင်ပြီး ဒီစိန်ခေါ်မှုကနေ အခွင့်အလမ်းအဖြစ် ပြောင်းလဲနိုင်ရေးအတွက် စုစုစည်း စည်း ဆက်လက် ဆောင်ရွက်သွားကြဖို့လည်း ရှိပါတယ်။  ဒါကြောင့် ဝန်ကြီးဌာန အသီးသီးအနေနဲ့လည်း မိမိတို့ သက်ဆိုင်ရာ Channel များက နေ ပြည်သူများကို သတင်းစကားများ ပေးပေးကြဖို့လည်း လိုအပ်ကြောင်း တိုက်တွန်း ပြော ကြားလိုပါတယ်။ တဘက်ကလည်း နိုင်ငံတကာနဲ့ ဆက်နွယ်ဆောင်ရွက်နေကြရတဲ့ ဝန်ကြီး များအနေနဲ့လည်း အကြမ်းဖက်စစ်တပ်ရဲ့ အဓမ္မစစ်သားစုဆောင်းမှုကြောင့် ဖြစ်ပေါ်လာနိုင် တဲ့ ဆိုးကျိုးများကို သိရှိစေဖို့နဲ့ ဒါဟာ ပြည်တွင်းလုံခြုံရေးသာမက ဒေသတွင်းလုံခြုံရေးကိုပါ ထိပါးလာနိုင်တဲ့ အခြေအနေတစ်ရပ်ဖြစ်ကြောင်း နိုင်ငံတကာ အသိုင်းအဝိုင်းမှ ကောင်းစွာ နားလည်သဘောပေါက်နိုင်စေ‌ရေး ကြိုးပမ်းကြဖို့လိုမှာ ဖြစ်ပါတယ်။ တော်လှန်ရေးရဲ့ လက်ရှိအခြေအနေ၊ အနေအထားတွေအရ ကျွန်တော်တို့အစိုးရအဖွဲ့ အနေနဲ့ ပိုပြီး စုစုစည်းစည်းနဲ့ တိုင်ပင်လုပ်ဆောင်ရမှာတွေနဲ့ ဦးစားပေးလုပ်ငန်းစဥ်တွေလည်း အတော်များပါတယ်။ ကျွန်တော်တို့ဟာ တော်လှန်ရေးအစိုးရဖြစ်တာကြောင့် ပုံမှန်ဝန်ကြီး ဌာန လုပ်ဆောင်ချက်တွေအပြင် နိုင်ငံရေး အရ ဆွေးနွေးရမှာတွေ၊ ညှိနှိုင်းရမှာတွေလည်း များ ပြားပါတယ်။ နောက်ထပ် အရေးကြီးတာတစ်ခုက အုပ်ချုပ်ရေးထူထောင်နေတဲ့ နေရာ ဒေသ တွေရဲ့ အခြေအနေကို မျက်ခြေမပြတ် လေ့လာစောင့်ကြည့်နေဖို့ လိုအပ်ပါတယ်။ တော်လှန် ရေးအစိုးရတစ်ရပ်အနေနဲ့ တော်လှန်ရေးလုပ်ရင်း အုပ်ချုပ်ရေးဖော်ဆောင်ရတာ မလွယ်ကူ ပါဘူး။ မူကောင်းကောင်းတွေ ရှိဖို့ လိုအပ်သလို လူတွေကိုလည်း မူနဲ့ ကောင်းစွာ ထိန်းကျောင်း နိုင်ဖို့လည်း ကြိုးစားကြရမှာ ဖြစ်ပါတယ်။ ကြားကာလ အုပ်ချုပ်ရေးလုပ်ငန်းစဥ်တွေဟာ Focal တာဝန်ရှိတဲ့ ဝန်ကြီးဌာနတွေအပြင် အစိုး ရအဖွဲ့အားလုံးနဲ့ သက်ဆိုင်နေတာမို့ ဝန်ကြီး များ အားလုံးလည်း ကောင်းမွန်တဲ့ အကြံဥာဏ်တွေ၊ ဆောင်ရွက်ချက်တွေ ထိထိရောက် ရောက် လုပ်ဆောင်ရင်း အားစိုက်ဆောင် ရွက်ဖို့လည်း တိုက်တွန်းလိုပါတယ်။

