(၅၉) နှစ်မြောက် ဆဲဗင်း ဇူလိုင် အခမ်းအနားများသို့ ပေးပို့သော သဝဏ်လွှာ

(၅၉) နှစ်မြောက် ဆဲဗင်း ဇူလိုင် အခမ်းအနားများသို့ ပေးပို့သော သဝဏ်လွှာ

(၅၉) နှစ်မြောက် ဆဲဗင်း ဇူလိုင် အခမ်းအနားများသို့ ပေးပို့သော သဝဏ်လွှာ၁။ ယနေ့ ဇူလိုင်လ ၇ ရက်နေ့သည် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် အပါအဝင် စစ်အာဏာရှင်စနစ်ကို တပ်ဦးမှ တော်လှန်ခဲ့သော ကျောင်းသားလူငယ် သူရဲကောင်းတို့၏ ၇.၇.၁၉၆၂ တွင် သွေးမြေခခဲ့ရသည့် အောက်မေ့ဖွယ်အထိမ်းအမှတ်၊ (၅၉) နှစ်မြောက် အခါသမယ ဖြစ်သည်။ အမှန်တရားနှင့် တရားမျှတ လွတ်လပ်ခြင်းအတွက် ထိုကဲ့သို့ ခေတ်အဆက်ဆက် ဘဝနှင့်အသက်ကိုပေးဆပ်ကာ လက်ဆင့်ကမ်း တိုက်ပွဲဝင်ခဲ့ကြသည့် ကျောင်းသားလူငယ် တော်လှန်ရေးရဲဘော်အပေါင်းအား အမျိုးသားညီညွတ်ရေးအစိုးရက လေးစားစွာ ဦးညွှတ်ဂုဏ်ပြုအပ်ပါသည်။၂။ မြန်မာနိုင်ငံတစ်ဝန်းရှိ အနယ်နယ်အရပ်ရပ်မှ တိုင်းရင်းသားလူမျိုးပေါင်းစုံပါဝင်သော လူငယ်များဖြင့် ဖွဲ့စည်းထားသည့် ကျောင်းသားသမဂ္ဂများသည် ကိုလိုနီစနစ်ကို ဆန့်ကျင်ရာတွင် ရှေ့တန်းမှ တိုက်ပွဲဝင်ခဲ့ကြသည်။ မြန်မာ့လွတ်လပ်ရေးနှင့် ပြည်ထောင်စုတည်ထောင်ရာတွင် အဓိကအခန်းကဏ္ဍက ပါဝင်ခဲ့သည့် ခေါင်းဆောင် များစွာကိုလည်း မွေးထုတ်ပေးခဲ့သည်။ ယင်းကဲ့သို့ သမိုင်းအဆက်ဆက် မတရားမှုကို ဆန့်ကျင်တော်လှန်ရာတွင် အစဉ်အလာရှိခဲ့သည့်အတိုင်း ၁၉၆၂ ခုနှစ် မတ်လ ၂ ရက်နေ့၌ ဗိုလ်ချုပ်နေဝင်းဦးဆောင်သည့် တော်လှန်ရေးကောင်စီက အာဏာသိမ်းပြီး ၂ ရက်အကြာ မတ်လ ၄ ရက်နေ့တွင် ကျောင်းသားသမဂ္ဂများက ကန့်ကွက် ကြောင်း ပူးတွဲကြေညာချက် ထုတ်ပြန်ခဲ့သည်။ အမှန်တရားနှင့် တရားမျှတမှုဘက်မှ ခိုင်မာစွာ ရပ်တည်ခဲ့ကြသည့် ကျောင်းသားလူငယ်များကို စစ်အာဏာရှင် တော်လှန်ရေးကောင်စီက ဇူလိုင် ၇  ရက်နေ့တွင် ရက်စက်စွာ သတ်ဖြတ်ခဲ့ရာ အပြစ်မဲ့သည့် ကျောင်းသားလူငယ် ရာနှင့်ချီ၍ ကျဆုံးခဲ့သည်။ ခေတ်အဆက်ဆက် ကျောင်းသား နိုင်ငံရေးလှုပ်ရှားမှုများ၏ အထိမ်းအမှတ်သင်္ကေတဖြစ်သည့် သမဂ္ဂအဆောက်အဦကိုပါ ဗုံးခွဲဖျက်ဆီးခဲ့သည်။၃။ အလားတူ ၂၀၂၁ ခုနှစ် ဖေဖော်ရီလ ၁ ရက်နေ့တွင်လည်း ပြည်သူ့အာဏာကို အကြမ်းဖက်စစ်ကောင်စီက အဓမ္မသိမ်းယူခဲ့ပြန်သည်။ ထိုအာဏာသိမ်းမှုကို ရက်ပိုင်းအတွင်း ကျောင်းသားလူငယ်များက စတင်ကာ နိုင်ငံတစ်ဝန်းရှိ ပြည်သူတရပ်လုံးက ငြိမ်းချမ်းစွာ ဆန့်ကျင်ဆန္ဒပြခဲ့ကြသည်။ ၁၉၆၂ ခုနှစ် မှ ယခု ၂၀၂၁ ခုနှစ်တိုင်  စစ်အာဏာရှင်အဆက်ဆက်သည် ထောင်ပေါင်းများစွာသော လက်နက်မဲ့၊ အပြစ်မဲ့ ပြည်သူများကို စစ်အင်အားသုံးကာ ရက်စက်စွာ သတ်ဖြတ်ခြင်း၊ နိုင်ငံရေးလှုပ်ရှားသူပေါင်း သိန်းဂဏန်းချီ၍ ဖမ်းဆီးချုပ်နှောင်ခြင်း၊ သန်းနှင့်ချီသော တိုင်းရင်းသား ပြည်သူများ၏ ဘဝပေါင်းများစွာကို အတိဒုက္ခရောက်စေခြင်း၊ လူငယ်များ၏ မျှော်လင့်ချက်များနှင့် အနာဂတ်များကို စနစ်တကျဖျက်ဆီးခြင်းတို့ကို ကျူးလွန်ခဲ့ကြသည်။၄။ ထိုသို့ စစ်အာဏာရှင်အဆက်ဆက်၏ နှစ်ပေါင်း ၆၀၊ မျိုးဆက် ၃ ခု ကြာမျှ လက်နက်အားကိုးဖြင့် ဖိနှိပ်အနိုင်ကျင့်ကာ ဘဝနှင့် အသက်အိုးအိမ်စည်းစိမ်များကို ဖျက်ဆီးခြင်းခံခဲ့ရသော်လည်း အတိတ်သမိုင်းမှ ကျောင်းသားလူငယ်များ၏ အမှန်တရားကို ချစ်မြတ်နိုးသည့်စိတ်ဓါတ်၊ မတရားမှုကို ဆန့်ကျင်တော်လှန် ရဲသည့် သတ္တိတို့သည် ယနေ့တိုင် ဆက်လက်ရှင်သန်နေဆဲဖြစ်သည်။ ယခုလက်ရှိ စစ်အာဏာရှင် ဆန့်ကျင်တော်လှန်ရေး လှုပ်ရှားမှုများကိုလည်း လက်ဆင့်ကမ်း ဆက်လက်စေ့ဆော်ပေးလျက်ရှိသည်။  လူငယ်များ၏ တရားမျှတသော၊ တန်းတူညီမျှသော ဖက်ဒရယ်ဒီမိုကရေစီပြည်ထောင်စု စိတ်ကူးအိပ်မက်အား ကျောင်းသားလူငယ် အားလုံး၏ သမဂ္ဂစိတ်ဓါတ်၊ ပြည်သူလူထု၏အင်အား၊ တိုင်းရင်းသား လူမျိုးပေါင်းစုံမှ ခေါင်းဆောင်အားလုံး၏           အတွေ့အကြုံနှင့် ပေါင်းစပ်ကာ အကောင်အထည်ဖော်ဆောင်သွားနိုင်မည်ဟု မုချယုံကြည်ပါသည်။ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရwww.nugmyanmar.org၇ ဇူလိုင် ၂၀၂၁ခုနှစ်

၇၄ နှစ်မြောက် အာဇာနည်နေ့ အခမ်းအနားများသို့ ပေးပို့သော သဝဏ်လွှာ

၇၄ နှစ်မြောက် အာဇာနည်နေ့ အခမ်းအနားများသို့ ပေးပို့သော သဝဏ်လွှာ

“၇၄ နှစ်မြောက် အာဇာနည်နေ့ အခမ်းအနားများသို့ ပေးပို့သော သဝဏ်လွှာ”လက်နက်ကိုင်အကြမ်းဖက်ပြီး အာဏာကို ဖြတ်လမ်းကယူလိုသူလူတစ်စု၏ လက်ချက်ကြောင့် အမျိုးသားခေါင်းဆောင်ကြီး ဗိုလ်ချုပ်အောင်ဆန်း နှင့်တကွ အာဇာနည်ခေါင်းဆောင်ကြီး (၈) ဦးတို့ ကျဆုံးသွားခဲ့ကြရသည်မှာ ယနေ့ဆိုရင်ဖြင့် ၇၄ နှစ်တိုင်ခဲ့ပြီဖြစ်ပါသည်။ အာဇာနည် ခေါင်းဆောင်ကြီးများသည် ကမ္ဘာ့အလယ်အတွင် မိမိတို့ပြည်ထောင်စုကြီးအား လွတ်လပ်သော နိုင်ငံတစ်နိုင်ငံအဖြင့် မားမားမတ်မတ် ရပ်တည် နိုင်ရေးအတွက် ကြိုးပမ်းဆောင်ရွက်နေစဉ် ကျဆုံးခဲ့ရကြခြင်း ဖြစ်ပေသည်။ ယင်းနိုင်ငံတော်လုပ်ကြံမှုကြီး ကြောင့် လွတ်လပ်စမြန်မာနိုင်ငံ၏ ကံကြမ္မာမှာ တဆစ်ချိုးပြောင်းလဲသွားခဲ့ရသလို အကြမ်းဖက်လုပ်ကြံမှုကို ဦးဆောင်ခဲ့သော ဂဠုန်ဦးစောမှာလည်း ကြိုးစင်ထက်တွင် ဘဝဆုံးခဲ့ရပြီး လူသိများသော နိုင်ငံရေးသမား တစ်ဦးအဖြစ်မှ ပြည်သူလူထုတစ်ရပ်လုံး ရွံရှာစက်ဆုပ်သည့် လူယုတ်မာတစ်ဦးအဖြစ် သမိုင်းတွင် မှတ်တမ်းဝင် ကျန်ရစ်ခဲ့လေသည်။နိုင်ငံတော်၏ လုပ်ပိုင်ခွင့်အာဏာသည် မူလပိုင်ရှင်ဖြစ်သောပြည်သူလူထုထံမှသာ ဆင်းသက်ရပေမည်။ ပြည်သူလူထုမှ ယုံကြည်တာဝန်ပေးအပ်ခြင်းမခံရဘဲ အဓမ္မနည်းဖြင့် လက်နက်ကိုင်အကြမ်းဖက်ပြီး နိုင်ငံတော်အာဏာ ကိုရယူလိုခြင်းသည် အာဏာလောဘဇောတိုက်ခြင်းသာ ဖြစ်ပေသည်။ ယခုအခါ  မင်းအောင်လှိုင်နှင့် အကြမ်းဖက်စစ်ကောင်စီ၏ လက်နက်အားကိုး အာဏာလုယူမှုသည် အရုပ်ဆိုး အကျည်းတန်ဆုံး ဖြစ်ရပ်တစ်ခုအဖြစ် နိုင်ငံတကာအလယ်တွင် သမိုင်းတွင်ခဲ့ပေပြီ။ သို့ရာတွင် အာဏာရမ္မက်ကြီးသူများ နိဂုံးမလှဖြစ်ခဲ့ပုံကို  သမိုင်းက အထင်အရှား သက်သေပြလျက်ရှိပေသည်။အာဇာနည် ခေါင်းဆောင်ကြီး များသည် တောင်တန်း နှင့် မြေပြန့်မကွဲခြားဘဲ တန်းတူညီမျှရှိမှု၊ လွတ်လပ်မှု၊ တရားမျှတမှုစသည့် ဖက်ဒရယ်ဒီမိုကရေစီစံနှုန်းများဖြင့် ပြည်ထောင်စု မြန်မာနိုင်ငံတော်သစ်တစ်ရပ် ကြိုးပမ်းထူထောင်နေစဉ် လမ်းခုလတ်၌ ကျဆုံးခဲ့ကြရပါသည်။ ထို့ကြောင့် မိမိတို့အနေဖြင့် အာဇာနည်ခေါင်းဆောင် များကို လေးစားအားကျနေရုံ၊ ဂုဏ်ပြုနေရုံ နှင့် မပြီးဘဲ ၎င်းတို့ အသက်စွန့်ခဲ့ရသည်နဲ့ ထိုက်တန်သော တန်းတူညီမျှပြီး လွတ်လပ်သောပြည်ထောင်စုကြီးတစ်ရပ်ကို မိမိတို့အားလုံး အတူတကွ လက်တွဲကာ ဝိုင်းဝန်းထူထောင် နိုင်မှသာ မှန်ကန်စွာ ဂုဏ်ပြုရာရောက်မည်ဖြစ်ပေသည်။ယနေ့ နွေဦးတော်လှန်ရေးတွင် ရှေးကအာဇာနည်ကြီးများ၏စိတ်ဓာတ်အတိုင်း အများအတွက် အသက်စွန့်ခဲ့ကြတဲ့ သူရဲကောင်းတွေပေါ်‌ပေါက်လာခဲ့ရပြန်ပြီဖြစ်သည်။ ထို့အပြင် ကိုဗစ်ကပ်ရောဂါ ကာကွယ်စောင့်ရှောက်ရေးအတွက် အသက်စွန့်ကြိုးပမ်းခဲ့ကြတဲ့ သူရဲကောင်းတွေ ကိုလည်း မြင်တွေ့နေရလျက် ရှိပါသည်။ ဤကဲ့သို့ အများအကျိုးအတွက် စွန့်လွှတ် အနစ်နာခဲ့ပြီး ဆောင်ရွက်တတ်သော အာဇာနည်စိတ်ဓါတ်သည် မိမိတို့ ဦးတည်ချီတက်နေတဲ့ စစ်အာဏာရှင်စနစ်ပျက်သုဉ်းရေးနှင့် ဖက်ဒရယ်ဒီမိုကရေစီပြည်ထောင်စု တည်ဆောက်ရေး အတွက် အင်အားများပင် ဖြစ်ပေသည်။နိဂုံးချုပ်အနေဖြင့် ယနေ့ ၇၄ နှစ်မြောက် အာဇာနည်နေ့တွင် အာဇာနည် အမျိုးသား ခေါင်းဆောင်ကြီးများနှင့် တကွ ခေတ်အဆက်ဆက် မတရားမှုကို ဆန့်ကျင်တော်လှန်ခဲ့ကြသော၊ အများအကျိုးအတွက် စွန့်လွတ် အနစ်အနာခံခဲ့ကြသော အာဇာနည်တိုင်းရင်းသားပြည်သူလူထုအပေါင်းတို့ကို အမျိုးသားညီညွတ်ရေး အစိုးရကိုယ်စား အလေးပြုဦးညွတ်လိုက်ရပါသည်။မန်းဝင်းခိုင်သန်းပြည်ထောင်စုဝန်ကြီးချုပ်အမျိုးသားညီညွတ်ရေးအစိုးရပြည်ထောင်စုသမ္မတမြန်မာနိုင်ငံတော်

ကြေညာချက်အမှတ် (၇/၂၀၂၁)

ကြေညာချက်အမှတ် (၇/၂၀၂၁)