အမျိုးသားညီညွတ်ရေးနဲ့ တိုင်းရင်းသားစည်းလုံးညီညွတ်ရေးဆိုတာတွေဟာ စကားလုံးအနေနဲ့ အပြင် လက်တွေ့အားဖြင့် ကာယကံမြောက် ပြသနိုင်ဖို့ အထူးလိုအပ်ကြောင်း၊ တိုင်းရင်းသားလွတ်မြောက်ရေး တိုက်ပွဲတွေနဲ့ နွေဦးတော်လှန်ရေးဟာ ထပ်တူထပ်မျှဖြစ်ကြောင်း သတိချပ်ဖို့ ယာယီသမ္မတပြောကြားမတ်လ  ၅ ၊ ၂၀၂၄အမျိုးသားညီညွတ်ရေးအစိုးရရဲ့ ၉/၂၀၂၄ အစိုးရအဖွဲ့အစည်းအဝေးကို ဒီနေ့မနက် ၁၀ နာရီမှာ ပြုလုပ်ခဲ့ကြပါတယ်။ အစည်းအဝေးကို ယာယီသမ္မတ ဒူဝါလရှီးလ၊ ပြည်ထောင်စုဝန်ကြီးချုပ် မန်းဝင်းခိုင်သန်းတို့ အပါအဝင် ပြည်ထောင်စုဝန်ကြီးတွေ၊ ဒုဝန်ကြီးတွေ တက်ရောက်ခဲ့ကြပါတယ်။အစည်းအဝေးမှာ ယာယီသမ္မတ ဒူဝါလရှီးလက အဖွင့်မိန့်ခွန်းပြောကြားခဲ့ပြီးနောက် ပြည်ထောင်စု ဝန်ကြီးချုပ်က မိန့်ခွန်း ပြောကြားခဲ့ပါတယ်။ယာယီသမ္မတ ဒူဝါလရှီးလက  “ကျွန်တော်တို့ အမျိုးသားညီညွတ်ရေးအစိုးရအဖွဲ့ဝင်တွေအနေနဲ့ ယနေ့ တည်ဆဲ နိုင်ငံရေးအခင်းအကျင်း နဲ့ စစ်ရေးအလှည့်အပြောင်းတွေကို အသေးစိတ် အကဲခတ် စောင့်ကြည့်ပြီး မြင်ကွင်းကျယ်ကျယ်နဲ့ နားလည်သဘောပေါက်ထားကြပြီးဖြစ်မယ်လို့ ကျွန်တော် ယုံကြည်ပါတယ်။ ဒေသတွင်းနိုင်ငံတွေရဲ့ မြန်မာ့အရေးအပေါ် အာရုံစိုက်မှုဟာ ဒီ့နောက်ပိုင်း ခပ်စိပ်စိပ် ဖြစ်လာသလို ခပ်သွက်သွက် ဖြစ်လာတာ ကိုလည်း တွေ့ရပါတယ်။ အထူးသဖြင့် တရုတ်၊ ထိုင်းနဲ့ အိန္ဒိယ အပြင် ဘင်္ဂလားဒေ့ရှ်နိုင်ငံတို့ရဲ့ ပထဝီနိုင်ငံရေး အခြေအနေတွေဟာ ကျွန်တော်တို့ နိုင်ငံရဲ့ ပြည်တွင်းရေးဖြစ်ရပ်တွေနဲ့ တိုက်ရိုက် ချိတ်ဆက်လာတာကို တွေ့ရပါတယ်။ ကျွန်တော်တို့ဟာ လက်ရှိ ဖြစ်ပျက်နေတဲ့ အခြေအနေအရပ်ရပ်ကို နယ်မြေအလိုက်၊ ဒေသလိုက်၊ လူမျိုးစုအလိုက်၊ အဖွဲ့အစည်းအလိုက် အနုစိတ် နားလည်သဘောပေါက် ထားရမယ်လို့ ယူဆပါတယ်။  အနောက်နိုင်ငံတွေနဲ့ အာဆီယံနိုင်ငံရဲ့ အခန်းကဏ္ဍဟာ အရေးပေါ်အခြေအနေတွေမှာ လူသားချင်းစာနာ ထောက်ထားမှု အကူအညီတွေကို ထိထိရောက်ရောက် ပေးနိုင်ရေးအတွက် အာရုံစိုက် လုပ်ဆောင် လာတာ တွေ့ရပါတယ်။ရှမ်းပြည်နယ်အတွင်းက ပအိုဝ်းဒေသမှာလည်း လူသားချင်းစာနာထောက်ထားမှု အကူအညီ လိုအပ်ချက်တွေ ရှိနေပါတယ်။ ဒါတွေကို သေချာ ထိထိရောက်ရောက် ချိတ်ဆက် ကူညီနိုင်ရေးကို အလေးထား လုပ်ဆောင်ပေးကြဖို့ တိုက်တွန်းချင်ပါတယ်။ ၁၀၂၇ စစ်ဆင်ရေး နောက်ဆက်တွဲ စစ်ရေးအခင်းအကျင်းနဲ့ပတ်သက်ပြီး ရှမ်းပြည်နယ်မြောက်ပိုင်းနဲ့ ရက္ခိုင်ပြည်နယ်တို့မှာ အခြေအနေ တိုးတက်ကောင်းမွန်မှုတွေ အမြောက်အမြား တွေ့ရပါတယ်။ စစ်ရေးနဲ့ နိုင်ငံရေးကိစ္စတွေကို မြောက်ပိုင်းမဟာမိတ် (၃) ဖွဲ့က မျှခြေညီအောင် အစဉ်တစိုက် သတိထား ကြိုးစားနေကြတယ်ဆိုတာ တွေ့ရပါတယ်။ ” လို့ ပြောကြားပါတယ်။ဆက်လက်ပြီးတော့လည်း “ကျွန်တော်တို့ အမျိုးသားညီညွတ်ရေးအစိုးရအနေနဲ့ နွေဦးတော်လှန်ရေး အတွင်းက တိုင်းရင်းသားလွတ်မြောက်ရေးတိုက်ပွဲတွေရဲ့ အောင်ပွဲကို လှိုက်လှိုက်လှဲလှဲ ကြိုဆိုထောက်ခံပြီး ဖြစ်တယ်လို့ ပြောချင်ပါတယ်။ ဆက်လက်ပြီး တိုင်းရင်းသားလွတ်မြောက်ရေးတိုက်ပွဲတွေ အရှိန်အဟုန်မြင့်မြင့် တက်လှမ်းနိုင်ရေးအတွက် ကျွန်တော်တို့ အားလုံး ဝိုင်းဝန်း အားပေး ကူညီဖို့လည်း အလေးအနက်ထား တိုက်တွန်းချင်ပါတယ်။ မနေ့က ရက္ခိုင့်တပ်တော်ရဲ့ သတင်းစာရှင်းလင်းပွဲမှာ၊ ရက္ခိုင်တော်လှန်ရေးခေါင်းဆောင်တွေရဲ့ အမြင်သဘောထားတွေနဲ့ ရပ်တည်ချက် တချို့ကို ကျွန်တော်တို့ သိနားလည်ခွင့် ရခဲ့ပါတယ်။ ရက္ခိုင့်တပ်တော် [AA] အနေနဲ့ ပြည်ထောင်စုထဲက ခွဲမထွက်ဘူးဆိုတဲ့ သဘောထားကိုလည်း ထင်ထင်ရှားရှားတွေ့လိုက်ရပါတယ်။ ဒါဟာ ကျွန်တော်တို့ နိုင်ငံရဲ့ ပြည်ထောင်စု စုဖွဲ့မှုအပေါ် ကောင်းသော အထောက်အပံ့ဖြစ်ပါတယ်။ နွေဦးတော်လှန်ရေးရဲ့ အန္တိမ ရည်မှန်းချက်ဟာ ဖက်ဒရယ်ဒီမိုကရေစီ ပြည်ထောင်စုသစ် တည်ဆောက်ရေးဖြစ်ပါတယ်။ ဖက်ဒရယ်ဒီမိုကရေစီအတွက် အဓိက အရေးအကြီးဆုံးဟာ လွတ်လပ်ခွင့်နဲ့ ကိုယ်ပိုင်ပြဋ္ဌာန်းခွင့်တွေပဲ ဖြစ်ပါတယ်။ ရှမ်းပြည်နယ် မြောက်ပိုင်းနဲ့ ရက္ခိုင်ပြည်နယ်တွေမှာ ခုခံတော်လှန်စစ်လှိုင်းလုံးနဲ့အတူ တိုင်းရင်းသားလွတ်မြောက်ရေးကို အချိန်တို အတွင်း အဆင့်ပေါင်းများစွာ တက်လှမ်းနိုင်တဲ့အတွက် နိုင်ငံရေးအရ ကြီးမားသော အောင်ပွဲဖြစ်တယ်လို့ ပြောနိုင်ပါတယ်။ အခုဆိုရင် ရက္ခိုင်ပြည်နယ် မြောက်ပိုင်း ဧရိယာတွေမှာ အကြမ်းဖက်စစ်ကောင်စီတပ်တွေကို အလုံးစုံ မောင်းထုတ် ချေမှုန်းနိုင်ဖို့ အထူး ဝီရိယစိုက်ထုတ် နေကြတာကို အထင်အရှားတွေ့မြင်ရပါတယ်။ ကျွန်တော်တို့ အနေနဲ့ ရက္ခိုင်တော်လှန်ရေးအောင်ပွဲတွေဟာ အားတက်စရာဖြစ်သလို ဂုဏ်ယူစရာလည်းဖြစ်ပါတယ်။ ပြည်သူလူထုတစ်ရပ်လုံးကလည်း ဒီလို ခုခံတော်လှန်စစ်ရေးအောင်ပွဲတွေ၊ တိုင်းရင်းသားတော်လှန်ရေးတွေ အောင်ပွဲခံလာနိုင်ခြင်းအပေါ် တစ်ခဲနက် အားပေး ထောက်ခံကြတာကို တွေ့ရပါတယ်။ ကျွန်တော်တို့ဟာ ပြည်ထောင်စုတည်ဆောက်ရေးအတွက် တိုင်းရင်းသားအားလုံး တန်းတူညီစွာ ကိုယ်ပိုင်ပြဋ္ဌာန်းခွင့် အပြည့်အဝ ရရှိနိုင်ရေးကို ဝိုင်းဝန်း ကြိုးစားကြရမှာဖြစ်ပါတယ်။ အခြေအနေအရ အချိုးမညီစွာ ဖြစ်တည်တဲ့ နိုင်ငံရေးအခြေအနေတွေ ရှိလာရင်လည်း ဒီအခြေအနေတွေကို ကွာဟချက် မကြီးမားအောင် ဘယ်လို ကြိုးစားရမလဲဆိုတာ အမြဲ အာရုံစိုက်နေရမှာဖြစ်ပါတယ်။ ကျွန်တော်တို့ဟာ တိုင်းရင်းသားလွတ်မြောက်ရေးတိုက်ပွဲ တွေရဲ့ စစ်ရေးအောင်ပွဲရလဒ်တွေကို စစ်မှန်သော ကိုယ်ပိုင်ပြဋ္ဌာန်းခွင့်အတွက် ဝိုင်းဝန်း အားထုတ် ကျေးဇူးပြုကြဖို့ ဖြစ်ပါတယ်။ အမျိုးသားညီညွတ်ရေးနဲ့ တိုင်းရင်းသားစည်းလုံးညီညွတ်ရေးဆိုတာ တွေဟာ စကားလုံးအနေနဲ့ ရှိရမှာ မဟုတ်ပါဘူး။ လက်တွေ့အားဖြင့် ကာယကံမြောက် ပြသနိုင်ဖို့ အထူးလိုအပ်ပါတယ်။ တိုင်းရင်းသားလွတ်မြောက်ရေး တိုက်ပွဲတွေနဲ့ နွေဦးတော်လှန်ရေးဟာ ထပ်တူ ထပ်မျှဖြစ်ကြောင်း သတိချပ်ဖို့ လိုပါတယ်။ လွတ်လပ်ခွင့်၊ ကိုယ်ပိုင်ပြဋ္ဌာန်းခွင့်နဲ့ လူ့အခွင့်အရေး ပြည့်ဝသော ပြည်ထောင်စုတည်ဆောက်ရေးမှာ/  စစ်အာဏာရှင်စနစ်ကို အမြစ်ပြတ် ချေမှုန်းနိုင်မှသာ / အာမခံချက် ရှိတဲ့ အဆင့်အတန်းမျိုးကို ကောင်းစွာ ရရှိလိမ့်မယ်လို့ ပြောကြားအပ်ပါတယ်” လို့ ယာယီသမ္မတ ဒူဝါလရှီးလက ပြောပါတယ်။ပြည်ထောင်စုဝန်ကြီးချုပ် မန်းဝင်းခိုင်သန်းက “ပထမဦးစွာ ဖေဖော်ဝါရီလ ၂၇ ရက်နေ့က မင်းပြားမြို့နယ်အတွင်း၊ မင်းဖူးဆေးရုံကို စစ်ကောင်စီလေတပ်က ဗုံးကြဲတိုက်ခိုက်ခဲ့တဲ့ ဖြစ်စဥ်နဲ့ ဖေဖော်ဝါရီလ ၂၉ ရက်နေ့က စစ်တွေမြို့ရှိ ကိုရီးယားဆိပ်ကမ်းစျေးအတွင်းကို စစ်ကောင်စီ ရေတပ်က လက်နက်ကြီးနဲ့ ပစ်ခဲ့တဲ့အတွက် ထိခိုက်ဆုံးရှုံးခဲ့ရတဲ့ ရခိုင်ပြည်နယ်က ပြည်သူတွေ အတွက် များစွာစိတ်မကောင်း ဖြစ်ရကြောင်း ဦးစွာ ပြောကြားလိုပါတယ်။ စစ်အုပ်စုက အရပ်သား ပြည်သူတွေအပေါ် ဒီလို စစ်ရာဇဝတ်မှု ကျူးလွန်နေတာတွေနဲ့ ပါတ်သတ်ပြီး အမျိုးသားညီညွတ်ရေးအစိုးရအနေနဲ့ ရက္ခိုင့်တပ်တော် (AA) နဲ့ ပူးပေါင်းပြီး တရားမျှတ မှုရရှိအောင် အစွမ်းကုန် ကြိုးပမ်းဆောင် ရွက်သွားမှာဖြစ်ကြောင်း ဒီနေရာကနေ ပြောကြား လိုပါတယ်။ အကြမ်းဖက်စစ်အုပ်စုကတော့ ပြည်သူကို ကဏ္ဍစုံက ဖိစီးနှိပ်စက်မှုတွေ ဆက်တိုက် လုပ်ဆောင်နေတာကို တွေ့ရပါတယ်။ ဒါကြောင့် ကျွန်တော်တို့ တော်လှန်ရေးအင်အားစုတွေ အားလုံးအနေနဲ့လည်း သတိမလစ်ဟင်းပဲ ဘက်ပေါင်းစုံက ပြန်လည်တိုက်ပွဲဝင်နေကြရတဲ့ ကာလတစ်ခုလည်း ဖြစ်ပါတယ်။ ကျွန်တော်တို့ အစိုးရအနေနဲ့တော့ အခုလက်တလော ပြည်သူတွေ စိုးရိမ်ကြောင့်ကြဖြစ်နေကြရတဲ့ အတင်းအဓမ္မစစ်သားစုဆောင်းရေး လုပ်ငန်းစဥ် နဲ့ ပါတ်သက်ပြီးလည်း ပြည်သူကို အသိပေးပြောကြားစရာတွေကို အသိပေးပြောကြားသွားမှာ ဖြစ်သလို ပြည်သူ့အစိုးရတစ်ရပ်အနေနဲ့ ပြည်သူတွေကို ကာကွယ်ပေးနိုင်ဖို့ တတ်စွမ်းသရွေ့ ကြိုးစားဆောင်ရွက်သွားမှာ ဖြစ်ပါတယ်။ ဒါ့အပြင် မဟာမိတ် အစုအဖွဲ့အသီးသီးနဲ့လည်း ညှိနှိုင်းတိုင်ပင်ပြီး ဒီစိန်ခေါ်မှုကနေ အခွင့်အလမ်းအဖြစ် ပြောင်းလဲနိုင်ရေးအတွက် စုစုစည်း စည်း ဆက်လက် ဆောင်ရွက်သွားကြဖို့လည်း ရှိပါတယ်။  ” လို့ ပြောကြားပါတယ်။ဆက်လက်ပြီးတော့လည်း “ဒါကြောင့် ဝန်ကြီးဌာန အသီးသီးအနေနဲ့လည်း မိမိတို့ သက်ဆိုင်ရာ Channel များက နေ ပြည်သူများကို သတင်းစကားများ ပေးပေးကြဖို့လည်း လိုအပ်ကြောင်း တိုက်တွန်း ပြော ကြားလိုပါတယ်။ တဘက်ကလည်း နိုင်ငံတကာနဲ့ ဆက်နွယ်ဆောင်ရွက်နေကြရတဲ့ ဝန်ကြီး များအနေနဲ့လည်း အကြမ်းဖက်စစ်တပ်ရဲ့ အဓမ္မစစ်သားစုဆောင်းမှုကြောင့် ဖြစ်ပေါ်လာနိုင် တဲ့ ဆိုးကျိုးများကို သိရှိစေဖို့နဲ့ ဒါဟာ ပြည်တွင်းလုံခြုံရေးသာမက ဒေသတွင်းလုံခြုံရေးကိုပါ ထိပါးလာနိုင်တဲ့ အခြေအနေတစ်ရပ်ဖြစ်ကြောင်း နိုင်ငံတကာ အသိုင်းအဝိုင်းမှ ကောင်းစွာ နားလည် သဘောပေါက်နိုင်စေ‌ရေး ကြိုးပမ်းကြဖို့လိုမှာ ဖြစ်ပါတယ်။ တော်လှန်ရေးရဲ့ လက်ရှိအခြေအနေ၊ အနေအထားတွေအရ ကျွန်တော်တို့အစိုးရအဖွဲ့ အနေနဲ့ ပိုပြီး စုစုစည်းစည်းနဲ့ တိုင်ပင်လုပ်ဆောင် ရမှာတွေနဲ့ ဦးစားပေးလုပ်ငန်းစဥ်တွေလည်း အတော်များပါတယ်။ ကျွန်တော်တို့ဟာ တော်လှန်ရေး အစိုးရဖြစ်တာကြောင့် ပုံမှန်ဝန်ကြီးဌာန လုပ်ဆောင်ချက်တွေအပြင် နိုင်ငံရေးအရ ဆွေးနွေးရမှာ တွေ၊ ညှိနှိုင်းရမှာတွေလည်းများ ပြားပါတယ်။ နောက်ထပ် အရေးကြီးတာတစ်ခုက အုပ်ချုပ်ရေး ထူထောင်နေတဲ့ နေရာ ဒေသတွေရဲ့ အခြေအနေကို မျက်ခြေမပြတ် လေ့လာစောင့်ကြည့်နေဖို့ လိုအပ်ပါတယ်။ တော်လှန်ရေးအစိုးရတစ်ရပ်အနေနဲ့ တော်လှန်ရေးလုပ်ရင်း အုပ်ချုပ်ရေး ဖော်ဆောင်ရတာ မလွယ်ကူ ပါဘူး။ မူကောင်းကောင်းတွေ ရှိဖို့ လိုအပ်သလို လူတွေကိုလည်း မူနဲ့ ကောင်းစွာ ထိန်းကျောင်း နိုင်ဖို့လည်း ကြိုးစားကြရမှာ ဖြစ်ပါတယ်။  ” လို့ ပြည်ထောင်စုဝန်ကြီးချုပ်က ပြောကြားခဲ့ပါ တယ်။ဒါ့အပြင် ကြားကာလ အုပ်ချုပ်ရေးလုပ်ငန်းစဥ်တွေဟာ အစိုးရအဖွဲ့အားလုံးနဲ့ သက်ဆိုင်တာကြောင့် ဝန်ကြီးတွေ အားလုံးကကောင်းမွန်တဲ့ အကြံဥာဏ်တွေ ၊ ဆောင်ရွက်ချက်တွေ ထိထိရောက်ရောက် အားစိုက်လုပ်ဆောင်ပေးကြဖို့လည်း တိုက်တွန်းပြောကြားခဲ့ပါတယ်။အစည်းအဝေးမှာ IACC ကိုယ်စား နိုင်ငံခြားရေးဝန်ကြီးဌာန ဒုဝန်ကြီး ဦးမိုးဇော်ဦး က EU သို့ proposal တင်ရန် ဆွေးနွေးတင်ပြတာ ၊ လူသားချင်း စာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာန ၊ ပြည်ထောင်စုဝန်ကြီး ဦးဝင်းမြတ်အေး က Thai initiative cross border humanitarian assistance အပါအဝင် humanitarian update  ဆွေးနွေးတာ၊ NUCC Coordination Committee ဝင် ပညာရေးဝန်ကြီးဌာန ဒုဝန်ကြီး ဒေါက်တာစိုင်းခိုင်မျိုးထွန်း က NUCC ပြင်ပအဖွဲ့အစည်းများနဲ့ တွေ့ဆုံရာမှာ NUCC Operation Team  က NUG နဲ့အတူ ပူးပေါင်းတွေ့ဆုံလိုတာ နဲ့ စစ်အာဏာရှင်ချုပ်ငြိမ်းရေးနဲ့ ဖက်ဒရယ်ဒီမိုကရေစီ ပြည်ထောင်စုတည်ဆောက်ရေးအတွက် အတူလက်တွဲတော်လှန်တိုက်ပွဲ ဝင်နေကြတဲ့ အဖွဲ့များရဲ့ ဘုံသဘောထားရပ်တည်ချက်နဲ့ ပတ်သက်တဲ့ NUCC မှ ပေးပို့လာတဲ့ သဘောထားကိစ္စအား ဆွေးနွေးတင်ပြတဲ့ ကိစ္စရပ်တွေကို ဆွေးနွေးခဲ့ကြပါတယ်။အဲဒီနောက် ပြည်ထောင်စု ဝန်ကြီးချုပ်က တင်ပြလာတာတွေကို ပြန် လည်ရှင်းလင်း ဆွေးနွေးပြီး ယာယီသမ္မတက နိဂုံးချုပ်အမှာ စကားပြောကြားကာ အစည်းအဝေးကို ရုပ်သိမ်းခဲ့ပါတယ်။