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရwww.nugmyanmar.orgကြေညာချက်အမှတ် (၇/၂၀၂၁)၁၇ ဇွန် ၂၀၂၁ခုနစ်“ကင်းမရွာ ဖြစ်စဉ်နှင့်စပ်လျဉ်းသည့် ထုတ်ပြန်ကြေညာချက်”မကွေးတိုင်းဒေသကြီး ပေါက်မြို့နယ် ကင်းမရွာနေ အပြစ်မဲ့ပြည်သူများအား ၂၀၂၁ ခုနှစ် ဇွန်လ ၁၆ ရက်နေ့ညတွင် အကြမ်းဖက်စစ်ကောင်စီတပ် နှင့် အကြမ်းဖက် ရဲတပ်ဖွဲ့များက တိုက်ခိုက်ခဲ့ပြီး၊ ရွာလုံးကျွတ် မီးရှို့ခဲ့ခြင်းအပေါ် အမျိုးသားညီညွတ်ရေးအစိုးရအနေဖြင့် အပြင်းထန်ဆုံး ရှုတ်ချလိုက်သည်။ အကြမ်းဖက်စစ်ကောင်စီလက်အောက်ခံ ဒီးဒုတ်ကွင်း ကျေးရွာအုပ်ချုပ်ရေးမှူး၏ နေအိမ်အနီး ပစ်ခတ်မှုဖြစ်စဉ်အတွင်း သံသယရှိခံရသူ၏ မော်တော်ဆိုင်ကယ်နံပါတ်သည် ကင်းမရွာသို့ ခြေရာခံမိသည်မှအစပြု၍ ကင်းမရွာရှိ ပြည်သူများသည် ဖြစ်ပေါ်လာနိုင်သည့် စစ်တပ်၏ စီးနင်းတိုက်ခိုက်မှုမှ ရှောင်တိမ်းနိုင်ရန် အိုးအိမ်များကို စွန့်ခွာထွက်ပြေးခဲ့ကြရသည်။ ဒေသခံမျက်မြင်သက်သေများ၏ ထွက်ဆိုချက်များအရ အကြမ်းဖက် ရဲတပ်ဖွဲ့များ နှင့် အရပ်ဝတ်စစ်သားများသည် ကျေးရွာသို့ ရောက်ရှိလာပြီး ကျေးရွာနေပြည်သူများ၏ အိုးအိမ်ပိုင်ဆိုင်မှုများကို မီးရှို့ဖျက်ဆီးခဲ့ကြသည်။ ကင်းမရွာနေ ပြည်သူများ၏ ပြောပြချက်အရ ကင်းမရွာ၏ ၈၀ ရာခိုင်နှုန်းသော လူနေအိမ်များ ပျက်ဆီးခဲ့ရသည်။ သက်ကြီးရွယ်အို နှစ်ဦးမှာလည်း ပျောက်ဆုံးလျက်ရှိသည်။  နိုင်ငံတကာအသိုက်အဝန်းက အကြမ်းဖက်မှုများ မလုပ်ဆောင်ရန် ထပ်ခါတလဲလဲ တိုက်တွန်းနေသော်လည်း အကြမ်းဖက်စစ်ခေါင်းဆောင်များနှင့် ၎င်းတို့၏တပ်များသည် ယင်းတိုက်တွန်းချက်များအား လိုက်နာဆောင်ရွက်ရန် လုံးဝဆန္ဒမရှိကြောင်းကို ကင်းမရွာတွင် အကြမ်းဖက်စစ်ကောင်စီ၏ လက်အောက်ခံတပ်ဖွဲ့များက ကျူးလွန်သည့် ရာဇဝတ်မှုများက ပြဆိုနေသည်။ ဆယ်စုနှစ်ပေါင်းများစွာအတွင်း တိုင်းရင်းသားဒေသများတွင် ဖြစ်ပွားခဲ့သော လူသားမျိုးနွယ်အပေါ်ကျူးလွန်သည့် ရာဇဝတ်မှုများကို ကျူးလွန်သူမှာ အကြမ်းဖက်စစ်တပ်ပင် ဖြစ်ကြောင်း ကင်းမရွာတွင် ဖြစ်ပွားခဲ့သည့် အကြမ်းဖက်မှုများက ခိုင်မာသော သက်သေပင်ဖြစ်သည်။အကြမ်းဖက်စစ်ကောင်စီနှင့်လက်ပါးစေတပ်ဖွဲ့များသည် တရားဥပဒေစိုးမိုးမှုကို ထပ်ခါတလဲလဲ မျက်ကွယ်ပြုကာ၊ လူ့အခွင့်အရေးများကို ချိုးဖောက်လျက် လူသားမျိုးနွယ်ကို ဆန့်ကျင်သော ရာဇဝတ်မှု များကို ကျူးလွန်လျက်ရှိသည်။ ယနေ့အချိန်အထိ ရရှိသော စာရင်းများအရ အကြမ်းဖက်စစ်တပ်၏ သတ်ဖြတ်မှုကြောင့် အပြစ်မဲ့ပြည်သူ ၈၆၄ ဦး အသက်ဆုံးရှုံးခဲ့ရပြိး ၄၈၉၃ ဦးမှာ တရားဥပဒေမဲ့ ဖမ်းဆီးခြင်း၊ အရေးယူခြင်း ခံနေကြရသည်။  ၂၀၂၁ ခုနှစ် ဖေဖော်ဝါရီလ ၁ ရက်နေ့၌ အကြမ်းဖက်စစ်တပ်က အာဏာသိမ်းပြီးသည့်နောက်တွင် အကြမ်းဖက်မှုများ ဆက်တိုက် ကျူးလွန်ခြင်းဖြင့် ၎င်း၏ အာဏာစက်သက်ရောက်စေရန်  ဆောင်ရွက်လျက်ရှိသော်လည်း ယင်းဆောင်ရွက်မှုမှာ ကျရှုံးခဲ့ပြီ ဖြစ်သည်။ အကြမ်းဖက်စစ်တပ်က ကျူးလွန်သည့် ရာဇဝတ်မှုများကို ဒေသခံအဆင့်၊ နိုင်ငံတော်အဆင့် နှင့် နိုင်ငံတကာအဆင့် များရှိ သက်ဆိုင်သူများအားလုံးအနေဖြင့် ဆက်လက်မှတ်တမ်းတင်ထားရန် အမျိုးသားညီညွတ်ရေးအစိုးရက တိုက်တွန်းပါသည်။ အကြမ်းဖက်စစ်တပ်အား အပြစ်ပေးအရေးယူနိုင်ရန်အတွက် ၎င်းကျူးလွန်သည့် ရာဇဝတ်မှုများ နှင့် စပ်လျဉ်းသည့် သက်သေများကို စုဆောင်းထားရှိခြင်းသည် အခြေခံကျကျ အရေးပါလျက်ရှိသည်။ အမျိုးသားညီညွတ်ရေးအစိုးရသည် နွေဦးတော်လှန်ရေးတွင် ပါဝင်တိုက်ပွဲဝင်လျက်ရှိသည့် တော်လှန်ရေး ရဲဘော်များအားလုံးနှင့် အတူတကွလက်တွဲကာ ၂၀၂၁ ခုနှစ် ဖက်ဒရယ်ဒီမိုကရေစီပဋိဉာဉ်ပါ ရည်မှန်းချက်များ အောင်မြင်သည်အထိ တိုက်ပွဲဝင်သွားမည်ဖြစ်ပြီး၊ အကြမ်းဖက်စစ်ကောင်စီကို အောင်နိုင်၍ အရပ်သားအစိုးရ အုပ်ချုပ်မှုအောက်တွင် တည်ငြိမ်ပြီး လူ့ဂုဏ်သိက္ခာကို အပြည့်အဝ အကာအကွယ်ပေးနိုင်မည့် ဖက်ဒရယ်ဒီမိုကရေစီ ပြည်ထောင်စု ပေါ်ထွန်းလာသည်အထိ အားသွန်ခွန်စိုက် ကြိုးပမ်းဆောင်ရွက်သွားမည်ဖြစ်ကြောင်း ကတိပြု အပ်ပါသည်။

ကြေညာချက်အမှတ် (၆/၂၀၂၁)

ကြေညာချက်အမှတ် (၆/၂၀၂၁)

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရwww.nugmyanmar.orgကြေညာချက်အမှတ် (၆/၂၀၂၁)၁၆ ဇွန် ၂၀၂၁ ခုနှစ်၁။       အကြမ်းဖက်စစ်ကောင်စီသည် ၂၀၂၁ ခုနှစ်၊ ဖေဖော်ဝါရီလ ၁ ရက်နေ့ အာဏာသိမ်းခဲ့သည့် အချိန်မှစ၍  တည်ဆဲဥပဒေများကို ချိုးဖောက်ပြီး နိုင်ငံတော်ခေါင်းဆောင်များ အပါအဝင် ပြည်သူလူထု တစ်ရပ်လုံးကို ဥပဒေနှင့်ညီညွတ်ခြင်းမရှိပဲအကြောင်းအမျိုးမျိုးဖြင့်   ဖမ်းဆီးချုပ်နှောင်ခြင်း၊ မတရားသော ဥပဒေပုဒ်မများဖြင့် အမှုဆင်အရေးယူခြင်း၊   တရားမျှတမှုမဲ့စွာ စီရင်ဆုံးဖြတ်ပြီး ထောင်သွင်းအကျဉ်းချခြင်းများကို ဆိုးရွားစွာ ဆက်တိုက် ကျူးလွန်လျက်ရှိသည်။၂။         အကြမ်းဖက်စစ်ကောင်စီ၏ အဆိုပါလုပ်ဆောင်ချက်များသည် လူ့အခွင့်အရေးနှင့် နိုင်ငံသား အခွင့်အရေးများ ကို ပြောင်ပြောင်တင်းတင်း ချိုးဖောက်နေခြင်းသာမက ရာဇဝတ်ပြစ်ဒဏ်ထိုက်သော ပြစ်မှုကြီးများကို စနစ်တကျ ဂိုဏ်းဖွဲ့၍ ကျူးလွန်နေခြင်းလည်း ဖြစ်သည်။၃။         နိုင်ငံတော်သမ္မတ ဦးဝင်းမြင့်၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင် အခြားခေါင်းဆောင်များ အပေါ် ၂၀၂၁ ခုနှစ်၊ ဇွန်လ ၉ ရက်နေ့၌ အဂတိလိုက်စားမှုတိုက်ဖျက်ရေးဥပဒေ ပုဒ်မ ၅၅ နှင့် ပုဒ်မ ၅၅ ⁄ ၆၃ တို့အရ သက်ဆိုင်ရာ ရဲစခန်းအသီးသီးတွင် တိုင်ချက်ဖွင့်၍ တရားစွဲဆိုခြင်း၊ အရေးယူရန် ဆောင်ရွက်ခြင်းသည် နိုင်ငံတော်၏အတိုင်ပင်ခံပုဂ္ဂိုလ်အပါအဝင် ပြည်သူတို့၏ရွေးကောက်တင်မြှောက်မှုဖြင့် တာဝန်ယူခဲ့ကြသော ခေါင်းဆောင်များကို မတရားအာဏာသိမ်းမှုနှင့်အတူ ဖမ်းဆီးချုပ်နှောင်ထားပြီး အမျိုးမျိုးသော ပြစ်မှု ပုဒ်မများဖြင့် အမှုဆင် လုပ်ကြံစွပ်စွဲခြင်းများအနက်မှ တစ်ခုဖြစ်ကြောင်း ထင်ရှားလျက်ရှိသည်။ စစ်ကောင်စီသည် မိမိတို့၏ဥပဒေမဲ့လုပ်ရပ်များကို ဤကဲ့သို့သော မသမာသည့် နည်းလမ်းဖြင့် ခေါင်းဆောင်ကြီးများ၏ ဂုဏ်သိက္ခာကိုထိပါးစေအောင် အာဃာတကြီးစွာ ကြံစည်ပုံဖျက်ခြင်းဖြင့်  ထွက်ပေါက်ရမည်ဟု ယူဆပြီး မိုက်မဲစွာ လုပ်ဆောင်ခြင်းသာဖြစ်သည်။၄။ အကြမ်းဖက်စစ်ကောင်စီသည် ပြည်သူလူထုက အာဏာအပ်နှင်းထားသော ပြည်သူ့အစိုးရထံမှ နိုင်ငံတော်၏အာဏာကို လက်နက်အားကိုးဖြင့် သိမ်းယူထားခြင်းကြောင့်  တရားဝင်အစိုးရမဟုတ်သကဲ့သို့ ၎င်းတို့က ဖွဲ့စည်းထားသော တရားရုံးများသည်လည်း တရားဝင်တရားရုံးများမဟုတ်သည်မှာ ထင်ရှားပါသည်။၅။         အကြမ်းဖက်စစ်ကောင်စီ၏ အထက်ဖော်ပြပါဆောင်ရွက်ချက်သည် ဥပဒေကို အလွဲသုံးစား လုပ်သည်သာမက နိုင်ငံတော်၏ ဂုဏ်သိက္ခာကို ကျဆင်းထိခိုက်စေပြီး ကမ္ဘာ့အလယ်တွင် ရှက်ဖွယ်လိလိ ဖြစ်စေသည့် တရားစီရင်ရေး ဆိုင်ရာ ယုတ်မာကောက်ကျစ်သည့် လုပ်ဆောင်ချက် သာလျှင်ဖြစ်ကြောင်း အတိအလင်းထုတ်ပြန်ကြေညာ လိုက်သည်။

ကြေညာချက်အမှတ် (၅/၂၀၂၁)

ကြေညာချက်အမှတ် (၅/၂၀၂၁)

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရwww.nugmyanmar.orgကြေညာချက်အမှတ် (၅/၂၀၂၁)၂၀၂၁ခုနှစ်၊ ဇွန်လ ၁၃ ရက်နေ့၁။ ၂၀၂၁ ခုနှစ်၊ ဇွန်လ ၁၀ရက်နေ့၊ ညပိုင်းတွင် ရှမ်းပြည်နယ်တောင်ပိုင်းနှင့် ကရင်နီ (ကယား) ပြည်နယ်၊ နယ်စပ်ရှိ  မိုးဗြဲမြို့နယ်၊ အနောက်ဘက်ခြမ်း၊ လွယ်ရင်းတောင်ခြေတွင် မြန်မာနိုင်ငံဒေသအနှံ့အပြားမှ စေတနာရှင်များက စစ်ဘေးရှောင်ပြည်သူများအတွက်  ပြည်သူမှ ပြည်သူသို့ ပေးပို့လှူဒါန်းထားသော စားနပ်ရိက္ခာ ဆန်အိတ် ၈၀ ခန့်အပါအဝင် ဆေးဝါးပစ္စည်းများနှင့် ကယ်ဆယ်ရေးထောက်ပံ့ရေးဆောင်ရွက်ရာတွင် အသုံးပြုနေသည့် လူနာတင်ကားတစ်စီးကို အကြမ်းဖက်စစ်ကောင်စီတပ်များက မီးရှို့ဖျက်ဆီးခဲ့ကြောင်း ဓါတ်ပုံအထောက် အထားများနှင့်တကွ ကနဦးသတင်းရရှိပါသည်။၂။ ထို့အတူ ပဋိပက္ခဖြစ်ပွားနေသည့် တိုင်းဒေသကြီးနှင့် ပြည်နယ်အသီးသီးမှ စစ်ဘေး ရှောင်ပြည်သူများနှင့် အတိဒုက္ခရောက်နေကြသည့် ဘေးသင့်ပြည်သူများအား နည်းအမျိုးမျိုးဖြင့် ကူညီထောက်ပံ့ပေးနေသော လူမှုအဖွဲ့အစည်းများနှင့် လူပုဂ္ဂိုလ်များကိုလည်း စစ်ကောင်စီတပ်များက အကြောင်းမဲ့ ဖမ်းဆီးအရေးယူခြင်း၊ အကြမ်းဖက်ခြင်း၊ ကူညီကယ်ဆယ်ရေးပစ္စည်းများကို လုယက်ဖျက်ဆီးခြင်းနှင့် ထောက်ပံ့ရေးလမ်းကြောင်းများကို ပိတ်ဆို့တားဆီးခြင်းတို့ကို အစဉ်တစိုက် ပြုလုပ်လျက်ရှိကြောင်း တွေ့ရှိနေရသည်။၃။ စစ်ကောင်စီတပ်များ၏ ယင်းကဲ့သို့ ဥပဒေမဲ့လုပ်ရပ်များသည် မြန်မာနိုင်ငံက လက်မှတ် ရေးထိုးထားသော The Fourth Geneva Convention Relative to the Protection of Civilian Persons in Time of War of 12 August 1949 ၏ Article 3 ကို တိုက်ရိုက်ချိုးဖောက်ကျူးလွန်နေခြင်းဖြစ်သည်။ ထို့အပြင် မြန်မာ့ကာကွယ်ရေး အက်ဥပဒေ ၁၉၅၉ ပါ ပြဋ္ဌာန်းချက်များကိုလည်း ချိုးဖောက်ရာရောက်ပါသည်။၄။ ကမ္ဘာ့ကုလသမဂ္ဂအဖွဲ့ကြီးက ၂၀၂၁ခုနှစ်၊ မေ ၂၁ ရက်နေ့တွင် ထုတ်ပြန်ခဲ့သည့် ကြေညာချက်အရ အရပ်သားများနှင့် အများပြည်သူပိုင် အဆောက်အဦများကို အကာအကွယ်ပေးရန်နှင့် ဘေးကင်းပြီး တားဆီးပိတ်ဆို့မှု မရှိသည့် လူသားချင်းစာနာမှုအကူအညီများကို သွားလာခွင့်ပေးရန်ဆိုသည့် တိုက်တွန်းချက်ကိုလည်း    လုံးဝ လျစ်လျူရှု၍ ကျူးလွန်ဖောက်ဖျက်နေခြင်းဖြစ်သည်။ ထို့အပြင် ကုလသမဂ္ဂ လူ့အခွင့်အရေးဆိုင်ရာမဟာမင်းကြီး ကလည်း ကယားပြည်နယ်မှ စစ်ဘေးရှောင်ပြည်သူများ၏ လူသားချင်းစာနာမှု အကူအညီများကို စစ်ကောင်စီ တပ်သားများက တားဆီးပိတ်ဆို့ခြင်းများ ဆောင်ရွက်နေသည့်အပေါ် သတိပြု စိုးရိမ်ကြောင်း ၂၀၂၁ ခုနှစ်၊ ဇွန်လ ၁၂ ရက်နေ့တွင် ထုတ်ပြန်ကြေညာခဲ့ပါသည်။၅။ သို့ဖြစ်ရာ ပြည်ထောင်စုသမ္မတမြန်မာနိုင်ငံတော်၊ အမျိုးသားညီညွတ်ရေးအစိုးရ အနေဖြင့် စစ်ကောင်စီ၏ လူမဆန်သော အကြမ်းဖက်လုပ်ရပ်များဖြစ်သည့် လူသားချင်းစာနာမှုအကူအညီများကို ပိတ်ဆို့ဖျက်ဆီးခြင်း၊ လူသားချင်းစာနာမှုကိုပြသရန် ရည်ရွယ်ချက်ဖြင့် အကူအညီပေးအပ်ရန် ကြိုးပမ်းဆောင်ရွက်နေသူများကို ဖမ်းဆီးနှောင့်ယှက်ခြင်း အစရှိသည့် ဖောက်ဖျက်ကျုးလွန်မှုများကို ပြင်းထန်စွာရှုတ်ချလိုက်ပြီး၊ ကုလသမဂ္ဂနှင့် နိုင်ငံတကာ အသိုက်အဝန်းအနေဖြင့် စစ်ကောင်စီ၏ အဆိုပါလူမဆန်သည့်လုပ်ရပ်များကို အမြန်ဆုံးရပ်တန့်ရန် အတွက်  ဆက်လက်ဖိအားပေးလုပ်ဆောင်ရမည်ဖြစ်ကြောင်း တိုက်တွန်းအပ်ပါသည်။

သတင်းထုတ်ပြန်ချက် (၄/၂၀၂၁)

သတင်းထုတ်ပြန်ချက် (၄/၂၀၂၁)

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရwww.nugmyanmar.orgသတင်းထုတ်ပြန်ချက် (၄/၂၀၂၁)၁၀ ဇွန်လ ၂၀၂၁ခုနှစ်၁။ ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရက တရားရေဝန်ကြီးဌာန၊ ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာနနှင့် လျှပ်စစ်နှင့် စွမ်းအင်ဝန်ကြီးဌာနတို့ကို ထပ်မံဖွဲ့စည်းခဲ့ပြီး နိုင်ငံတော်သမ္မတက အမည်စာရင်းတင်သွင်းသော ပြည်ထောင်စုဝန်ကြီးများကို ပြည်ထောင်စု လွှတ်တော် ကိုယ်စားပြုကော်မတီ (CRPH) က အတည်ပြုခန့်အပ်ပေးခဲ့သည်။ ၁၂။ ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရ “အကြမ်းဖက်မှုတိုက်ဖျက်ရေးနှင့် အကြမ်းဖက်အဖွဲ့အစည်းများကြေညာခြင်း” ခေါင်းစဉ်ဖြင့် ကြေညာချက်အမှတ် (၃/၂၀၂၁) ၂ ကို ၇ ဇွန် ၂၀၂၁ခုနစ် နေ့စွဲဖြင့်ထုတ်ပြန်ခဲ့သည်။ အဆိုပါကြေညာချက်တွင် အောက်ပါအချက်များပါဝင်သည်။စစ်ကောင်စီ၏ တပ်မတော်နှင့် ၎င်း၏အပေါင်းအပါအဖွဲ့အစည်းများသည်- အရပ်သား ၈၀၀ ကျော်ကို သေစေနိုင်သောလက်နက်များဖြင့် ပစ်ခတ်သတ်ဖြတ်ခြင်း-  လူပေါင်း ၅၀၀၀ ကျော်အား မတရားဖမ်းဆီးချုပ်နှောင်ထားပြီး၊ အများစုမှာ အနှိပ်စက်ခံရခြင်း၊ လိင်ပိုင်းဆိုင်ရာစော်ကားခြင်း- ဘဏ်စနစ်ပြိုလဲလုနီးပါးအခြေအနေဖြင့် တိုင်းပြည်စီးပွားရေးကိုချွတ်ခြုံကျစေပြီး အများပြည်သူ၏ ပိုင်ဆိုင်မှု စည်းစိမ်ဥစ္စာတို့အားပျက်စီးစေခြင်း- စားနပ်ရိက္ခာအကျပ်အတည်းကို လျစ်လျူရှုထားပြီး မကြာခင်ကာလများအတွင်း စားနပ်ရိက္ခာ အကျပ်အတည်း၏ ရိုက်ခတ်မှုကိုကြုံတွေ့ရမည့် လူပေါင်း (၁) သန်းမှ (၃) သန်းအထိ မြင့်မားသွားနိုင်ခြေရှိခြင်း- မြန်မာနိုင်ငံ၏ COVID CERP အစီအစဉ်ကို ပစ်ပယ်လိုက်ခြင်းဖြင့် တိုင်းပြည်၏ ကျန်းမာရေးကဏ္ဍ ကျဆုံးသွားခြင်း။- ငွေကြေးခဝါချမှု လုပ်ငန်းကြီးများပြုလုပ်ခြင်း စသည်တို့ကို ကျူးလွန်ခဲ့သောကြောင့် အမျိုးသားညီညွတ်ရေးအစိုးရ(NUG)သည် စစ်ကောင်စီ၏တပ်မတော်နှင့် ၎င်းနှင့်ဆက်စပ်လျက် ရှိသော အဖွဲ့အစည်းများအား မြန်မာနိုင်ငံ အကြမ်းဖက်မှုတိုက်ဖျက်ရေးဥပဒေပုဒ်မ (၃) အရ အကြမ်းဖက် အဖွဲ့အစည်းများအဖြစ် သတ်မှတ်ကြေညာလိုက်သည်။ မြန်မာနိုင်ငံဥပဒေတွင် အကြမ်းဖက်မှု ကျူးလွန်ရန် ရည်ရွယ်ချက်ဖြင့် “အများပြည်သူ၏ လုံခြုံရေးကိုဖြစ်စေ၊ အသက် အိုးအိမ်စည်းစိမ်ကိုဖြစ်စေ၊ ပြင်းထန်စွာ ထိခိုက်ဆုံးရှုံးစေရန် ပြုလုပ်သည့် ပြစ်မှုများ” ကို ကျူးလွန်လျှင် ဥပဒေအရ အကြမ်းဖက်မှုမြောက်သည်။ ၃။ ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရ “Non-CDM များနှင့်ပတ်သက်သော သဘောထားကြေညာချက်” ခေါင်းစဉ်ဖြင့် ကြေညာချက်အမှတ် (၄/၂၀၂၁) ၃ ကို ၈ ဇွန် ၂၀၂၁ခုနစ် နေ့စွဲဖြင့်ထုတ်ပြန်ခဲ့သည်။ အဆိုပါ ကြေညာချက်တွင် အမျိုးသားညီညွတ်ရေးအစိုးရအနေဖြင့် Civil Disobedience Movement (CDM) - အကြမ်းမဖက် အာဏာဖီဆန်ရေး လှုပ်ရှားနေကြသော တော်လှန်ရေးသူရဲကောင်းများအား ဤနေရာမှ လေးစားစွာ ဂုဏ်ပြု မှတ်တမ်းတင်ကြောင်း၊  အမျိုးသားညီညွတ်ရေးအစိုးရအနေဖြင့် ကိုယ်တိုင်က CDM ပြုလုပ်ခြင်းမရှိသည့်အပြင် CDM ပြုလုပ်သူများအား အနိုင့်အထက်ပြု ခြိမ်းခြောက်အကြပ်ကိုင်လျက်ရှိသော ဝန်ထမ်းဆိုးများကို စနစ်တကျ စာရင်းပြုစုလျက်ရှိသလို၊ Non-CDM များ၊ CDM များ ၏ စာရင်းများကို CDM ပြုလုပ်သည့် အချိန်ကာလပေါ်မူတည်၍ အဆင့်များခွဲခြားကာ စနစ်တကျ စာရင်းပြုစုလျက်ရှိပြီး စစ်အာဏာရှင် ပြုတ်ကျပြီး ဖက်ဒရယ်ဒီမိုကရေစီပြည်ထောင်စု တည်ထောင်သည့်အချိန်တွင် အဆိုပါ စာရင်းများအပေါ်မူတည်၍ တရားသော စီရင်ဆောင်ရွက်မှုများကို တိကျစွာဆောင်ရွက်သွားမည်ဖြစ်ကြောင်း စသည်တို့ပါဝင်သည်။၄။ အမျိုးသားညီညွတ်ရေးအစိုးရ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန၏ တရားဝင် အင်တာနက်စာမျက်နှာ mohai.nugmyanmar.org ကို ထုတ်လွှင့်လိုက်ပြီး အဆိုပါ အင်တာနက်စာမျက်နှာတွင် အကြမ်းဖက်စစ်ကောင်စီ၏လူမျိုးတုံးသတ်ဖြတ်မှုနှင့်လူသားများအပေါ် ကျူးလွန်သည့်ရာဇဝတ်မှုများအတွက် တာဝန်ရှိသူများကို တရားမျတမှုအောက်သို့ခေါ်ဆောင်ပြီး ပြည်တွင်းတရားရုံးများနှင့် နိုင်ငံတကာရာဇဝတ် ခုံရုံးများတွင် ကြီးလေးသောပြစ်ဒဏ်ပေးနိုင်ရန် လူမျိုးတုံးသတ်ဖြတ်မှုနှင့် လူသားများအပေါ် ကျူးလွန်သည့် ရာဇဝတ်မှုများကာကွယ်နိုင်ရန် နှင့် အသွင်ကူးပြောင်းမှုကာလ တရားမျှတမှုကို ဆောင်ရွက်နိုင်ရန်အတွက် ကျူးလွန်ခံရသူများအနေဖြင့် အထောက်အထားအပြည့်အစုံနှင့်တကွ တိုင်ကြားနိုင်သည့် လမ်းကြောင်းတစ်ခုကို ဖော်ဆောင်ပေးထားပြီး ထိုသို့ တိုင်ကြားနိုင်ကြောင်း ကြေညာချက်တစ်ရပ်၄ လည်း ထုတ်ပြန်ခဲ့သည်။၅။ အမျိုးသားညီညွတ်ရေးအစိုးရ အလုပ်သမားဝန်ကြီးဌာနက CDM ပြုလုပ်နေကြသော ပြည်သူ့ဝန်ထမ်းများနှင့်ပတ်သက်သည့် ကြေငြာချက်အမှတ် ၁/၂၀၂၁ကို၅ ၂၀၂၁ ခုနှစ်၊ ဇွန်လ၊ (၈)ရက်နေ့ရက်စွဲဖြင့် ထုတ်ပြန်ခဲ့သည်။ အဆိုပါ ကြေညာချက်တွင် CDM ပြုလုပ်၍ ရုံးတက်ပျက်ကွက်သည့် ဝန်ထမ်းများအား ၁၅-၂-၂၀၂၁ ရက်နေ့မှစ၍ နိုင်ငံဝန်ထမ်းနည်းဥပဒေ ၁၇၁ အရ တာဝန်မှ ယာယီရပ်ဆိုင်းကြောင်း အမိန့်ကြော်ငြာစာ အသီးသီး ကို လက်ရှိ စစ်ကောင်စီ၏ အမိန့်နာခံသည့် ဌာနတာဝန်ရှိသူများမှ မတရား ထုတ်ပြန်ခဲ့ကြောင်း၊ ယခင်အစိုးက ထုတ်ချေးထားသော (၂) လစာချေးငွေနှင့် အချို့သောဝန်ထမ်းများအား အလုပ်ခန့်ထားစဉ်က ဝန်ထမ်းခန့်ထားရေး မူအရ ချုပ်ဆိုထားသော ကတိဝန်ခံချက်စာချုပ်သက်တမ်း မပြည့်သေးသည့် အကြောင်းပြချက်ဖြင့် စာချုပ်အရ လျော်ကြေး ငွေများကို (၂)ပတ်အတွင်း နောက်ဆုံးထားပေးသွင်းရန်နှင့် ပျက်ကွက်ပါက တည်ဆဲဥပဒေနှင့်အညီ တရားစွဲဆိုသွားမည်ဖြစ်ကြောင်း ဝန်ထမ်းအချို့အားစာဖြင့် ခြိမ်းခြောက်နေကြောင်း၊ ထိုသို့ ခြိမ်းခြောက်နေခြင်းနှင့်ပတ်သက်၍ အမျိုးသားညီညွတ်ရေးအစိုးရ၏ စီမံကိန်းနှင့် ဘဏ္ဍာရေးဝန်ကြီးဌာနက ချေးငွေများအား ပြန်လည်ပေးဆပ်ရန် မလိုအပ်သော ချေးငွေများအဖြစ် ၂ ကြိမ်တိုင်တိုင်ကြေညာကြောင်း၊ သို့ဖြစ်ပါ၍ စစ်ကောင်စီ၏ ဝန်ထမ်းဥပဒေ၊ နည်းဥပဒေများနှင့် ကိုက်ညီမှုမရှိသော လုပ်ဆောင်ချက်များအား ရှုတ်ချပါကြောင်းနှင့် CDM ဝန်ထမ်းများအနေဖြင့် (၂) လစာ ချေးယူငွေများ နှင့် လုပ်သက်စာချုပ်လျော်ကြေးများအား ပေးလျော်ရန် မလိုအပ်ကြောင်း စသည့်အချက်များပါဝင်ပါသည်။ ၆။ အသစ်ဖွဲ့စည်းလိုက်သော လျှပ်စစ်နှင့်စွမ်းအင်ဝန်ကြီးဌာနက “လျှပ်စစ်ဓာတ်အားခများကောက်ခံနေမှု နှင့် ပတ်သက်၍ သတိပေးထုတ်ပြန်ခြင်း။” အကြောင်းအရာနှင့်ပတ်သက်သော အမိန့်ကြော်ငြာစာအမှတ် (၁/၂၀၂၁) ၆ ကို ၂၀၂၁ ခုနှစ် ဇွန်လ ၈ ရက်နေ့ ရက်စွဲဖြင့် ထုတ်ပြန်ခဲ့သည်။ အဆိုပါ သတိပေးထုတ်ပြန်မှုတွင် CRPH ၂၀၂၁ ခုနှစ် မတ်လ ၁၈ ရက်နေ့တွင် ထုတ်ပြန်ခဲ့သော ကြေညာချက်ပါ (က) အိမ်သုံးအမျိုးအစား လျှပ်စစ်ဓါတ်အားခကျသင့်ငွေနှင့် မီတာဝန်ဆောင်ခများကို သုံးစွဲမှုယူနစ်အားလုံးအတွက် ခြွင်းချက်မရှိ ကင်းလွတ်ခွင့်(အခမဲ့)ပြုခြင်း (ခ) အိမ်သုံးမဟုတ်သည့် အမျိုးအစားများအတွက် လျှပ်စစ်ဓါတ်အားခ ကျသင့်ငွေနှင့် အခြားဝန်ဆောင်ခများ ကောက်ခံခြင်းကို သုံးစွဲမှုယူနစ်အားလုံးအတွက် ခေတ္တဆိုင်းငံ့ခြင်း တို့ကို ဝန်ကြီးဌာနအနေဖြင့် ဆက်လက်အတည်ပြုကြောင်း၊ လျှပ်စစ်မီတာခများ ကောက်ခံနေမှု၊ ပြည်သူလူထုအား ခြိမ်းခြောက်နေမှုကို လုံးဝရန်ဆိုင်းရန်၊ နိုင်ငံတော်အစိုးရ၏ ကြေညာချက်အတိုင်း ဓါတ်အားခမပေး ဆောင်ကြသည် ဖြစ်စေကာမူ လျှပ်စစ်ဆိုင်ရာ ဝန်ဆောင်မှုများအား ကောင်းမွန်စွာစောင့်ရှောက်ကြရန် လျှပ်စစ်ဓါတ်အားဖြန့်ဖြူးရေးလုပ်ငန်း (ESE)၊ ရန်ကုန်လျှပ်စစ်ဓါတ်အားပေးရေးကော်ပိုရေရှင်း(YESC) နှင့် မန္တလေးလျှပ်စစ်ဓါတ်အားပေးကော်ပိုရေးရှင်း(MESC) တို့၏ဝန်ထမ်းများနှင့် ဌာနနှင့်ပူးပေါင်းဆောင်ရွက်နေသော Franchise လုပ်ငန်းများ၏ ဝန်ထမ်းများကို ညွှန်ကြားလိုက်ကြောင်း၊ ညွှန်ကြားချက်များအား မလိုက်နာသော ညွှန်ကြားသူ၊ လက်တွေ့လုပ်ဆောင်သူ စသည့် တာဝန်ရှိသူ တစ်ဦးချင်းသည် နိုင်ငံ့ဝန်ထမ်းဥပဒေအရလည်းကောင်း၊ ရာဇသတ်ကြီးဥပဒေပုဒ်မ ၁၂၂/၁၂၄ ပါအတိုင်း နိုင်ငံတော်၏ ကျေးဇူးသစ္စာ ဖောက်ဖျက်ပုန်ကန်မှုအဖြစ်လည်းကောင်း၊ အများပြည်သူအကျိုးစီးပွားစောင့်ရှောက်ရေး ဥပဒေအရလည်းကောင်း အရေးယူခံရမည်ဖြစ်ကြောင်းနှင့် နိုင်ငံပိုင်စီးပွားရေးအဖွဲ့အစည်းများနှင့် ပူးပေါင်းဆောင်ရွက်လျက်ရှိသော Franchise ကုမ္ပဏီများသည်လည်း အမည်ပျက်စာရင်း(Blacklist) သွင်းခံရမည်ဖြစ်ကြောင်းကို သတိပေးကြောင်း စသည်တို့ပါဝင်ပါသည်။ ၇။ အမျိုးသားညီညွတ်ရေးအစိုးရ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်ဇင်မာအောင်က တရုတ်ပြည်သူ့သမ္မတနိုင်ငံ နိုင်ငံခြားရေးဝန်ကြီးထံသို့ စာတစ်စောင် ၇ ပေးပို့ခဲ့သည်။ အဆိုပါစာတွင် မြန်မာနိုင်ငံ အမျိုးသားညီညွတ်ရေးအစိုးရသည် တရုတ်သံရုံး၏ ဇွန်လ (၅) ရက်နေ့က စစ်ကောင်စီ ခေါင်းဆောင်နှင့် တရုတ်သံအမတ်ကြီးတို့ တွေ့ဆုံသည့်အကြောင်း သတင်းထုတ်ပြန်ချက်တွင် မင်းအောင်လှိုင်အား မြန်မာနိုင်ငံ၏ “ခေါင်းဆောင်” အဖြစ် ရည်ညွှန်းသည့်အပေါ် ရှုံ့ချကြောင်း၊ ၎င်းသည် နိုင်ငံ၏ တရားဝင်ခေါင်းဆောင်မဟုတ်ကြောင်း၊ တရုတ်-အာဆီယံ နိုင်ငံခြားရေး ဝန်ကြီးများ အစည်းအဝေးနှင့် နှစ်သုံးဆယ်ပြည့် အခမ်းအနား ပွဲများကို စီစဉ်ကျင်းပရာတွင် တရုတ်နှင့် အာဆီယံနှစ်ဦးလုံးသည် အမျိုးသားညီညွတ်ရေး အစိုးရနှင့် ဆွေးနွေးရန် ပျက်ကွက်ခဲ့ကြောင်း၊ မြန်မာနိုင်ငံသည် တရုတ်နိုင်ငံနှင့်အတူ လန်ကန်-မဲခေါင် ပူးပေါင်း ဆောင်ရွက်ရေး (LMC) ၏ ပူးတွဲသဘာပတိ ဖြစ်သော်လည်း တရုတ်နိုင်ငံဘက်မှ အမျိုးသား ညီညွတ်ရေးအစိုးရအား တိုင်ပင်ဆွေးနွေးရန် ပျက်ကွက်ခဲ့ကြောင်း၊ မင်းအောင်လှိုင်က နိုင်ငံအတွင်း တည်ငြိမ်မှု ရမှသာ အာဆီယံ၏ ကြိုးပမ်းမှုများကို စတင်နိုင်ကြောင်း ပြောကြားချက်ကို တရုတ်နှင့် အာဆီယံတို့က ပြင်းထန်စွာ ငြင်းပယ်သင့်ကြောင်း စသည်တို့ ပါဝင်သည်။ ၈။ “အမျိုးသားညီညွတ်ရေးအစိုးရအနေဖြင့် ဇွန်လ ၁၁ရက်နေ့မှ ၁၃ ရက်နေ့အထိကျင်းပပြုလုပ်မည့်  G7  ကမ္ဘာထိပ်သီးခေါင်းဆောင်များ တွေ့ဆုံမည့်အစည်းအဝေးတွင်  မြန်မာနိုင်ငံ၏အရေးကိစ္စကို ဆွေးနွေးအဖြေရှာ ကူညီကြပါရန် NUG အနေနှင့်တောင်းဆိုထားသော စာကို ဗြိတိသျှဝန်ကြီးချုပ်ဆီပေးပို့ခဲ့ပြီး တက်ရောက်လာမည့် ကမ္ဘာ့ထိပ်သီးခေါင်းဆောင်များထံ ဖြန့်ဝေပေးရန် တောင်းဆိုထားကြောင်း၊ G7 အစည်းအဝေးမှ ထွက်ပေါ်လာသော ရလာဒ်များကို ဗြိတိသျှလွှတ်တော်တွင်  ဆက်လက်ဆွေးနွေးပေးရန် တောင်းဆိုထားကြောင်း၊ အမျိုးသားညီညွတ်ရေး အစိုးရ ပြည်ထောင်စုဝန်ကြီး မန်းဝင်းခိုင်သန်းကလည်း G7 အစည်းအဝေးအတွက် NUG ၏သတင်းစကားကို ပေးပို့ထားပြီးဖြစ်ပါကြောင်း” အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန  ပြည်ထောင်စုဝန်ကြီး ဒေါက်တာဆာဆာမှ ပြောကြားထားပါသည်။ ၉။ “မတ်လ (၁၃) ရက်နေ့မှာ ဗြိတိသျှ လွှတ်တော်သို့ ကျွန်တော် ပန်ကြားခဲ့တဲ့ ကိစ္စရပ်များကို အလေးအနက်ထား တုန့်ပြန်သောအားဖြင့် ဗြိတိန်နိုင်ငံ၏ အာရှရေးရာဝန်ကြီး နီဂယ်အဒမ် က စစ်အာဏာရှင်ဒဏ်ကို ခံစားနေရတဲ့ မြန်မာနိုင်ငံသူ၊ နိုင်ငံသားများ၏ ကျန်းမာရေး၊ ပညာရေး၊ စားနပ်ရိက္ခာနှင့် နားခိုရာနေရာ စသည့် လူသားချင်းစာနာ ထောက်ထားသည့် ကိစ္စများမှာ ကူညီဖို့ ပေါင် (၂၈) သန်း လျာထားပြီး ဖြစ်ပါတယ်။ ပါတီစုံမှ ဗြိတိသျှ လွှတ်တော်အမတ် (၆) ဦး လတ်မှတ်ထိုးပြီး အမျိုးသားညီညွတ်ရေး အစိုးရကို ယူကေအစိုးရအနေနဲ့ တရားဝင် အစိုးရအဖြစ် အသိအမှတ်ပြုရန် တောင်းဆိုပေးခဲ့ကြတာကိုလည်း ကျေးဇူး အထူးတင်ရှိပါတယ်” ဟု အမျိုးသားညီညွတ်ရေးအစိုးရ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စု ဝန်ကြီး ဒေါက်တာဆာဆာက ပြောကြားခဲ့ပါသည်။၁၀။ “COVID 19 ရောဂါတတိယလှိုင်းနှင့်ပတ်သက်၍ အာဏာသိမ်းစစ်ကောင်စီက ထိရောက်သော ထိမ်းချုပ်မှုကို ပေးနိုင်မည်မဟုတ်သည်မှာသေချာသောကြောင့် ပြည်သူတစ်ဦးချင်း တစ်ယောက်ချင်း အနေနဲ့ ကာကွယ်ခြင်း၊ အိမ်တွင်သီးခြားနေထိုင်ခြင်း ၈၊ တစ်ဦးကို တစ်ဦး အသိပေးခြင်း သတိပေးခြင်း စသည့် ထိမ်းချုပ်ကာကွယ်မှုများ၉ ကိုလိုက်နာဆောင်ရွက်ခြင်းသည်သာ မြန်မာပြည်အတွက် အကောင်းဆုံး၊ အထိရောက်ဆုံး ဖြစ်သည်” ဟု အမျိုးသား ညီညွတ်ရေးအစိုးရ ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာဇော်ဝေစိုးက ပြောကြားထား သည်။ ၁၁။ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာန အနေဖြင့် ယခုအပတ်အတွင်း တိုင်းနှင့်ပြည်နယ် ဒေသအသီးသီးသို့ ငွေကျပ် သိန်း ၄၇၀ခန့် တန်ဖိုးရှိ လူသားချင်းစာနာမှုအကူအညီများ ပေးအပ်ခဲ့သည်။ ထို့အပြင် ချင်းပြည်နယ် နှင့် ကရင်နီ ပြည်နယ်များအတွက် လူသားချင်းစာနာမှုအကူအညီများ ဆက်လက်ပေးအပ်နိုင်ရန် ဦးဆောင်စီစဉ်လျက်ရှိပါသည်။အသေးစိတ်သိရှိလိုပါက လေ့လာရန် လင့်ခ်များ၁။ https://www.facebook.com/NUGmyanmar/posts/124277356459571၂။ https://www.facebook.com/NUGmyanmar/posts/124907459729894၃။ https://www.facebook.com/NUGmyanmar/posts/125196859700954၄။ https://www.facebook.com/NUGmyanmar/posts/125085656378741၅။ https://www.facebook.com/NUGmyanmar/posts/125136659706974၆။ https://www.facebook.com/NUGmyanmar/posts/125244489696191၇။ https://www.facebook.com/NUGmyanmar/posts/124952289725411၈။ https://www.facebook.com/MoHNUGMyanmar/posts/149578503868431၉။ https://www.facebook.com/MoHNUGMyanmar/posts/149558040537144

သတင်းထုတ်ပြန်ချက် (၃/၂၀၂၁)

သတင်းထုတ်ပြန်ချက် (၃/၂၀၂၁)

ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရ www.nugmyanmar.orgသတင်းထုတ်ပြန်ချက် (၃/၂၀၂၁)၁။ အမျိုးသားညီညွတ်ရေးအစိုးရ၏ ဝန်ကြီးဌာန (၁၃) ခု၏ အမှတ်တံဆိပ်များ နှင့် မူဝါဒများ၊ လုပ်ငန်းစဉ်များကို အတည်ပြုခဲ့ပြီးဖြစ်သည်။၂။ အမျိုးသားညီညွတ်ရေးအစိုးရ၏ တရားဝင်အင်တာနက်စာမျက်နှာ(Website)ဖြစ်သော https://nugmyanmar.org ကို ထုတ်လွှင့်လိုက်ပြီဖြစ်ပြီး နိုင်ငံခြားရေးဝန်ကြီးဌာန၊ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန၊ ကျန်းမာရေး ဝန်ကြီးဌာန နှင့် လူ့အခွင့်အရေးဆိုင်ရာ ဝန်ကြီးဌာန တို့၏ အင်တာနက်စာမျက်နှာ(Website) များလဲ ပါဝင်ပါသည်။ ကျန်ရှိနေသေးသော ဝန်ကြီးဌာနများ၏ အင်တာနက်စာမျက်နှာ(Website) များကိုလဲ မကြာမီအချိန်အတွင်း ဆက်လက်ထုတ်လွှင့်ပေးသွားမည်ဖြစ်ပါသည်။ ၃။ အမျိုးသားညီညွတ်ရေးအစိုးရ၏ ရိုဟင်ဂျာများနှင့်ပတ်သက်၍ ထားရှိသည့် သဘောထားထုတ်ပြန်ချက် ၁ ကို ယနေ့ထုတ်ပြန်လိုက်သည်။ ယခုထုတ်ပြန်ချက်တွင် ရိုဟင်ဂျာပြည်သူအား “ရိုဟင်ဂျာ” ဟူသော အမည်ဖြင့်သုံးစွဲသွားမည် ဖြစ်ကြောင်း၊ ၁၉၈၂ နိုင်ငံသားဥပဒေကို ပယ်ဖျက်၍ နိုင်ငံသားစံနှုန်းများကို အခြေခံရေးဆွဲသော ဥပဒေသစ်ဖြင့် အစားထိုးဆောင်ရွက်သွားမည်ဖြစ်ကြောင်းနှင့် ရိုဟင်ဂျာများနှင့် အခြားပြည်သူတို့အပေါ် ဆယ်စုနှစ်ပေါင်းများစွာ ကျူးလွန်ခဲ့သည့် ရာဇဝတ်မှုများနှင့်ပတ်သက်၍ အပြစ်ရှိသည့် စစ်တပ်၏ တာဝန်ခံမှုများကိုဖော်ဆောင်နိုင်ရန်အတွက် အပြည်ပြည်ဆိုင်ရာတရားရုံးနှင့် ဆက်လက်ဆောင်ရွက်သွားမည်ဖြစ်ကြောင်း များပါရှိသည်။၄။ အာဏာသိမ်းစစ်ကောင်စီက နိုင်ငံတော်အာဏာကို မတရားသိမ်းယူခဲ့သည့် ဖေဖော်ဝါရီလ (၁) ရက်နေ့မှစ၍ ကရင်ပြည်နယ်၊ရှမ်းပြည်နယ်၊ကချင်ပြည်နယ်၊ချင်းပြည်နယ်နှင့်မကွေးတိုင်းတို့မှ အိမ်ယာစွန့်ခွာရွှေ့ပြောင်းရသူများမှာ မေလ ၂၇ ရက်နေ့အထိ ၈၃၉၀၀ အထိရှိနေပြီဖြစ်ပြီး ကရင်နီပြည်နယ် စစ်ဘေးရှောင်စခန်းများတွင် မေလ ၂၉ ရက်နေ့အထိစာရင်းအရ ၈၀၀၀၀ ကျော်ရှိသွားပြီဖြစ်ပါသည်။ လူသားချင်းစာနာ ထောက်ထားရေးနှင့် ဘေးအန္တရာယ် ဆိုင်ရာစီမံခန့်ခွဲရေး ဝန်ကြီးဌာန အနေဖြင့်  ကရင်၊ ကရင်နီ၊ ရန်ကုန်၊ ရှမ်း၊ ကချင်၊ မွန်၊ ချင်း၊ မန္တလေး၊ တနင်္သာရီ ဒေသများမှ နေရပ်စွန့်ခွာထွက်ပြေးနေရသူ တိုင်းရင်းသားပြည်သူများအတွက် လူသားချင်းစာနာထောက်ထားမှု အကူအညီများ အနေနှင့် သိန်း ၃၀၀၀ ခန့်တန်ဖိုးရှိ အကူအညီများပေးပို့ခဲ့ပြီးဖြစ်သည်။ ၅။ ကာကွယ်ရေးဝန်ကြီးဌာနက ပြည်သူ့ကာကွယ်ရေးတပ်မတော်(PDF)၏ အခြေခံမူဝါဒ ၂ , စစ်သည်တော် ကျင့်ဝတ်စည်းမျဉ်းများ၊ စစ်သုံ့ပန်းများအပေါ် ပြုကျင့်ရမည့် ကျင့်ဝတ်များ၊ အရပ်သားပြည်သူများနှင့် ဆက်ဆံရာတွင် လိုက်နာရမည့် ကျင့်ဝတ်များ၊ အမျိုးသမီးများနှင့် ကလေးငယ်များအပေါ် လိုက်နာရမည့် ကျင့်ဝတ်များပါဝင်သည့် ပြည်သူ့ကာကွယ်ရေးတပ်မတော် စစ်ဘက်ဆိုင်ရာ ကျင့်ဝတ်များ ၃ ၊  တပ်မတော်သားများနှင့် သက်ဆိုင်သည့် မူဝါဒသဘောထားကြေညာချက် ၄ များကို ထုတ်ပြန်ခဲ့သည်။ ၆။ ပြည်ထောင်စုသမ္မတမြန်မာနိုင်ငံတော်၊ အမျိုးသားညီညွတ်ရေးအစိုးရ (NUG) နှင့် ချင်းအမျိုးသားတပ်ဦး (CNF) တို့အကြား အာဏာရှင်စနစ်ဆန့်ကျင်တော်လှန်ရေးနှင့် ဖက်ဒရယ်ဒီမိုကရေစီစနစ်ဖော်ဆောင်ကျင့်သုံးရေးအတွက် နှစ်ဖက်သဘောတူညီချက်ကို ယနေ့ မေလ ၂၉ ရက်တွင် အောင်မြင်စွာ လက်မှတ်ရေးထိုးခဲ့ပါသည်။ ၅၇။ အမျိုးသားညီညွတ်ရေးအစိုးရ ကျန်းမာရေးဝန်ကြီးဌာန၏ သဘောထားမှာ ပြည်သူသည်သာအဓိက၊ ပြည်သူ့ ကျန်းမာရေးသည် ပထမဖြစ်ပါသည်။ ကိုယ်ကျိုးစွန့်လျက်၊ အသက်ပေးလျက် ပြည်သူ့ကျန်းမာရေးကို စောင့်ရှောက်ပေး နေကြသော ကျန်းမာရေးဝန်ထမ်းများအား ကျေးဇူးတင်ဂုဏ်ပြုပါသည်။ ဝန်ကြီးဌာနအနေဖြင့် ကိုဗစ်-၁၉ ရောဂါ တတိယလှိုင်းကို ကာကွယ်နိုင်ရန်နှင့် ရောဂါဖြစ်ပွားမှုကို စောစီးစွာသိရှိနိုင်ရန် လုပ်ငန်းစဉ်များ ဆောင်ရွက်ထားရှိပါသည်။ လူတစ်ဦးချင်းစီနှင့် မိသားစုတစ်စုချင်းစီက ရောဂါကာကွယ်ရေး လုပ်ငန်းများ တိကျစွာလိုက်နာရန်၊ ရောဂါသံသယလက္ခဏာရှိသူများနှင့် မပြင်းထန်သော လူနာများ ဆောင်ရွက်ရန် လုပ်ငန်းများ၊ ပြင်းထန်သော လက္ခဏာရှိသည့် လူနာများအတွက် လုပ်ငန်းအဆင့်ဆင့်ကို ကျန်းမာရေးဝန်ကြီးဌာန၏ ဖေစ့်ဘွတ်ခ် စာမျက်နှာတွင် ဖော်ပြထားပြီး ပြည်သူများ သိရှိသင့်သည့်အချက်များကို အချိန်နှင့် တပြေးညီ ဖော်ပြသွားမည်ဖြစ်ပါသည်။ သံသယလူနာများ (၂၄)နာရီ ပြသနိုင်ရန် တယ်လီကျန်းမာစင်တာများကို ဖွင့်လှစ်၍ ကုသအကြံပေးသွားမည်ဖြစ်ရာ သတင်းထပ်မံထုတ်ပြန်သွားမည်ဖြစ်ပါသည်။ ကာကွယ်ခြင်းက ကုသခြင်းထက် အဆပေါင်းများစွာ ကောင်းမွန်သဖြင့် ရောဂါကာကွယ်ရေး နည်းလမ်းများကို တစ်ဦးကိုတစ်ဦး အသိပေး၊ သတိပေး၍ သတိမလစ် ဆောင်ရွက်ရန် လိုပါသည်။၈။ ဆေးတက္ကသိုလ်နောက်ဆုံးနှစ် အပိုင်း (ခ) ကျောင်းသားများအတွက် ကျန်းမာရေးဝန်ကြီး၏ လမ်းညွှန်မှုနှင့်အညီ UK ရောက်မြန်မာဆရာဝန်များမှ အပတ်စဉ် စနေနှင့် တနင်္ဂနွေနေ့ online zoom lecture များကို၂၉-၃၀ မေလ weekend မှစတင်ပို့ချပေးလျက်ရှိပါသည်။ မြန်မာပြည်ရှိ CDM လုပ်နေသောဆရာများ၊ US နှင့် Australia ရောက်မြန်မာဆရာဝန်များနှင့် ပူးပေါင်း၍ သင်ခန်းစာ အချိန်များကို တိုးချဲ့သွားပါမည်။ ပထမနေ့တွင် zoom သတ်မှတ်ထားသော ၁၀၀၀ ပြည့်သွားသောကြောင့် ဒုတိယနေ့တွင် zoom live အပြင် ကျန်းမာရေးဝန်ကြီးဌာန Facebook page မှ live လွှင့်ရာ ကျောင်းသား ၂၀၀၀ ကျော်တက်ရောက်ပါသည်။ ပြည်ထောင်စုသမ္မတ မြန်မာနိုင်ငံတော် ဆေးတက္ကသိုလ်များ ၏ သင်ရိုးညွှန်းတမ်းနှင့် UK ဆေးတက္ကသိုလ်များ (Leeds, Nottingham, Manchester, etc.) သင်ရိုးညွှန်းတမ်းအပေါ်အခြေခံ၍ ယနေ့မြန်မာပြည်အခြေအနေပေါ်မူတည်၍ သင်ကြားပြီး Emergency အခြေအနေ များကို ရှေးဦးစွာ ဦးစားပေးသင်ကြားပါမည်။ အပတ်စဉ် သင်ကြားမည့် အစီအစဉ်များကို ကျန်းမာရေးဝန်ကြီးဌာန Facebook page ၅ မှ အချိန်နှင့် တပြေးညီ အသိပေးကြေညာပေးသွားမည်ဖြစ်ပါသည်။၉။ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီးဌာန အနေဖြင့် Total ကုမ္ပဏီမှ အကြမ်းဖက်စစ်ကောင်စီသို့ စီးဝင်နေသော ဝင်ငွေတစ်စိတ်တစ်ပိုင်းဖြစ်သည့် အမြတ်ငွေခွဲဝေမှုအား ရပ်ဆိုင်းလိုက်သည့်အတွက် ကြိုဆိုပါသည်။ အဆိုပါအမြတ်ငွေများသည် စစ်ကောင်စီ၏ အကြမ်းဖက်လုပ်ရပ်များအတွက် အဓိကအထောက်အပံ့ပြုနေသော ဝင်ငွေများ ဖြစ်ပါသည်။ ယခုရပ်ဆိုင်းလိုက်သည့် အမြတ်ငွေသည် TOTAL ကုမ္ပဏီမှ အကြမ်းဖက်စစ်ကောင်စီထံသို့ စီးဝင်နေသော စုစုပေါင်းဝင်ငွေနှင့် နှိုင်းစာလျှင် မပြောပလောက်သည့် ပမာဏသာဖြစ်သည့်အတွက် အကြမ်းဖက်စစ်ကောင်စီအနေဖြင့် ရရှိမြဲဝင်ငွေအများအပြားကို ဆက်လက်ရရှိနေမည်သာဖြစ်ပြီး ၎င်းတို့၏ အကြမ်းဖက်ယန္တရားအား ဆက်လက်လည်ပတ် နေမည်သာဖြစ်သည်။ ကျွန်ုပ်တို့ အမျိုးသားညီညွတ်ရေးအစိုးရအနေဖြင့် ရေနံနှင့်သဘာဝဓါတ်ငွေ့ထုတ်လုပ် ရောင်းချသည့် ကုမ္ပဏီများအား အထူးတိုက်တွန်းလိုသည်မှာ အကြမ်းဖက်စစ်ကောင်စီ သက်ဆိုးရှည်ရေးအတွက် အဓိက ကျသည့် ရေနံနှင့်သဘာဝဓါတ်ငွေ့ရောင်းချရသည့်ဝင်ငွေများအား ထိရောက်စွာ အမြန်ဆုံးဟန့်တားပိတ်ဆို့ဖြတ်တောက် အရေးယူကြရန် ဖြစ်သည်။ပိုမိုသိရှိလိုပါက လေ့လာရန် လင့်ခ်များ၁။ https://www.facebook.com/NUGmyanmar/posts/123716479848992၂။ https://www.facebook.com/NUGmyanmar/posts/120535930167047၃။ https://www.facebook.com/NUGmyanmar/posts/121454170075223၄။ https://www.facebook.com/NUGmyanmar/posts/123219533232020၅။ https://www.facebook.com/MoHNUGMyanmar